تجمع امهات التوام حياكم

[درة البحر]

السلام عليكم شخباركم ياأمهات التوينز وكل عاام وأنتوا وتونزاتكم بخير
أخيرا انضميت لكم بعد معااناة الحمل ولدت في الأسبوع 34 وجبت بنوتتين بس بعدهم في الحضانة دعواتكم لهم يطلعون بالسلامة

[الأميرة جوري]

[html][/html]

المشاركة الأصلية كتبت بواسطة درة البحر

السلام عليكم شخباركم ياأمهات التوينز وكل عاام وأنتوا وتونزاتكم بخير
أخيرا انضميت لكم بعد معااناة الحمل ولدت في الأسبوع 34 وجبت بنوتتين بس بعدهم في الحضانة دعواتكم لهم يطلعون بالسلامة

وأنتي بألف خييييييير
مبرووووووووك والحمدلله ع السلامة
آن شاء الله بيطلعون بالسلامة وبضميهم لصدرج لاتخافي هذا شي طبيعي
بيخلوهم لفترة وبعدين بيطلعوهم بس أنتي أهتمي بنفسج وبنفاسج ونفسيتج.

شو سميتيهم؟

[نـــــــارا]

الذوق كيف يعني ما تعرفين من طلع قبل؟؟ انتي عملية ولا طبيعي؟ انا كنت عملية ووحدة طلعت عشر و 38 دقيقة والثانية عشر و 40 دقيقة الفرق بينهم دقيقتين
والكبيرة سنا وشكلا وحجما من يوم كانت ببطني سميتهم على اساس الوزن ويوم جبتهم كانت اللي وزنها اكبر طلعت اول وهم الحين حجمها اكبر والفرق بينها وبين اختها نص كيلو

حبيبتي احلى تونز عندنا وعندك خير انا بناتي تموا الاربعة اشهر الاولى ما يدرون باصبوعهم لان كان شتا وبرد واياديهم دوم في القفازات
ولما فصختهم القفازات كنت ابيهم يتعلموا يمسكوا الاشياء على طول لبشوا في اصبوعهم
الثنتين الى الان يمصوا صبعتينهم السبابة والوسطى مع بعض وحتى لين مصوا ثنتينهم في مرة
والحين بناتي عمرهم سنة وياكلوا ويشبعوا ويشربوا حليب وهم نفس الشي صارت صبعم تسلاية

[درة البحر]

أحلى توينز الله يبارك فيك ويسلمك والله نفسيتي تعبانة مرة بسبب بعدهم عني بس أحاول أصبر نفسي ووكلت أمرهم لرب العالمين وهو بصير بهم الله يحفظهم ويطلعهم لي بالسلامة وسميتهم ياسمين ونرجس
حبيت أسألكم أنا الدكتور قال لي أشفط الحليب وأوديه لهم وسويت مثل ماقال الدكتور بس الحين الحليب بدا يقل يعني في اليوم رضاعة وحدة وأحيانا أقل شسوي عشان يزيد ادرار الحليب عندي لأني أبيهم يرضعون من صدري بعد مايطلعون بالسلامة

[زود الغلا]

