تجمع حــوامل التوائم

[كوثرية]

لا تحاتين يا ( أتعبني حملي ) ان شاء الله ما تشوفين إلا كل خير

كثير حالات بدايتها تحسينها مجزرة وتقولين هالجنين ميت ميت وسبحان الله يطلع خطأ في التشخيص أو رحمة الله تنزل من حيث ما نحتسب

انتي إذا تجولتي في المنتدى رح تشوفين كثير من هالحالات وتتفائلين

[اميرة الشعر]

سلام على الكل اخباركم وحده وحده.....
اخبار الحمل ...انا تعبت الجلسة مررة تتعبني ضلوعي احسها تكسرت الله يعين يارب
اللي اخذت مثبتات بعد الثالث عادي م مشكلة انا من باية حملي وانا اخذ الدوفاستون وبعد الثالث عطتني مثبت ثاني يوتوبار والله متعب صراحه

بنات انتم مثلي تاكلون علاجات كثير ..
1- حمض الفوليك
2-فيتامينات...لاني ما اكل كثير
3-حديد..عندي فقر دم
4-كاليسوم...حللت صار عندي نقص
5-دوفاستون..خلقه اخذته
6-يوتوبار..آآآه منه متعب
7- حق التقلصات بس ما ادري ايش اسمه صراحه..عادي

يارب تعيننا وتطعمنا من خيرها ويكفينا شرها يارب

[اميرة الشعر]

اهلين كوثرية شكل آمال بتسحب من تحتك العمادة خخخخخخ

[أستاذة ذوق]

صباح الخير اميرة الشعر

اوف اوف بس وش هالأدويه كلها
حرام عليكي نصها ماله داعي
ليه ماوقفتي الفوليك
وبعدين ماتاخذين شي غير الحديد والكالسيوم واذا تحتاجين الفيتامينات خذيها فقططططط

انا دايم اراجع ويقولولي خذي حديد وكالسيوم بس
والله كثرة الادويه تضر ماتنفع

انا عندي التهابات في البول ومع كذا وقفت العلاج حقها اشسوي تعبت من الادويه

[اميرة الشعر]

والله وش اسوي نفسي اشيل الفوليك والفيتامين والحديد واليوتوبار متعب مرررره

هلا بك اكثر
توامي انتي بنات صح ايش بتسمينهم

[أستاذة ذوق]

الحديد لازم تاخذينه عشان الدم لكن الفوليك مااظن لأنه في الشهورالأولى فقط

انا قالولي وحده بنوته والثاني مو باين جنسه بس يتوقعون انها بنت
وعندي بكره موعد للسونار يارب يبين جنسهم
ما قدر أختار اسماءهم لين أتأكد من جنسهم

وانتي فكرتي بالأسماء ولا لسه

[اميرة الشعر]

الولد غسان بس البنت محتارة بيسان او ميسان او بيلسان
انا معجبني بيلسان بس وحده من قرايبي اسم بنتها بيلسان

[أستاذة ذوق]

اذا ماتبين بيلسان عشان قريبتك خلاص سمي بيسان
صراحه حلو ومميز

بتطلع اسماء اولادك ماشاالله روعه ومتناسقه

[اميرة الشعر]

من ذوقك عمري
اجل غسان وبيسان

[نـــــــارا]

لمياء... الحمد لله التعب يروح ويرد.. وأي أكل آكله أحسه يوقف على جبدي.. وخاصة وجبة العشاء

ملكة القلوب ودي أفيدج بس ما عندي فكرة لأني حملت بدون منشطات

جمانة.. ربي يشفيج ويرزقج الذرية الصالحة.. واوضي أمورك إلى الله.. الله ما يسوي شي إلا فيه خير وصلاح.. أنا مقدرة وضعج وكلام الناس اللي يغث.. أنا تأخرت عن الحمل من زواجي بس 4 أشهر والناس ما خلوني كل يوم يسألون ويحنون متى بتحملين وليش ما حملتي للحين.. وكنت محبطة لأن تاريخ عيلتنا كامل محد يتأخر.. الكل ما يرد من شهر العسل إلا وينتظرون مولود.. بس ولله الحمد فوضت أموري لله وناجيت ربي وقلت له إذا كان لي صلاح أني أحمل انت أعلم يا ربي وخلني أحمل وسهل علي.. وإن كان صلاحي في أني اتأخر أو حتى ما أييب عيال هم يا ربي أنا قابلة بنصيبك لأنك أعلم باللي يصلح لي من أي شخص غيرك.. الله وكيلج بمجرد ما شلت فكرة الإحباط والحنة على الحمل وظليت أفكر بإيجابية أن ربي هو أعلم باللي يصلح لي وآمنت باللي كاتبه لي ربي.. بنفس الشهر أنا حملت وحملت بتوأم بعد وهذا مفاجأة الرحمن بالنسبة لي عشان مافي في عيلتنا تاريخ للتوائم بالمرة... وعلى نياتكم ترزقون.. والله أعلم بصلاحج حبيبتي وهذا كله اختبار من رب العالمين اصبري وبتنالين أكيد :) ولا تيأسي من رحمة رب العالمين.

كوثرية.. فديت بناتج.. متى أنا بعد أحس في توائمي جذي! ألحين ساعات أحس برفات خفيفة في بطني بس أشك هل هي حركتهم أو قراقيع بطني اللي ما تخلص؟

أمس رحت لموعدي عند الدكتورة بس ما سوت لي ألتراساوند.. قالت بس بفحص بطنج سريرياً وبسمع النبض.. وجابت جهاز يشبه الألتراساوند بس صغير وحطته على بطني وسمعتني نبضهم بس من غير ما أشوفهم :)

وحشوني كان ودي أشوفهم وزوجي كل شوي يقول لي امشي نروح لدكتورة غير نسوي ألترا ساوند ودي أشوف عيالي!

يا أهلاً وسهلاً بآمال الجزائرية.. ربي يتمم حملك على خير وتقر عينك بشوفتهم :)

اختي اتعبني حملي.. أنا بعد ما عرفت أن فيني توأم إلا بالأسبوع الثامن.. ورحت للدكتورة قبل في الأسبوع الخامس بس ما خبرتني بولا شي حتى أني ما شكيت بشي.. كل اللي قالته لي ان ألحين في كيس جنين وما أقدر اعطيج أي معلومات إلا بعد 3 أسابيع.. ورحت لها بالأسبوع الثامن وعلى طول من حطت علي الجهاز قالت لي توأم! إن شاء الله بعد أسبوعين توضح عندك الصورة ويكون حملك كامل وسليم.

أم فروحة... لا تحاتين حبيبتي أنا نزل وزني 3 كيلو من حملت.. وأنا ألحين بنص الرابع وتوه زايد وزني جرامات معدودة حتى ما كملت كيلو زيادة.. وكل شي طبيعي بس أهم شي تحملي في أكلك وأشربي حليب وأكلي فواكه

أميرة الشعر.. الفيتامينات والحديد والكالسيوم ضروريين خاصة إذا كان دمك مو قوي وعندك نقص بالفيتامينات والحديد.. والفيتامينات تقوي الجنين وتعطيه مناعة وبنفس الوقت تحسن من شعره وبشرته

وبالنسبة لحمض الفوليك أنا بعد ما زلت مستمرة عليه وكلمت الدكتورة وقلت لها أني قريت أن حمض الفوليك بس للأشهر الأولى.. قالت لي هذا للجنين الواحد لكن التوأم لازم نستمر للأشهر الأخيرة
بعدين حمض الفوليك عبارة عن فيتامين موجود في الفواكه وخاصة التفاح