تجمع حوامل العراق واتمنى اكو احد موجود

[توتايه]

اي والله يسوره تركته لان صرت فقر دم كلش قوي والله احسن شويه بس اليوم وكلته شوربة عدس لو خبلني تخبل من الغازات

الف الف مبروك حبيبتي امونه الله يسهلج امرج يارب

زينه حبيبتي حاولي تدفين اذنها

[مي &]

هلو بنات شلونكم شخباركم مشتاقه حيل تعرفون ايام عيد وملتهيه ويه الخطار الدكتوره مالتي كالتلي امشي من اطبين بتاسع واني اليه خمس ايام بتاسع مشيت مسافه ساعه وصار يومين ضهري يوجعني ما ادري شلون راح اكدر امشي بعد لولا بصراحه اريد امشي واجيب بسرعه لان تعبت والله يله الله يسهل عليه وعلى الجميع ويقمومكم ويقومني بسلامه

[مي &]

اكول صدك بنات من انام بليل على صفحتي احس الطفل يصير جوايه واكوم من انوم مخترعه اكول اخاف اجعصه وهو ابطني ههههههه همين يتأثر اذا حسيت الطفل صار جوايه والله مرات حيل اخاف

[مي &]

توتايه ..... حبيبه ماما ....... روح ملائكيه ..... ام سمر الاردن ...... زينه ...... ردينه الراوي ....... مهاوي ...... جود الحلا ..... كل عام وانتو بخير شلونكم شخباركم

[أم أيهومي]

هلووووووووووووو بنات شلونكم حبايب
مهاوي حبي والله مشتاقه لنصايحك ههههههههههههههه زوجي من نطلع للسوك ونريد نشتري شي لايهومي اكوله مو ام شوق نصحتني بكذا هههههههههههه هو يكول ماشي ماشي سلمينه على ام شوق ممخلين شي محاجين بي انتي وياهة هههههههههههههههه حتى من اكول اي شي يكول اي مو ام شوق كالت ههههههههه بأختصار شهرتج شهيره ههههههههههههه
والحمد لله على سلامة حمودي
امونه حياتي مااعرف شنو اكولج بس لازم تفتحين باللبن اكثر على كولة المثل ههههههه ولازم تحاولين تكسبين زوجك لجانبك والمرأة عدهة الف طريقه وطريقه اعرف انتي هادئه وطيوبه بس لازم تتشيطنين شويه لانه انتي عايشه وي شياطين ودور الملاك ميناسبج..على الاقل اكسبي زوجك..والله يعينج حبي..ويخليلج بنونه..والله انتي اخت وغاليه واحس بيج مثل اختي وانقهر على وضعج ويارب تحبلين بجاه الحبيب محمد ويصير شوكه بعيونهم..
ام سموره حبي تسلمين للكلام الحلو والله يعوضج خير اصبري وثقي بكلام رب العالمين (وعسى ان تكرهو شيئا وهو خير لكم)
والله ماينسى عبده واصبري على زوجك هو هم حقه وموسهله عليه كم يوم ويرجع لطبيعته وتزيل هاي الغمامه وتنجلي
اما عن ايهومي يبوووووووووو لو تدرين شكد مشتاقتله واريد اشوفه وصابره وادعي ربي بتمام الخلقه والصحه والعافيه ..
يسوره حبي اشرقت وانورت الله يساعدج الاسهال ايموووووت ..هاي خوش عيديه لازم مستبرده وهيج صرتي..ومابيج غير العافيه..
ايوته عمري شخبارج انتي وسوفي خطيه الغازات تموت والله اختي ربت جهالهة على شوربة التمن وماشاء الله صحه وعافيه تمن وتخليه بمي وتهرسيه بالجفجير وشوية ملح بلا دهن
العدس احنه الكبار يسوي بينه غازات..شخبار النفنوف والخياطه
كوكي ماكووووو ملتهيه بلولي
دلوعه منور حبي
رحوبه سفره سعيده الله يخليلج اهل زوجك اخاف راح نحسدك عليهم..ههههههههههههههه
صعووووووووبه ماكو ولادقة قلب..
رومانسيه منوره حبي وهلا وغلا نورتي التجمع ونتشرف بيج ولتخافين اذا بعدك بالاشهر الاولى ترجع المشيمه بالراحه ان شاء الله..
مهاوي عندي اقتراح شنو رأيج اجي يمج هم اشيل الضوجه وهم تروحين وياي للمستشفى هههههههههههههههههههه ونعوف ازواجنه..

