دردشة حوامل القطيف- تجمع بنات القطيف

[『~ṂǻŖỵąђْْْ』]

الحين راح ابدي بالصلاة على محمد وآل محمد
لتفريج همومكم بنات
صدقوني مانسيت ولا وحدة فيكم من الدعاء حتى لو ماكتب بس أدعي لكم على طول
حتى اقول للحولي ادعوا للبنات اللي يتمنوا الحمل
وماعمري نسيت احد
وربي من حسيت بحركة ولدي في بطني دعيت لكل مؤمنة إن الله يرزقها الذرية الصالحة
حتى لما سويت الأعمال وهديتهم لعبدالله الرضيع بنية الحمل دعيت للكل مع اني ذكرت مشامر بالأسم بس لأنها الوحيدة اللي اعرف اسمها وطلبت مني
بس دعيت ربي مايحرم احد ولا يحرمني من معمة الأطفال
وربي أكتب لكم وعيوني متلت دموع لأني بنت زيكم تحلم تصير أم واحس فيكم
الله لايحرمكم من هالنعمة ويارب بحق محمد وآل محمد بحق التسعة المعصومين من ذرية الحسين يارب بحق ضلع الزهراء المكسور بحق دم الحسين وحق سيتدي زينب
ياربي اتوسل إليك باحب الحلق لديك بمحمد وآل محمد
بأم البنبن واولادها ربي لاتحرم احد من هذه النعمة ورزقهم الذرية الصالحة عاجلا وليس آجلا

أني ماكنت افكر بالحمال لا اني ولا رجلي كنا نبغى نخلص دراسة اول لا ننشغل حتى اني كنت استخدم موانع بس جمادة مانزلت الدورة وشهرين ماجتني اول مرا كدا من سنين .. كانت فيني اعراض حمل تعب ودوخة وحام
سويت اختبار حمل اتأكد وكل مرة يطلع شي ولما سويت تحليل دم وطلعت مو حامل تضايقنا اني ورجلي مع اني في ديك الفترة ماكنا نفكر بالحمال
بس ان تخيلنا بجينا مولود وطلع وهم من جد تضايقنا حتى رجلي تأزم اكثر مني
ولما نزلت الدورة رجب بعد ماخلصت دعيت ربي من قلب وتوسلت بأهل البيت ان ربي يرزقني بالذرية والحمدلله ربي كريم الله واهل البيت مستحيل يخيبوا احد إدغ كان الشي في صالح الشخص


بنات
كل وحدة تتمنى الحمل تقرا سورة يس ثلاث مرات على الأقل في اليوم
صدقوني بتنقضي حاجتكم
امي دايما تقول ليي اقريها حتى قبل لا اتزوج
امي دايما تقراها ويتحقق مرادها اللهم صل على محمد وآل محمد
ليلة الأربعاء مستحب دعاء التوسل اقروه ودعوا والله يقضي حاجتكم وحاجة كل مؤمن
دعاء كميل ليلة الجمعة لاتنسوه
دعاء الصباح يشرح الصدر وربي بعد صلاة الفجر اقروه او حتى اسمعوا في اليوتيوب وتابعوا معاه
ولاتنسوا دعاء العهد

في اشياء واجد مستحبة للكل يومية واسبوعية بس احنا نغفل عنها
وفي اعمال لكل شهر بس غفلنا عنها
صلاة الليل دام احنا نسهر ليش مانصليها وندعي لنفسنا ولكل مؤمن
ادفعوا صدقة كل يوم لنفسكم ولأخوانكم المؤمنين
اللي يدعي لنفسة ولكل أخوانه المؤمنين افضل من انه يدعي لفنسه بس

خليكم على طول على طهارة متمسحين
وطول وقت فراغكم وانتون تشتغلوا تطبخوا تشاهدوا صلوا على محمد وآل محمد
وربي الصلاة على محمد وآل محمد تيسر كثر من الأمور

