تعالوا شوفوا الدكتوره شقعد عطتي ادويه .. ساعدوني !

[صفاء الروح]

السلام عليكم خواتي ..

الله يرزقنا وياكم بالحمل السليم

بقول لكم قصتي من البداية ؟ و بلييييز اذا عندكم خبر ساعدوني و اشرحوا ليي السالفه لاني بصراحه ضعت .

زوجي يبغي عيال من فتره و اني مر على زواجي سنه و ما صار حمل

و قررت اروح المستشفى اشوف وضعي لانه الدوره بعد الزواج اتخرطبت عليي و ما قامت اتجيني في موعدها احيانا اتغيب شهر و نص او شهرين و اتظل بس 3 ايام

صرفت لي الدكتوره دوا دوفستون لمده خمسه ايام و بعد هالفتره ظليت يومين و يوم ثالث نزلت الدوره غزير و رحت للدكتوره مره ثانيه عشان كان عندي موعد معاها بعد ثلاثه ايام من الدوره

و سويت بعد تحليل دم للهرمونات لانها طلبتها مني
طبعا عطتي الدكتوره بعد قراءه التحليل ادويه و قالت ليي عندك نقص في هرمونات معينه

الادويه هي :
حبوب فيتا فول بعد الفطور حبه في اليوم
حبوب الكلوميد حبه في اليوم لمده خمسه ايام
حبوب جلوفوكاج 1000 لمده ثلاثه شهور
حبوب نوربرولك لمده ثلاثه شهور

و عندي فحص سونار بعد اربعه ايام
اني خايفه من وضعي و من كثر الادويه و ما ادري شفيني بالضبط
على الرغم انه الدكتوره طمتني و قالت في امل بس تحتاجين شويه علاج

في احد مر بحالتي او عنده اي معلومات ... بليييييز لا اترودني ساعدوني

[نور منوره]

شوفي حبيبتي وضعك ان شاء لله مافيك شي كايد
لاكن الي اعرفه ان حبوب كلوفاج للي فيها تكيس على المبيض
ويساعد على التبويض الي منه الحمل
والكلوميد هذا اعرفه لتنشيط المبايض بس كيف تعطيك كل هالحبوب بدون ماتعلمك عن الي فيك
نصيحه ارجعي لها وافهمي وش فيك من عله
وش نوع مرضك
تكيس
ضعف بالتبويض
او شنو بالضبط
وبعدين انتي الي تقريرين تاخذين الحبوب اااو لا

وعلى العموم الحبوب هذي اتوقع اغلب البنات اخذوها

بس الي مستغربه شلون كلوميد وكلوفاج بوقت واحد
بس نقول الدكتوره ابخص
وربي يوفقك ويساعدك واتوقع امرك سهل جدا توكلي على لله

[صفاء الروح]

مشكوره حبيبتي نور منوره ما اتقصري

اني الي مستغربه منه انه عطتي اربعه علب ادويه !!!

هذا الي حيرني و خلاني في وسواس .

انشاء الله في موعدي معاها بقول ليها شنو قصتي

ما ادري ليش احس من الادويه فيني كلشي

يعني كوفاج يعني تكيس
كلوميد يعني تبويض
نوربرولك يعني ارتفاع هرمون الحليب

احس ما فيني شي صاحي

الله يستر بس .... يالله اتساعدني و اتصبرني

[ألم الجراح]

ان شاء الله اختي ما فيك الا العافية
وامرك بسيط يحتاج الى الانتظام على الادوية والله كريم بيرزقك ان شاء الله
وترا كل هذه الادوية ما لها اضرار ولا تخافين وكلي امرك الى ربك واشربيهم

[سمار]

