تجمع الحوامل الي بيولدون في شهر ذو القعده ^_^

[wounded feelings]

مرحباا يا بنات شخباركم
الف مبروك ماما زوزو ولدتي معاي
ام عبدالرحمن انتي مثلي طفتي موعدج يومين وبعدين ولدتي
مووني الحمدلله على سلامتج
الف مبروك لكل البنوتات والله يسهل على الباقي

خلوووني اقولكم قصتي بإختصار

انا الطلق كان عندي مده خمس ايام متواصله تجي بالليل وتروح بالنهار
واليوم الخامس تاريخ 15/10 الالم متواصل من الليل لين الصبح طلعت روحي وقلت لزوجي ماقدر استحمل وقالي صبري يمكن يزيد وقعدت انطر بس كان شي حامي ذابحني وراح ريلي الجامعه وبعدين اتصلت عليه لاني ماقدرت اقعد حتى وبس رحت المستشفى قالوا لي ثلاثه سانتي يالله ولاده

اااه من الولاده قعدت بالطلق من الساعه 10 الصبح لي الساعه 2 الظهر
وتوسعت لين 6 والله استانست وقالوا لي يمكن على الاربع اولد ان شاء الله وبطوا ماي الياهل وجات الاربع وانا مثل ما انا لين الساعه سبع تخيلوا ومافي اي توسع قالوا بنحط لج صناعي لازم يحمى الطلق علشان بطينا ماي الياهل وبتتعب وقلت اوكي ويا الصناعي الم الم اعوذ بالله وين الطبيعي ارحم بوايد وصارت الساعه 9 وصرت معلقه من 7-8 سانتي وايسوو فيني خلاص البيبي بتتعب وانتي مو راضيه تتوسعين بنضطر للقيصريه
وكان اصعب قرار بحياتي لاني مو حابتها بس دخلوني وتمت ولله الحمد على خير والمها جدا متعب ومهلك ولا اقدر اهتم ببنوتي زين بس الحمدلله شوي بديت اخف

اي صح الامومه شي وايد حلو والطلق الطبيعي كان مستحمل واحس لو ولدت طبيعي كانت بتكون فرحتي اكبر لان القيصريه الوحده مخدره وتعبانه

بنوتي كلها شبهه ابوها الله يحفظهاا


يابنات لا تستعجلون على الولاده الحنه مو زينه
خلكم على الدعاء وربي يسهلها ان شاء الله عليكم