السلااااااااااام عليكم
وحشتوووووووووووووووني
غرووووووووووووومة ياااااااااااهلا وغلاااااااااااااااااا وحشتينا فقدناااااااااااااك اجل لي الحين ماجبتي خدامه ابشرك الايام الجاية راح تخليك تقررين تجيبين التوام متعبييييييييين يبيلهم مجابل الله يعينا
درة البحر....ااااااااااااااااااااااااااالف اااااااااااااااااااااااااالف مبروووووووووووووووووووووووووووك والحمدلله على سلامتك لا يضيق خلقك على بناتك انشالله فترة وتعدي اهم شي ان ارتاحي .
عشمانه ....الله يسخرلك زوجك يمكن عنده مشاكل مع اصدقائة او بالدوام او احيانا بدون سبب يتعكر مزاجه في ناس كذي بدون سبب فترة وتعدي بس لا تزنين علية ليش متغير وليش وليش لانه الرجل مايحب هالسلوب وعليك بالدعاااااااااااااء اللهم اجعله قرة عينك واجعلك قرة عين له اللهم اميييييييين
الذوق ........اسم الله عليهم عيالك يهبلوووووووووووون تبارك الرحمن .
حور العين ...... بقولك الطريقة اللي ضبطت نوم بناتي بس ماينامون عددددل لا بس احسن من اول ....8 شهور من عمرهم تقريبا كنت اصحيهم الساعه 10 الصبح واريقهم وينامن الساعه 3 تقريبا وينامون ساعه وبعد الساعة 8 ما اخليهم ينامون واذا كانوا دايخين حدهم 10 دقايق وبس اليوم اللي ينامون فقط الظهر وماينامون بعدها تكون نوم الليل منتظمة والحمدلله الله يعين انا بناتي مصاصه كل شوي قاعدين من النوم يدورونها .

[رضاك ربي]

شخباركم امهات ويحليلكم من امهات بمعنى الكلمة ههههههههه
ترى التوينز حمدلله حلوين برغم المعاناة

[رضاك ربي]

المشاركة الأصلية كتبت بواسطة ام ساره وسبلاء

كل سنة وانتم طيبين وعيد سعيد

احلي عيد لانه مع توامي ربي يحفظهم لي ...

Maha انا الحمد لله بناتي الحمد لله الان كملو الثلاثه اشهر

ودخلو الرابع باسبوع , يضحكو لي ويناغوا حلااتهم

ونومتهم بتستعدل شوي شوي .

الله يحميهم ويخليهم يارب فدييييييييييييت المنوتات الحلوات انا اغار منهم صراحة بناتي احس نفسي اكلهم هههههههه خاصة جنى اوقات الاعبها اعمل منها هريس هههههههه اما ندى غنوجة وماخدة بنفسها مقلب وتدلع نفسها عالاخر ههههه

[نـــــــارا]

درة البحر

الشفط يكون كل ساعتين بانتظام لا توقفين على كثر ما تشفطي على كثر ما يدر حليب

اشتري لك شفاطة كهرباء الكترونية ماركة مادبلا اللي تشفط من الصدرين في وقت واحد
وبامكانك تخزين الحليب بالفريزر لمدة ثلاثة اشهر ولا تنسي تكتبي عليه تاريه الانتهاء عشان ما تنسي

الاكل اللي يدر الحليب

الجزر
العدس
الشوفان
الحليب
الحلبة
حبة البركة
الينسون
ولو تبحثين تلقين وايد

وبالتوفيق

[رضاك ربي]

المشاركة الأصلية كتبت بواسطة الذوق

تسلمي نارا ....اما حكاية الكبير والصغير احنا متورطين فيها لانو شهادات المستشفى كل المواصفات مثل بعض المختلف شي واحد محيط الراس t1محيط راسو32وt2محيط راسو33 اذن الوجه الكبير هو الصغير وهو اللي سميناه يوسف بس ابوه واهلي موراضيين يفهمو يقولوايش عرفك هوذا الكبير وقال ابوه انا ابى اقول يوسف وهاشم موهاشم ويوسف ولاقدرنا نقلب اسمائهم خلاص كل واحد ثبت عليه اسمه مع العلم في اغلب الحركات هاشم هو السباق بالاسنان والمشي يوسف سبق ببعض الحاجات بس هاشم الاسبق ماشاء الله عليهم انتي يانارا بنتك الكبيره شكلا وسننا؟؟؟

الله يحميهم ويحرسهم من شر حاسد اذا حسد نفس كلام اخوي الكبير يقول لاتقولين هذي كبيرة وصغيرة الطبيب هو اللي اختار بالعملية منو يطلع اول ههههههه

[الذوق]

يسلمو كل من علق على صورة تونزي و انا ولدت بعمليه وعيالي بينهم 7 دقايق