دردشة حوامل أهل الرياض - دردشة بنات الرياض - تجمع حوامل الرياض

احفظ لي زوجي وعيالي · 05-16-2010, 03:44 PM

السلام عليكم /
انا من سكان الرياض كنت اتابع مواضيعكم من بعيد لبعيد وجه اليوم الي أسجل فيه
افيد واستفيد
بدخل في الافادة هه/
انا عندي طفلين بطفلتي الاولى كنت اراجع عند مستشفى المملكه
وتمام ماشفت اي شي غلط والي ولدتني نفس الدكتورة الي كنت اراجع عندها كله على حساب التأمين
بس بطفلي الثاني /كنت اراجع عند مستشفى المركز التخصصي الاهلي طبعاً
كنت اراجع عند الدكتورة شمسه الشريف الله يوفقها يارب قمه في الاخلاق والرووعه
بس وقت الولادة قالت لي اذا تبين اولدك تدفعين الفين ريال
على راحتك واذا ماتبغين راح يولدونك القابلات طبعاً انا خفت ودفعنا الفين ريال غير الـتأمين
وهالمرة بأذن الواحد الاحد راح اولد في التخصصي او المملكه كوني مجربتهم
بس الدكتورة شمسيه طلعت من التخصصي وراحت عيادة خاصه فيهم (اسمها أفنيو ) اهي مع الدكتورة فاطمة عسيري
بس المراجعه عندهم والولادة تكون عند احدى المستشفيات التاليه(التخصصي / المملكه/الحبيب/البريطاني /دله)
يعني انتي تراجعين عندها في العيادة طبعاً على حسابكم لانه ماعندهم تأمين واذا جه وقت الولادة تجي اهي تولدك بـ الفين وبعض المستشفيات المذكورة بـ ثلاث الالف
هذا الي عندي اليوم اشوفكم وقت ثاني
وعلى فكرة انا تقريباً في نص الرابع على حسابي طبعاً
دورتي في تاريخ 17/1/2010مـ
2/2/1431هـ
دعواتكم لي بتيسير حملي وسهولة ولادتي

قلب حبيبي ونبضه · 05-16-2010, 05:12 PM

مرحبا ياكروشات ،، اسمعن اليوم جايبه لكم كلام كثيرررررر،،،،،،،
اول شي اتصلت على التخصصي الطبي وسالتهم هل دكتورتي تولدني او المناوبه وقالت دكتورتك طبعا هي اللي تولدك اذا جتك الولاده اتصلي عليها وتجي قلت حلووو عاد كانت الدكتوره ناديه مسافره وارجعت الحمدلله كنت شايله هم وانبسطت لما عموما يابنات مو كل الدكتورات تجي لك وقت ولادتك بس الحبوبه والطيبه ،،،،

وبالنسبه للكلوميد ماعندي فكره عنه بس اللي اعرفه من جلسات الحريم واسمعه انه يتعب الرحم ويارب انك سالتي قبل تاخذينه والله يقومنا بالسلامه ،،،،

بنات شكلي انا اول وحده بولد قبلكم صح ؟؟

شموخ الكون · 05-16-2010, 05:18 PM

يابنات انا زوجي صديق الدكتور جون الشلهوب رئيس قسم النساء والولاده
قالي مافي دكتووووره تولد الا اذا هي حابه تولد يعني من طيب خاطرها
بس المستشفى لاينادي ولا يتصل واذ وحد ولدتها دكتورتها يعتبر صدفه جتها الولاده
ودكتورتها هي الي ماسكه الشفت
يعني مستحيل يكذب علينا وهو صديق زوجي
او انه مايدري عن شي وهو رئيس القسم وفي نفس الوقت هو الي على حد قوله انا الي منزل القرار كيف الغيه او اتهاون فيه
اذا انتم متاكدين من معلوماتكم يابنات تكفوون علموني علشان عنجد اروح اتفاهم معه

قلب حبيبي ونبضه · 05-16-2010, 05:26 PM

يعني ياشموخ زي ماقلت انه اذا الدكتوره طيبه وحبوبه راح تجي لك ،،وكمان اليوم انا اتصلت عليهم وقالت دكتورتك اذا اتصلت عليها تجي وحنا ماعلينا يعني نفس حكي جون صح

ميمــو بينــك · 05-16-2010, 05:39 PM

http://forum.hwaml.com/t17501-2.html#post161270

تجمــــع للــي يجهــزوا للبيــبي
حيااااكـم افيدينا واستفيدي ^_^

وعــــــــــد · 05-16-2010, 05:55 PM

لا ياقلب حبيبي ونبضه "انا اول وحده بتولد من حوامل الرياض هههه" بس مو راضي يجي
اخاف تسبقيني

شموخ الكون · 05-16-2010, 06:06 PM

طيب اذا جات تجي بدون مقابل ؟
طيب واذا كنتي كاش يعني موب علي التامين تجي ولالا ؟

احلى من الحب · 05-16-2010, 07:35 PM

هلا والله بالحلوات اخباركم
ان شالله تمام
انا جديده في المنتدا وحبية جلستكم
انا من الرياض حامل في الشهر الثالث
لي سنتين ماحمل وهذاحملي الاول من عند ربي ماستخدمة اي مونع او تعلجة عشان احمل
انا ارجع في مستشفاء سلمان الحبيب
عند الدكتورره حصه عبد الرحمان
حبوبه ماعليها
بس انا خيفه كثييييير لاني ماعرف شي عن الحمل والولاده
والمرجعاة ولا كل والتمارين والتحاليل
مارحة الا موعد واحد سولي فيه اشعه ورتني البيبي
وسمعة قلبه وجلسة ابكي مادري ليه
مووومصده شي الا الحين
احس اني احلم ....

قلب حبيبي ونبضه · 05-16-2010, 09:08 PM

ههههههههههههههههه وعد يوم شفت شريط حملك خفت يالله كثري مشي الله يهون عليك
وعد وين ناويه تولدي ؟؟

شموخ ،، انا مو على التأمين يعني على حسابي الخاص وجتني نفس دكتورتي ولدتني ولااشوفهم اخذو زياده لاني ولدت قيصري فاولدت عندهم ـ15 الف مثل سعرهم الحين ،،

اختي احلا من الحب ياهلا وسهلا بهالطله نورتينا بوجودك معنا ومبرررروك حملك والله يتمم عليك وتولدين بالسلامه ( ونصيحه مني لك يااختي اي شي تبي تسالي عنه وتستفسري عنه اسالي دكتورتك على طول اي سؤال يجي ببالك اساليها )) وحاولي تاكلين فواكه وخضار وعليكي بالبن والحليب والزبادي والعصيرات وايش تبغينه تراني بالخدمه دايما انا بالدردشه هذي ،،،، تحياتي

شموخ الكون · 05-16-2010, 09:32 PM

بنات ابي احسن محل محل عجنات في الرياض
وابي افكار حلوه وجديده لضيوف النفاس
كل وحده تقول الي تعرفه