[مجنونة بحبها]

هلووووووووووو بناااااااااااااات

ايه شكرا حبيبتي شلونج وشلون يوسف

مهاوي اخبارج واخبار الجهال

نجوله حبيبتي الله لا يحرمني منج يالغاليه
ان شاء الله احاول اصير شيطانه هع هع لان صح
الناس متنفع وياهم بس الوكاحه والشيطنه

ام سمر حبي الله يكون بعونج ويهون مصيبتج
ويعوضج الحمل السليم

يسرررررررررررى اخبارج واخبار رودينه وسلامتج من الاسهال
ماتشوفين شررررررررررررر

رحاب وصعب وغنى ودلوعه ووئام ماكو لحد هسه مشغولين بالعيد

[مجنونة بحبها]

يسررررررى انا اهلي رجعوا اول يوم العيد لان تعرفين
زيارات الاقارب وثاني يوم اجه زوجي وطلب ارجع وياه
وابوي ماحجه اي شي وياه رغم اني مقبلت ارجع الا نحاجيه
يغير اسلوبه وياي بس ابوي كال عيد واصلاح مو خراب
وجان عمامي موجودين وابوي ماحب يعرفون اني زعلانه اتعرفين
تصير شماته وسالفه قيل وقال فخصمها وكال ارجعي لبيتج
وصحيح بنونه بس شافت ابوها صرخت تعال وعافت اخواني وابوي وركضت لابوها خطيه مشتاقه لابوها هههههههه
ولخاطر عيون بنونه رجعت بدون اي شروط او شي
وزوجي حلف لابوي بانه ماطاردني وانما اني تركت البيت من ذاتي
ونكر كل الحجي الي يسمعنياه ورجعت
ومن رجعت ايكلي انا مااجيت علمودج وانما مشتاق لبنونه وبس
واليوم يكول رجعتج علمود تغسلين ملابسي وتنظفين البيت
وتطبخين وبس انا سكتت وعاهدت نفسي بعد مراح احجي
لان رحت وابتعدت عنه 13 يوم وهو مامهتم ولا مكلف نفسه
والحمدلله على كل حال
وهذي قصة رجعتي من الالف للياء ههههههههههه

[مجنونة بحبها]

المشاركة الأصلية كتبت بواسطة مي &

اكول صدك بنات من انام بليل على صفحتي احس الطفل يصير جوايه واكوم من انوم مخترعه اكول اخاف اجعصه وهو ابطني ههههههه همين يتأثر اذا حسيت الطفل صار جوايه والله مرات حيل اخاف

هلو عيني مي شلونج واخبارج
لاتخافين الطفل الله حاميه وهو برحم امه
بالسائل الي يغطيه ويحميه
اتكلي على رب العالمين
وان شاء الله ماتشوفين شرررررررررر

[غنى2011]

هلو بنات شلونكم ويه العيد ان شاء الله تونستو

اني اول يوم العيد عفت زوجي ورحت لبغداد ويه اهلي
وظليت يومين ورجعت المهر مال اختي صار بغداد هو راد يجي بس ماصارت

رحنا للصالون شسورنا شعرنا كل احنه البنات
العروس اجوي عليها اهل الولد واخذوها للصالون وصارت الحفله كولش حلوه وتونسنا

البارحه رجعنا من الصبح اجوي اهل زوجي وتعشوو يمنا ظليت بالمطبخ من الساعه 3 للساعه 7
الا ان اجوي
بس الحمد لله صارت سفره اكل تخبل تعجبو على البيتزا والكبه كالو الاكل كولش طيب

اليوم كعدت من الصبح على الغساله ونظفت البين لان البارحه توسخ العفو من الجهال والهوسه
وسويت الغده وهسه تغدينا وكملت واجيييييييييييت

شكد حجيت

ادعولي الله يرزقني بالذريه لتنسوني من دعائكم

[مجنونة بحبها]

هلو غناوي حبيبتي مبررررررررررررروك على الونسه

ويارب يرزقك الحمل السليم بهذا الشهر قادر ياكريم