وحبيت اعطيكم معلومة ممكن تعرفوها
النذر مكروه
والنذر مايوجب إلا بصيغته (لله علي أن افعل كذا او كذا)
هو مكروه لأن ممكن الإنسان مايقدر يوفيه ويصير في ذمنه
فالأفضل أن الشخص يقول ان ادا مثلا الله حقق مرادي اسوي الشي الفلاني
انتون ادعوا ان الله يرزقكم الذرية الصالحة وادا الله حقق مرادكم اختموا القرآن مثلاً .. بس بدون ماتنذروا
وعلى فكرة بعض النذور مثل الصوم او التصدق ماتجوز إلا بأذن الزوج
والصوم ادا نذرته الوحدة رجلها يقدر يبطله .. إلا ادا ستأذنته وافق
ووالوالدين يقدروا يبطلوا نذر اولادهم

آسفة طولت عليكم
بس من جد حبيت اساعد كل وحدة ولو بشي بسيط

كل وحدة فيكم مثل اختي واعز .. اني حبيتكم من كبيرتكم لصغيرتكم هههه
واتمنى ربي لايفرق بينا
مع انا مانعرف بعض إلا من ورا هالصفحات .. لكن لكم معزة ماتتخيلوها
صرتوا في البال على طول

أحبكم كلكم وربي لايفرقنا

[مشمر زري]

صباح الخير

[『~ṂǻŖỵąђْْْ』]