حبيبتي أنا أنصحك تروحي لدكتوره ثانيه شاطره تكوني سألتي عنها من قبل لأن ترا أغلبية الدكاتره بس يكثرون أدويه للواحد ولا يفيدونه بشي وحتى لو سألتيها بتطلعلك مليون سبب وسبب
أو تقول مافيه شي أمور بسيطه وخلاص بس لا لاتستمري معاها شوفي غيرها أحسن حتى لو من باب الإستشاره وبعدين قرري بعدين مايجي جلوكوفاج وكلوميد لأن الكلوميد راح يضخم التكيس أو الأكياس اللي عندك وتتعبين والله ياألم بيجيك مع تضخم الأكياس بسبب المنشطات
فنصيحه شوفي غيرها تعالج لك التكيس أول وتنظم لك الدوره بعدين وبعدين تعطيك المنشطات
والعلاج يكون خطوه خطوه مو خبصه كذا
والله يرزقك ويرزقنا الحمل السليم التام الكامل

[مجنونة بحبها]

اختي انا مثلك كنت اخذ كلوكافاج للتكيس ودوستنيكس لارتفاع هرمون الحليب وكلوميد من اجل التبويض وكمان اخذ فولك اسيد واسبرين

الله يرزقنا الحمل بهذا الشهر ااااااااااااااااااامين رب العالمين

[مجنونة بحبها]

اختي انا مثلك كنت اخذ كلوكافاج للتكيس ودوستنيكس لارتفاع هرمون الحليب وكلوميد من اجل التبويض وكمان اخذ فولك اسيد واسبرين

الله يرزقنا الحمل بهذا الشهر ااااااااااااااااااامين رب العالمين

[صفاء الروح]

المشاركة الأصلية كتبت بواسطة ألم الجراح

ان شاء الله اختي ما فيك الا العافية
وامرك بسيط يحتاج الى الانتظام على الادوية والله كريم بيرزقك ان شاء الله
وترا كل هذه الادوية ما لها اضرار ولا تخافين وكلي امرك الى ربك واشربيهم

الله اطمنك مثل ما طمنتيني
و الله حسيت بنوع من الراحه بعد قراءه ردك
شكرا اختي ألم الجراح و عسى الله اجازيك كل خير

[صفاء الروح]

المشاركة الأصلية كتبت بواسطة سمار

حبيبتي أنا أنصحك تروحي لدكتوره ثانيه شاطره تكوني سألتي عنها من قبل لأن ترا أغلبية الدكاتره بس يكثرون أدويه للواحد ولا يفيدونه بشي وحتى لو سألتيها بتطلعلك مليون سبب وسبب
أو تقول مافيه شي أمور بسيطه وخلاص بس لا لاتستمري معاها شوفي غيرها أحسن حتى لو من باب الإستشاره وبعدين قرري بعدين مايجي جلوكوفاج وكلوميد لأن الكلوميد راح يضخم التكيس أو الأكياس اللي عندك وتتعبين والله ياألم بيجيك مع تضخم الأكياس بسبب المنشطات
فنصيحه شوفي غيرها تعالج لك التكيس أول وتنظم لك الدوره بعدين وبعدين تعطيك المنشطات
والعلاج يكون خطوه خطوه مو خبصه كذا
والله يرزقك ويرزقنا الحمل السليم التام الكامل

انا سألت عن الدكتور و الكل كان يمدح فيها و قولون دكتوره شاطره

بس اكيد اذا ما ارتحت من علاجها و خبرتي بكل شي بشوف دكتوره ثانيه

شكرا اختي على النصيحه و ردك

[صفاء الروح]

المشاركة الأصلية كتبت بواسطة حبيبه ماما

اختي انا مثلك كنت اخذ كلوكافاج للتكيس ودوستنيكس لارتفاع هرمون الحليب وكلوميد من اجل التبويض وكمان اخذ فولك اسيد واسبرين

الله يرزقنا الحمل بهذا الشهر ااااااااااااااااااامين رب العالمين

يعني مو بس انا اشرب اكثر من دواء واحد

يارب ترزقنا يا رحمان يا رحيم

مشكوره اختي على ردك ..الله يعطيك الي تتمنيه انشاء الله