تجمع حــوامل التوائم

[كوثرية]

من منكم يحاتي الشهر الكريم؟ صراحة شهر رمضان وصيف وحر وحمل وراح أكون بالسابع! يعني كيف راح نتحمل الجوع والعطش؟ وتعب الحر والشمس ودوامات!!

يا محاسن الصدف

البارحة كنت أتكلم ايا زوجي على شهر رمضان

بس أنا لما يجي شهر رمضان رح أكون والدة ومخلصة لي شهرين، بس أنا أحاتي اشلون بقدر أصوم وأنا أرضع اثنين، صحيح رح أخليهم يشربون صناعي بس أبي يكون الطبيعي هو الأساس على الأقل في الأشهر الأولى .

وبعدين اشلون بقدر أجلس أجهز فطور وأنا عندي بنوتتين ما يندرى خلوني أنام والا ما خلوني .

يمكن أخلي نظامي نظان جناني يعني أنام النهار كله وأصحى الليل كله هههههه عشان أمشي الشهر

[أستاذة ذوق]

نــارا
انتي بتكونين بالسابع في رمضان
لكن انا ولاااااااااادتي برمضان
هذا طبعاً اذا كملت التاسع كله ..يعني بكون فاطره
بس انا مو حابه اولد برمضان بعدين بقضيه كله

وبالنسبه للملابس حتى انا مو عارفه اشتري ملابس البيبي كثيره ولا شوي
وآحذ ملابس ثقيله ولا خفيفه

[لمياء]

نارا

احس التجهيزات امتع شي اموت من الوناسه اذا رحت اجهز اغراض البيبيات

انا الحين مابعد حملت قاعده ادور في اغراضهم ونفسي اجهز ههههه

عاد اللي نفس الجنس بنات او اولاد سهل مره كأنك تجهزين لوحده

بس الكميه دبل

ومن رأيي ماتجهزون بدري لانك اذا صارت الملابس عندك

بتتولهين لين تولدين

ورمضان الله يعينكم على التعب

لكن الله بيعينكم بمشيئيته ولاتشيلون هم من الحين

[اميرة الشعر]

آآآه الله يسهل علينا انا راح تكون ولادتي اخر رمضان او بالعيد

بنات فيه احد منكم يحس بالم في ضلوعه معه القعده على طول اتعب من القعده مرررره ضلوعي تروح واحيانا كأن فيه شي ينصفط(ينطوي)مدري القلب مدري وشو
حتى لدرجة احيانا اذا شديت روحي وانا ابنظف خشمي الله يكرمكم (طبعا واقفه عند المغسلة اكون) احس ضلوعي تعورني فيه احد مثلي

[حزن الزمان]

شخباركم جميعا ... عسوولة ربي يطمن قلبك يارب وتفرحين فيهم ... وترى أهم شي النفسية لا تحاتين ..
نارا ...حبيبتي ولادتنا بتكون في الشتاء ليش بتكون في ذي القعدة صح بالعربي ...يعني حررررر ...
الحمدلله حنا عندنا بقطر إجازة برمضان كامل ...
حياتي كوثرية ما وصيك تدعين لي يثبت حملي ويخليهم لي يارب ... ونبي شرح عن ولادتك ويارب تكون طبيعية وتشجعينا كلنا ... يارررب

[حزن الزمان]

حبيباتي وينكم اليوم ولا حد ؟؟؟؟

[لمياء]

حزونه

كيفك؟

ان شاء الله تمام وكيفك مع الثقل؟

[كوثرية]

حياتي كوثرية ما وصيك تدعين لي يثبت حملي ويخليهم لي يارب ... ونبي شرح عن ولادتك ويارب تكون طبيعية وتشجعينا كلنا ... يارررب

حزونة

لاتوصين حريص

رح أكتب الكم في أقرب فرصة عشان لا أنسى شيء

اخذوا استراحة واقروا قصة ولادتي بولدي الثاني ( طبعاً منسوخة من موضوع [ من تشرح ولادتها بالتفصيل ])

رح أحكيلكم ولادتي الثانية ورح أضرب الرقم القايسي في التفصيل الممل

في ولادتي الثانية عمات ولدي البكر أخذوه في الليل عندهم تحت يبون يلاعبونه رحت على فراشي انسدحت اشوية، إلا وجت أخت زوجي وجابت ولدي قالت مو راضي يريدش أخذته منها وتشكرتها وكان زوجي توووه بينام

جلست ايا ولدي وكان الوقت متأخر أريد أنام لكن من جهة ما أريده يطلع صوت عشان لا يصحي أبوه ومن جهة ثانية بدت معي الآلام مو عارفة أنسدح

ظل هو يلعب وأنا جالسة يمه ودااااااايخة ( وهو طبعه نحيس ما يتنيم لازم يتعب وينام الحاله ) ما نام إلا مع صلاة الفجر

صحيت زوجي وصلينا وكنت متوجعة بس ما قلت له بس ورا الصلاة على طووول نمت، بس كل اشوي ما جاني وجع وصحاني من عزيز نومي وكل ما جاله ويتقارب

الساعة 10 الصباح صحيت زوجي قلت له قوم شكلي بولد

نزلنا ولدي عند عماته وقلت لزوجي لا تقول انهم اني رايحة أولد أدري أمك بسرعة تخاف قول الهم رايحين مشوار وإذا ولدت فرّحهم >> لأن أم زوجي بغت تنجن في ولادتي الأولى

المهم ركبنا السيارة وأنا أتألم بس زوجي ما حسيته تفاعل اياي والسبب اني أنا بااردة ولا يبيّن علي الألم ولا أصارخ ولا شيء قاعدة أسولف معاه عاادي >>وتبيه يخاف ويتفاعل