توي قرأت موضوع في المنتدى وضحكني
خخخ
الله لايغير حياتنا مع ازواجنا إلا للأحسن وربي يخليهم لنا ويحفظهم من كل شر

~~~~~~~~~~~~


كلام زوج في ليلة الدخله

قصة زوج وزوجه ليلة الدخله

الزوج : يااااه أخيراً الحلم تحقق ...
الزوجة : تبغاني أبعد عنك ... ؟؟
الزوج : لاااا .. ما تقولي الكلام هادا مره ثانيه ...
الزوجة : إنت ... تحبني ؟؟
الزوج : اكييييييييييييد .
الزوجة : طيب ممكن تفكر تبعد عني ؟
الزوج : لا طبعاً ؟
الزوجة : طيب ممكن تهديني بوسه ؟
الزوج : طبعاً ... و على خدك كمان .
الزوجة : طيب تعتقد إنك ممكن تضربني في يوم من الأيام ؟
الزوج : لا طبعاً ... انا مو من النوع هادا من الرجال .
الزوجة : ممكن أثق فيك ؟
الزوج : ايووووا ...
الزوجه : يا حبيبي ...
بعد سنة من الزواج ...
وفي ذكرى زواجهما الأول كان هنالك حواراً آخر ...
إقرأ من جديد من الأسفل إلى الأعلى
يطلع الكلام الرومنسي الحقيقي هههههههههههه

[『~ṂǻŖỵąђْْْ』]

صباح النور مشامر
شخبارش

[Aquamarine]

صباح الخير للكروشات الحلوات
تدرو ماني قادرة الحق عليكم بالصفحات كل مااجي اشوف انكم طايفيني بواااااااااجد
كيفكم وكيف نونواتكم ؟؟؟

حبيبتي ليالي ..
مشكووورة ياقلبي على السؤال ..
اذا على الخوف كل ماجى له يزيد ..
ان شاء الله اليوم اول موعد لي في التاسع .. وكل اسبوع بيكون عندي موعد ..
التجهيزات لسه ياغناتي ماخلصت عاد اني محتارة ومابي التجهيز يكون كله محايد .. ان شاء الله هالموعد يتاكدو وعلى طوووول المجمع منها امشي ومنها اقضي باقي الاغراض ..

وسناء غناتي
ويش مكتوب في الحجاب عشان بكتبه من الحين
وتسلمي ياحلوة .. والله يقضي حاجتش وحاجة كل محتاجة يارب ..

دعواتكم لي وللجميع بتسهيل الولادة والسلامة لي وللجنين ..
والله يرزق كل محرووومة وكل متمنية ..

[شوكليته]

بما اني جالسه لحالي وزهقانه ومتا فيي نوم وفطومتي نامت قلت خلني اكتب لكم قصه ولادتي ..

يوم الاربعاء 16 \10\1432هـ

عطوني موعد الولاده في بدايه شهر ذي القعده
بس اني كنت متوقعه اني اولد قبل لاني بولدي ولدت نهايه الاسبوع 37 وتوقعت هالمره نفس الشي
بهذاك اليوم جلست من الصباح الساعه 5 وسويت الفطور حق السيد وفطرنا وطلع الساعه 6 راايح الدوام وطبعا قبل لايروح لازم يوصي ويهدي على قولتهم اول مايجيك الالم اتصلي على طووول ومن هالكلام
قمت بعدين غسلت مواعين الفطور ورتبت المطبخ شوي ومسحت الصاله واشغلت التلفزيون وانسدحت على الكنب وجلست افرفر بهالقنوات الى الساعه 8 شوي الا جوالي يدق الاهو اخويي حسين سألني جالسه قلت له ايه من الصباح قاعده قال فطرتي حسيت انه قريب من الشقه قلت له لااا قال اجل جهزي فطورك وبجي افطر وياك قلت له اوووكي وقمت سويت له فطور وجلس علاوي من النوم وسبحته قبل لايجي خاله وجى وفطرنا وبعدين جلس يسولف ويلعب ويا علاوي ويوم جى بيروح الساعه 11 علاوي قعد يصيح قال لي قومي روحي معي البيت غيري جو دقيت على السيد وقلت له قال لي روحي ورحت بيت اهلي وفتحت المنتدى وجلست اسولف مع يارحمه الله الواسعه وقالت لي اكلي رطب لانه يسهل الولاده وشوي الا يدخل الوالد الله يحفظه وفي ايده سحاره رطب واروح اغسل لي شووي واجلس اكل وبعدين اذن وصليت وانسدحت اليي شووي وبعدين جت اختي وقالت يالله غذا وقمت وتغذيت سمك صويفي وعيش لييييييين ودهن وليموووون قطيفي ^_^
وبعد الغذا غسلت لي صحن رطب وجلست اكل
