ماقبلها زوجي من ابوي ويبيني بالغصب اقبلها من اختة

[ريح المسك]

خليك سيدة الموقف , وادهني السير يسير , لاتجلسين تناقرين الرجال في الطالعه والنازله لأنه شي اكيد راح يتغير عليك , اجلسي تشكري في اخته وامدحيها وانها ماقصرت معاكم >>> حتى لو انك مو طايقتها , لا تنسي أهله طلعيهم في السماء من كثر المدح , لآن الرجال يحب الحرمه اللي تحب أهله , وهو يشوف ان اهله يحبوك ويبغون لك الخير وانتي ماتحبيهم
اهم شي لا تخليه يزعل منك , وبالنسبه لوقفة أهلك معاك انتي وصلي له الكلام على انه خبر ( هذي حطي تحتها مئة خط )>> لا تشاوريه ولا تناقشيه في الكلام ولا تفرضينه عليه لأن نفسه ماتقبل هالشي ويشوفها كبيره في حقه , قولي الخبر واسكتي حتى لو علق على الموضوع , وبعدها افتحي موضوع ثاني , مختلف تماما عن اللي قلتيه , او قومي وجيبي له عصير
مافي شي يستاهل تعكرين مزاجك عليه , عندنا وعندك الخير >> من المشاكل
وتعلمي كيف تقلبين الطاوله , الرجال يحب الدلع والرقه والكلام الحلو >> عامليه معاملة الطفل
حتى لو رد عليك بغلاضه سوي نفسك مسكينه >> الرجال بطبعه حنون وطيب وتكسره الدمعه , واذا جاء يراضيك ارضي بسرعه لآنه راح يمل , ولا تفارقك الضحكة دايم اتبسمي في وجهه
العناااااااااااااااد شيليه من راسك مايفيد مع الرجال ابداااااا
حطي بفمك حبة مر وصكي عليها لا تروحين تشكين لفلانه وعلانه وتنشرين اسرار بيتك ويمكن تقولك شي يخرب بيتك او يوصل الكلام لزوجك , ساعتها مايفيدك شي , تبغين تفضفضين تعالي هنا ( محد يعرفك )واطرحي مشكلتك والبنات راح يساعدونك , لا تشكين لا أهلك ولا لصاحباتك >> نصيحه مجربه ,ماراح يفيدك غير انك تغيرين معاملتك وتخلينها أحلى وشوفي كيف راح تكون حياتك
أدري اني طولت معاك تحمليني والله كله ابغى مصلحتك وشكلك صغيره , >>> اللي يشوفني كبيره هع , بس الدنيا تعلم اللي ذاق المر
خليك مرنه في تعاملك والله هالله في زوجك من اليوم غيري معاملتك معاه , وراح يسير مثل الخاتم في اصبعك , انتي اصبري وشوفي , الكلام اللي كتبتيه كان في ساعة غضب منك , طولي بالك عليه ودلعيه واملي عينه بالاكل الحلو >> الطريق الاسرع لقلب الرجل معدته
وروحي معاه للدكتور منتي خسرانه شي وان شاء الله ربي يكتبلك الخير في طريقك , وتبلغينا بحملك هالشهر يارب
واذا سويتي اللي قلت لك عليه وجاب معاك نتيجه مرضيه ادعيلي ان ربي يحفظ لي زوجي ويسخره لي ويرزقنا بالذريه الصالحه ويستر علي دنيا واخره