تجمع اللي بيولدون في شهر ذو الحجه

[غلا الرووح]

ابشرررررررركم

واخيرا قررت اتنشط واكوي الملابس الي شريتهم لي وللنونو

بروب

[maroooma]

أهلين ام عبدالله أنا تمام انتي كيفك؟

[maroooma]

مبرووووك يا كسلانه هههههه اصلا هما قطع صغار تخلصي منها بسرعه والله من الفجر للساعه8 وانا أكوي ملابسنا لسا مًــآ فضيت لملابس ميوره

[غلا الرووح]

بااااااااك
اوووف يزهق الكوي نص ساعه على لبسين استقبال
والله وطويت الطاوله ملابس حموودي بعدين
تعبت وانا واقفه
والمشكله ما اعرف اكوي وانا جالسه
ووراي غدا

برافو عليك مرووما طلعتي اسنع مني

[maroooma]

أنا كنت زيك بس اتطورت صرت انجز واخلص ههههههه
عقبالك أنا زوجي سهران قالي ما اقدر اوديكي الدكتوره قلتله أنا بنام مافي غدا هههههههه
وحده بوحده والله من امس صاحيه بالقوه فاتحه عيوني
يلا باي بناااام حاسه أني مره تعبانه وغثيان وقرف وتقلصات ببطني

[اجوان]

كيفكم مامات,,

بالنسبه لابرة الظهر ,,انا مره نفسي اخدها بس مره خايفه لانو امي تقولي لاتاخديها ابدا :(
مااعرف مابغى اتالم خصوصا اني حاولد لوحدي وزوجي من دحين يقولي ماحادخل معاكي وقت الولاده ,,, يعني احس مافي حاجه تسندني ونفسيتي زفت حتكون فقلت اخد دي تخفف شويا بس محتااااااااااااااااااره,,
كمان سمعت انو مو حلو البكريه تاخدها لانها تبنج تحت وتصيري ماتعرفي تدفعي خصوصا انو ماعندنا خبره بالدفع وكدا ..

مين خلاص قررت تاخدها؟؟؟؟؟؟

[اجوان]

غوووشه,,
دوبي اشوف المقطع حق الولاده,,ياربي ايش دا اكيد ماخده ابرة ظهر كمان حتى البنت طلعت نظيفه هههههههههههههههه
روقاااااااان مو ناقص غير يجيبوا لام كوفي تمزمز عليه وهيا بتولد ..
فين احنا حوسه وصراخ طبعا ماجربت بس سمعتهم كدا يقولوا هههههههههههههه

[Dado]

ياسلام ياغووشه والله البنت فكرتني بنفسي
زي كدا كنت روقاااااان بس الشي اللي كان موترني الاجهزه اللي حواليا عشان ولدي اول مايطلع وكنت خايفه برضو عليه مره
اصلا لما خرج و وروني ياه بعد ماحطولو الاجهزه وقالولي سليم خلاص روقت ورحت لقيت صاحباتي بغرفتي وام الروقان قالولي انتي منجد دوبك طالعه لووووول
حتى اجلس عادي واتحرك وماكنت حاسه بالم الغرز
بس تاني يووووم بدات الام الغرز

والله يابنات انا مررره انصح فيها وعلى فكره انا اخدتها والرحم مفتوح 9 ونص لانو ماقدرت ابدا اتحمل الام الطلق كانت شي مو طبيعي.. انا عانيت من هالالام 4 ساعات وكانت كل مالها تزيد بس لا صرخت ولا شي كانو يطلبو مني اخد نفس.. اصلا استغرب من اللي يصرخو احس مافي طاقه للصريخ اصلا بس بكى لووول

اجوان انا زيك امي وحماتي قالو ماتاخديهاااا وقلت حشوف الوضع.. والله ماااقدرت قلتلهم خلاص هاتوها حموووت

وصح انا صاحبتي بالسعوديه واخدتها .. ليش مره متخوفيين منها بالسعوديه


ربي يسهلكم انشالله ..

[Dado]

ايوا نسيت اقلكم
صح كان الرحم مفتوح 9 ونص بس النونو راسو مانزل فكانو يستنو ينزل الحوض.. بس ماكان فيه امل
فتخيلو معايا طلق والرحم خلاص مفتوح لكن النونو حالف يمين مايطلع.. عشان كدا عطوني ياها وهو مفتوح 9 ونص

[اجوان]

دادو,,
انا اليوم حاسال دكتوري وراح اقرر اليوم انشالله وماراح اعلم امي اني حاخدها عشان ماتخوفني ..
بس دام هيا حاجه مو خطيره بفهم ليش يجيبوا ورق ولازم زوجك يوقع وحاله يحسسونك كانها شي عظيم ومصيري في الحياة !!