الساعه 2 جى اخويي الاهو يقول عمكم محمد في المجلس اذا احد بيجي يسلم عليه قلت يالله هالعم شوفتي وياه يوم العيد خلني اقوم اقعد وياه شووي

رحت المجلس وجلست ويا العم سوالف وضحك ووناسه وشووي ما احس الا بألم في اسفل الظهر وفي البطن وشوي الا هو راح
سألني عمي متى تولدي قلت له هالشهر قال وووول مو مبين عليش ابدااا ماتغيرتي ولاكبر خشمك خخخخخ
بعد ربع ساعه رجع الالم اني قلت لا السالفه فيها أن
قمت طلعت من المجلس قبل لايصير شي وركبت غرفتي ونومت علاوي واتصلت الى السيد اقول له متى بتطلع من الدوام عاد هو ماصدق خبر قاااال الحين اهد اللي في ايدي واجي قلت له لاااااااا مافيي شي بس ابغى اتمشى زهقانه
قال بطلع 4 قلت له اووووكي
واني احووووس في الغرفه الالم كل ربع ساعه يجي بس كان محتمل

المهم جى ابو علوي ومر عليي بيت اهلي قال وين تبغي تروحي قلت اليه خلنا نمر على السوق ( لانه كان يوم الاربعاء وبيت اهلي قريب للسوق )
مرينا بالسياره قال بتنزلي قلت ليه لا مو الحين قال اجل ليش تخلينا نمر في هالزحمه *.*
المهم قمنا نحوووم رحنا الكورنيش ونزلنا ويا علوي ومشينا يمكن ربع ساااعه بعدها حسيت الالم زاااد شووي وحسبت له كان كل عشر دقايق
وطول الطريق واني ساكته سألني وش فيك قلت له شكلي بولد بغى يركب الرجاال على الرصيف *_* قال الحييييييييييين

قلت له لا مو الحين توه الالم يجي قال اجل يالله احول على سيهات قلت لاااا حول على البييييييييت قال يمدي يعني قلت ايه ايه يمدي

ورحت الشقه وقطيت عمري على الكنب وهوو خاااااف قال لااا مو تولدي قلت له تعال بس دلك ظهري والالم صار كل خمس دقايق واحسه ززااااد شوي قمت تسبحت وتنظفت وكشخت خخخخ وصليت المغرب والساعه 7 قلت له يالله مشينا

طبعا طول هالوقت السيد على اعصابه ومتوتر واطلع في وجهه صاير احمر وفي جبينه عرق اقول له وش فيك قال خايف قلت له اني الا بولد وانت الا تخاف ^_^

المهم راح جاب السياره واني بدلت الى علاوي ومشينا قال الصادق قلت توكلنا على الله
وصلنا ودخلت الطوارئ وكانت الدكتوره اظن باكستانيه قلت اليهم ابغى الدكتوره زينب قالو الدكتوره زينب في العياده لازم هذي اللي تكشف واذا فيه ولاده ينادو الدكتوره
قلت يالله ماعليه

قالت يالله ماما على السرير قمت واني اشاور نفسي اركب على السرير او ما اركب << تفكر على هواها هع
قالت يالله ماما

قلت لازم كشف !!؟
قالت اجل ليش يجي ماما !
قلت ولاده قالت لازم كشف خخخخ
وركبت على هذاك النص سرير وقالت شيل ماما وشلت و الا اشوف الا الممرضه جابت علبه القفازات و هذاك اللي زي الجلي الشفاف
ولبست القفازات وحطت جلي وقالت بسم الله ودخلت اصابيعها واني صرخت وطفرت وضرب راسي في الجدار اللي ورايي خخخ

قالت فاتح 3 !!!

قلت اجل فمان الكريم باروح البيت قالت لااا لازم يشوف دكتوره زينب اش يقول قلت لاا خلاص قالت للاااا لازم يروح العياده وراحت قالت الى السيد وغصب عني رحت الى الدكتوره وعطتني ورقه اروح اسوي تخطيط نص ساعه رحت سويته وقالت الاحسن انك تتنومي

ومارضيت راحت هالنحيسه الثانيه وقالت الى السيد وغصبني اني اتنوم المهم تنومت والالم بعده يجي ويروح كل خمس دقايق

الساعه 12 جت الدكتوره زينب وكشفت وكان كشفها اهوووون بووووواجد وقالت لسه 3 !!

واني طول الليل مانمت من الالم

