تجمع حوامل اللي موعد ولادتهم في شهر محرم 1433

لابسه المنفوش · 10-04-2011, 02:33 AM

أنا في جامعه طيبه في المدينه

عانيت بسكات · 10-04-2011, 02:33 AM

والله طفشتني الجامعه وخاصة البنات معد صارو يتعاونو مع الحامل
انا قهرتني بنت عندنا عمل جماعي ونادوني صحباتي معاهم وفي وحدة قالت دوري مجموعه ثانية
تخاف اني اولد وما اكمل شغلي

لابسه المنفوش · 10-04-2011, 02:42 AM

وربي من جد اصلا تحسي حتى الاستاذات مايتعاملوا بحنيه مع الحامل لو تاخرتي خمس دقايق تطردك وربي الجامعه من غير حمل ضغط نفسي اجل كيف مع الحمل يادوب انتي تعبانه من نفسك وهيا تزودها عليك

عانيت بسكات · 10-04-2011, 02:49 AM

من جد تخيلي غبت مرة وحدة قالتلي الاستاذة من الحين بديتي غياب وبتولدي في نص الترم وتغيبي كمان قلتلها انا ماغبت عشان العب جبتلك تقرير من المستشفى قالت ال10 درجات حقت الحضور والمشاركة لاتضمنيها مني حاولي تجتهدي في ال90 الباقية
كمان تقوولي اعرف ان التقارير يشتروها البنات قلت هذا مستشفى حكومي مايبيع تقارير طبيه واذا بتتأكدي دقي عالمستشفى
وبرضو مصرة على رأيها

Baby doll · 10-04-2011, 02:53 AM

يالله يعني مارح يجي يوم وتكون في هذا الوضع هدي البنت .. الله يهديها
بس بيني وبينكم البنات ارحم مع الاستاذات ..
امس في استاذة حددت موعد امتحان بتاريخ 17 محرم طبعا وقتها انا اكون بعز نفاسي ..
قلتلها دكتورة معليش تحددي لي يوم قبل لانو وضعي صعب .. وبكل ادب اتكلم معاها
قامت زعقت في وجهي وقالت ان شااء الله تكوني في المستشفى يفكوا منك المغذي وتيجي تختبري وترجعي .. والله ضحكت وماعرفت ايش اقول غير نو كمينت لا تعليق .. والبنات انفجعوا من ردها .. المشكلة هيا كبييييييييرة في السن وظهرها منحني وبالعافية تقدر تمشي وحالتها بالبلا
المفروض تجلس في بيتها وتطلب من ربنا الجنة وهيا لسى تفتري في الخلق لاترحم ولاتسيب رحمة ربنا تنزل ..

لابسه المنفوش · 10-04-2011, 02:54 AM

من جد الجااااامعه قرف ولا لاولدتي يعطوكي أسبوعين بس اجازه من جد نظام جامعاتنا خاااايس

بيبي دوول شكلها سحبت علينا وخرجت

لابسه المنفوش · 10-04-2011, 02:57 AM

عانيت وربي مره شايله هم باقي لي اغراضي من لبس ومن صيدليه وعطار وغير كذا توزيعات ماسويت شي لأني كنت حاطه ببالي أبدا فيهم في الثامن بس دحين الدكتور منعني من الحركه وماادري ايش باسوي

عانيت بسكات · 10-04-2011, 02:59 AM

بيبي دوول ههههههههههههههههههههههههههههههه
وربي ضحكت من قلبي
اش دا التعامل الزفت الا يبغو يطفشونا من الجامعه بالغصب

Baby doll · 10-04-2011, 03:00 AM

":"I am Here ":"

Baby doll · 10-04-2011, 03:01 AM

اقتباس:

المشاركة الأصلية كتبت بواسطة لابسه المنفوش

عانيت وربي مره شايله هم باقي لي اغراضي من لبس ومن صيدليه وعطار وغير كذا توزيعات ماسويت شي لأني كنت حاطه ببالي أبدا فيهم في الثامن بس دحين الدكتور منعني من الحركه وماادري ايش باسوي

مامتك ياعسل وكليها على دي الاشياء ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع للحوامل اللي موعد ولادتهم شهر 5 جماد الاول	ام اليان	إستفسارات مرحلة الولادة	5794	05-24-2011 08:18 PM
تجمع الحوامل اللي ولادتهم بشهر ذو الحجة 1432.. الله يتمم علينا	ماما زوزو	إستفسارات مرحلة الولادة	10	02-03-2011 05:38 PM
حوامل محرم اللي ولدو بالسلامة	فرح2010	إستفسارات مرحلة الولادة	52	01-18-2011 07:01 PM
تجمع امهات محرم (تعالواهنا يارشيقات)	غيوووض الشرقيه	استفسارات رعاية المواليد	3	01-18-2011 02:33 PM