وصلنا المستشفى وباعتبار بطني مش كبير وأنا مش جزوعة قالت لي السستر : ويش في ماما ؟
قلت الها : آلام شكلها ولادة .
قالت : ولادة !!!
وظلت تطالع فيني ذي وجهها وجه وحدة جاية تولد ؟

المهم دخلت غرفة الكشف ولأني ما كنت أصارخ ولا لي نفس ما جتني الدكتورة على طول راحت لثنتين قبلي شايلين المستشفى وأنا قعدت ألعب في جهاز كان يمي > وشكلي خربته

أسمع الدكتورة كل اشوي تنادي تعالوا صعدوها مفتوح عندها 5 سم
تعالوا شيلوها مفتوح 2 سم
وهكذا


آآخر شيء جتني ولا حسيت ابها إلا واقفة على راسي وأنا بالجرم المشهود قاعدة ألعب في الجل
طالعتني بنظرات غير وقالت : بتشتكي من إيه ؟
قلت الها شكلي بولد

كشفت عليي وهي أبعد ما تكون عن الحماس
ما شفتها إلا بققت عيونها وطارت عيونها من راسها وناادت السستترات تعااالوا 8 سم

إلا وهجموا عليي السسترات وحدة تجرول السرير المتحرك والثانية شايلة ملابس المستشفى
الحمد لله ما كان عندي مسدس والا كنت طلعته وخلصت عليهم كلهم لأن شكلهم شكل اللي بيهجمون على قد ماهم ماتخرعين وخايفين أولد في محلي

جت وحدة قالت يالله ماما غيري ملابس
أخذتهم وبقيت اطالعها إلا وهي بدت بتفتح أزرار ملابسي الي عليي

قلت الها شنو خير شتبين ؟
قالت لازم يغير ملابس
قلت الها معلش أنا أغير وحدي اوقفي برا
قالت ممنوع مفتوح 8 سم يعني ما أخليش الحالش ولا لثواني
قلت الها أجل ما أبدل

حست نفسها مجبورة وجات توها بتطلع إلا وشافتني بوقف عشان ابدل إلا وصرخت : لااااااااا ماما

قلت : شنو ؟
قالت لا توقفي خطر البيبي يطيح بدلي وانتي جالسة

بدلت وطاروا بي بالسرير وأنا مكيفة كشخة يدفوني مروا بي على مكان فيها نافذة واقف يمها زوجي رفعت اللحاف وأشرت له بيدي وأنا أتبسّم وغمزت له >> تقولوا داخلة ألعاب مو قسم ولادة

وما ظل جدار في المستشفى إلا ورقعوا بي فيه من السرعة
ولا باب إلا واقتحموه اقتحام ما فتحوه عدل>> حسيت نفسي مهمة

صعدوني فوق قسم الإنتظار للولادة والصريخ قايم على أصوله وأنا ساااكتة بس أتسمع اللي تسب زوجها واللي تدعي على روحها واللي تشوت الممرضة واللي واللي

جتني دكتورة وافتني ساكتة ولا عندي طلق زي الأوادم ففتحت لي كيس الموية هي راحت منا وبدت الأوجاع السنعة مناك

وأنا حاطة حرتي في الشباق مال اللفة اللي على راسي مرة أشيله وأعضض فيه ومرة أحطه آخر شيء استنيت ممرضة تمر يمي وشتتها به

تالي صار ما معي شيء حطيت حرقة قلبي في الشريط مال قياس الطلق اشوي وأطالع فيه صاروا خطوطه رفاااع اشوي وامصعه وأشوته

إلى أن خلاااص وصلت حدي وطلع صوتي قلت : تعااااالوا بولد
جتني الممرضة وقالت يالله 10 سم حطتني على الكرسي المتحرك وودتين غرفة الولادة وأنا قاعدة أصعد على سرير الولادة وأنا اقول للدكتورة عليش بالله لا تسوي لي جراحة
قالت ماما أنا ما أريد أسوي جراحة عشان لا انتي تتعبي وتتألمي ولا أنا أتعب أخيّط بس انتي ساعديني

صعدت على سرير الولادة وكل اشوي ماجتني آلام ومو جاي يشرف وأنا أتحلطم عليه بصوت واطي : بسسسس خلااااااص اطلع طلّعت روحي .

اشوي إلا وحسيت بروحي بدت تطلع وظليت أستنى عزرائيل إلا وجتني الدكتورة قالت خلاص طلع الراس قلت في خاطري الحمد لله وأنا عبالي روحي بتطلع وبيدخل عليي عزرائيل وأنا بهالحالة فشلة

اشوي إلا ورفعته قدامي وشفته يجنن حطته على بطني بس أنا جتني رعشة قوية جداً ورا الولادة لدرجة سرير الولادة كله كان يتحرك معاي فخافت على الولد يطيح وشالته .


و ولدي الآن عمره 6 سنوات والله يحفظه ياربي

[اميرة الشعر]

اشوي إلا ورفعته قدامي وشفته يجنن حطته على بطني بس أنا جتني رعشة قوية جداً ورا الولادة لدرجة سرير الولادة كله كان يتحرك معاي فخافت على الولد يطيح وشالته .



احسها اجمل لحظة

[لمياء]

ماشاء الله عليك

حصني نفسك فيه حريم تموت من الالم وهي مابعد انفتح الرحم 2س

انتي عندك ولدين ؟وحامل ببنوتات؟

ماشاء الله عادله كذا