الساعه 4 جت الدكتوره اماني وياها ممرضه عندها علبه القفازات والجلي اني قلت في قلبي جاك الموت ياتارك الصلاه وقالت كشف قلت اليها انســــي قالت لازم وقعدت تراشيني شووي الييين فرت مخي وخليتها وياليتني ماخليتها لان احس كشفها وراه سالفه
احسها دخلت ايدها كلهااااااااا وقعدت تحوس كأنها تدور حاجه واني اصرخ باموت والممرضه ماسكتني
يوم خلصت الا هي تقول هانت كلها كم ساعه وتولدي
قلت اليها اطلعي برااا ما ابغاك ابغى الدكتوره زينب قامت تضحك قالت طيب طيب وطلعت
واني قعدت اصيح واشاهق احسهم بيتخوو بي وبيقتلوني خخخخ

دقيت على السيد وهو نايم مسكين وقلت اليه لازم تجي تطلعني قال ليش قلت اليه اذا تبغاني تعااال بسرعه احسهم بيموتوني << خخخخخخخ

والالم احسه زاااااااد وصاار يعوور بقوووه واني نعسااانه ودايخه وتعبااانه

الساعه 6 جاني السيد ويوم شفته قعدت اشاهق واصيح ههههههههه
قام يهدي فيي وهديت شووي

وشوي الا الممرضه داخله وعندها علبه القفازات والجلي واصرخ عليها اطلعي براااا وا نسى الالم واقوم من على السرير واتغبى ورى السيد
الاهي الدكتوره زينب وراهاا خخخخ

قالت ايه ايه مالك يا حبيبتي قلت اليها كشف مااااااااافيه لا تحلمي قالت لااااااازم كشف يا حبيبتي واني ماني راضيه انسدح على السرير قامت وقالت الى السيد اقنعها شوويه وراجعه

وقعد السيد يهديني شووي ويحمسني اشووف البيبي ومن هالسوالف لين اقتنعت خمس دقايق ورجعت الدكتوره وكشفت وقالت


3 بس !!!!!

حتى هي انصدمت واني يوم قالت 3 قمت اصيح واقول الى السيد جيب عباتي خلاااص بطلع
قالت لازم افتح كيس الماي علشان يفتح الرحم واني احس اني يأست وخليتها جابت شي بلاستك طوييل شوي ودخلته والا المااااي حااااار و وووواااااجد
قالت خلاص على الساعه 9 انتي خالصه قلت ان شااء الله

قام ابو علوي يقرا سوره الكهف ومريم و يس ودعاء التوسل وقرا الثمانين ايه على غرشه مااي وشربتها واني خلاااااص بتقطع من الالم احسه زاااااد وواااااااجد وامي مسكينه اتصلت ويوم كلمتها وسمعت صوتي قامت تصيح

الساعه 9 جت الدكتوره اماني هي والسستر وهي حامله علبه القفازات والجلي اني من شفتها قبل لا تقول شي قلت اليها كشف مااااافيه ويالله اطلعي برااااا قامت تحاول ماخليتها احسها عصبت الاهي تقول انتي مش اول مره تولدي بطلي دلع بأه قلت اليها انقلعي برااا ومالك شغل خخخ
لمت قشها وهي معصبه وطلعت

الساعه 10 جت الدكتوره اللي كشفت علي بالطوارئ واني من شفت العده اللي عند الممرضه قلت اليها برااا والسيد مسكين متبهدل مو عارف وش يسوي

شوي الا التلفون يدق ورفعه السيد الاهي الدكتوره زينب كلمتني وقالت اليي انها مو في المستشفى ولازم اخليهم يكشفو علشان اذا ولاده هي بتجي قمت اني وسكرت الخط في وجهها ورجعت اتصلت ورميت التلفوون بعيد

والابره االلي في ايدي حق المغذي طاحت من كثر العفسه

ربع ساعه الا هي جايه الدكتوره الهنديه وطبعا من قووه الالم خليتها تكشف وكشفت وقالت 3 ونص !!!!!!
اني هنا عاد قمت اصيح من قـــــــــــــــلب لان كل هالالم ولا تغير شي حتى السيد حسيته قام يرجف وارتبك وابويي اربكه زياده قال طلعها من عندهم لا يسوو فيها شي

الساعه 11 جت الدكتوره زينب وقالت على غرفه الطلق و اني اصيح اقول اليها ابغى عمليه احس اني تعبت خلااااص

ودوني غرفه الطلق والسيد ويايي وركبو التخطيط شووي الا النبض صار ضغيف جابو اليي عسل مارضيت اكله بعدين جابو عصير وبريده وجبن وكيكه وخلوني اكلهم غصب وشووي رجع النبض زي اول

وطبعا الالم احسه كل دقيقتين وصاار لايحتمل وعطوني ابره حسيت اني دخت شوويه وكانت الدكتوره جنبي والسيد حاط ايده على بطني ويقرا قران وشووي كشفت الا هي تقوول 5 عاد اني بغيت احظنهاا حزتها

والالم احسه يزززززيييييييييييييد ويزييييييد واحس اني دخت وتعبت وكل شي

المهم ليييين الساعه 3 جت كشفت قااااالت مبروووك 8 ياالله على غرفه الولاده وودوني غرفه الولاده واحس اني مستانسه لاني بفتك من هالالم

حطوني على هذاك اللي يسموه السرير وقالو يالله كل مايجي الالم ادفعي

واني كل ما جى الالم ادفع وادفع الا الالم كله راااح واحس البيبي ترجع فووق
واذا جى ادفع واقتل نفسي ويرووح واحس بنتي صارت بعيييده ومستحيل تتطلع


دااار راسي واحس اني بنااام خلاص وبديت افقد الوعي وهم يرشو مااي بااارد على وجهي ووحده رافعه راسي والدكتوره تصرخ لا مش وئته خخخخ

وبعدين احس الدكتوره فووق راسي وهي تضرب وجهي وتقول خلاااص دفعه وحده بس وهي تغسل وجهي

وشووي جى الالم وقالت ادفعي بس احس مااافيه طاااقه

وظليت ادفع الى الساعه اربع الاخمس

وبعدين جى الالم وقالت لي الدكتوره خذي نفس طووويل وادفعي مررره وحده ولا تقطعي
وسويت زي ما قالت وحسيت بالراس قريب يطلع وقالت لي يالله ادعي الراس قرب يطلع وجلست ادعي ومانسيتكم طبعا دعيت اليكم بالسهاله واللي ماعندها اللي يرزقها
وشوي شوي احس الراس طلع واني ادفع وادفع لييييين طلعت البنوته واحس روحي طلعت وراها بعدها خلاص احس مافيي جسد ابدااااا
والدكتوره تصرخ مبروووك مبروووك بنووته زي القمر
اخذوها واني اطااالع احس اني نسيت الالم وابتسمت شوي الا هي تقول ادفعي علشان تطلع المشيمه قلت اليها تصرفي ماقدر ادفع مادري وش سوت وطلعتها وبعدين نجي عاد للخياط اقول ليها ما ابغى احس خلاص تعبت قالت اوعدك مش حتحسي

وهي اصلا كذابه احس للخيط والابره وهي تدخل وتتطلع

وخلصت الخياطه بالموت وقالت اربع غرز

وبعدين ودوني غرفه ونمــــــــــــــت

شوووي الا رجعت الدكتوره وكشفت على الجرح وقاالت ايييه هو انتي لحقتني تنامي حقرتها ودرت وجهي عنها خخخخخخ

وبعدين حطوني على سرير ثاني وغطوني بشرشف وودوني غرفه التنويم وهم يدفوني واني اسمع اصواات تنادي بأسمي وماني عارفتنهم واسمع وحده تقول تجنن تشبه ابوها واني افكر اقول منهم هذولا اني ماعرفهم

شوي يوم وصلت الغرفه وحطوني على السرير وراحو

الاهم زوجي وعمي وعمتي وحمواتي وامي وابويي واختي

احس مو وقتهم ابد اني تعبانه وهم فاضيين

بس يوم شفتهم جلست اصيح مادري ليش

وبعدين نمت .......

وبس
والله يسهل عليكم جميعا ان شااء الله بحق هذا الاذان << اذن الفجر

( صار ليي ساعه اكتب هالقصه )

[شوكليته]

بالفعل ترى اصعب شي خروج الروح من الروح

يالله اخليكم

في أمان الله

[ليلى محمد]

صباحك عسل شوشو
والله عشت مع قصة الولاده بقوووة وساعة اضحك وساعة اتغبن لووووول
بجد حمستيني للولاده بكثر الالم والتعب والمعاناة لكن تحسي تبغي تولدي وترتاحي

اسلوبك كان مممتع والله يحفظ لك الاولاد وابوهم ويهديهم ياااااارب

[ليلى محمد]

مشامر صباحك ورد وياسمين

اكوامارين
لاتخافي ياعسل ربي يسهلها
وانشاء الله في الموعد راح تعرفي وتجهزي
خلاص جهزي شنطة المستشفى مادام دخلتي التاسع استعداد لأي طارئ
وعقبالي هالكم يوم يعدو وادخل التاسع
دعواتكم

[لمسة امومه]

كيفكم لحين مانمت من زمان واحاول انام ماقدرت زهقانه