رموز في الحلم بشرتكي بحملك

[جوري الجنوب]

المشاركة الأصلية كتبت بواسطة بنوتة توتة

السلام عليكم اختى جورى يارب دايما بخير

انا ياحبيبتى لسة مسقطة الشهر اللى فات والحمدلله على كل حال

حلمت كذا حلم ياريت تفسريهملى

الحلم الاول
حلمت ان انا هتزوج بس من جوزى وكنت عمالة استعد للفرح والزفة
كنت بسرح شعرى وبعمل فيه فورمة وبحط مكياج
ولبست الفستان الابيض وعديت من جنب الكوشة والناس موجودين
وكان موجود المغنى محمد منير بس مكنتش سامعة لا موسيقى ولا اغانى
وكنت مستنية زوجى عشان اقعد ع الكوشة
ولقيت زوجى جه فبقوله جبت العربية المتزينة اللى هنتزف فيها
قالى لا مجبتهاش عشان احنا اتزفينا فيها قبل كده
وانا عامل الفرح عشانك انتى وبس
وخلص الحلم
بيجي لكي خبر ينير حياتك واتمنى من الله تكون بشارة حمل لكي والله اعلم
الحلم التانى
حلمت انى مع واحدة صحبتى اسمها منار ((فى الحقيقة منار مخطوبة وبتجهز للزواج))
وكنا مسافرين فى بلد غريبة وكنا رايحين نتفسح فى البلد دى
واحنا رايحين نتفسح اكتشفت انى نسيت اخد فلوس من امى
فمنار قالتلى طيب خدى 150 دولار اهم خليهم معاكى نتفسح بيهم
واعطتنى ال 150 دولار دول وكانت فلوس لونها اخضر ((فى الحقيقة
انا معرفش شكل الدولار اصلا ولا لونه وطبعا دى مش عملة بلدى ))
فانا قلت لمنار طيب هاخد الفلوس وهرجعهالك اول مانرجع بلدنا
بس مش هاخد ال 150 كلهم خدى انتى 100 وانا هاخد 50 بس
وبعدين لقينا تاكسيات كتير قالتلى اركبى التاكسى ده هيفسحك فى البلد كلها
فبقولها هياخد كام قالتلى 40 دولار قلتلها وانتى مش هتركبى معايا
قالتلى لا قلتلها خلاص مش عاوزة اركب انا كمان
وخلص الحلم
السفر بالمنام انتقال من الحياة الى حياة اخرى واتمنى ايضا تكون تاكيد للرؤيا الاولى وهي بشارة حمل والله اعلم
الحلم التالت
حلمت باخت زوجى اسمها اسماء ((اسماء متزوجة من اسبوعين))
حلمت انها بتعطينى طقم ملابس جديد ليا وقالتلى
ده زيادة عندى خوديه ليكى وانا فرحت بالطقم ده لان كان نفسى فيه
كان بلوزة حمالات وشورت لبس بيت يعنى
وانتهى الحلم
رزق بيجك من طرف اهل زوجك والله اعلم
معلش ياجورى تعبتك معايا والله بس معلش اخر حلم ده وخلاص
لاخت زوجى اسماء
هى حلمت بيا انا بتقولى شوفتك زى ماتكونى ولدتى وجبتى ولد
وكنتى نازلة على سلم العمارة ومعاكى الولد وكنتى مكحلاه وكان امور اوى والكحل
راسم عينه واعدت اقولك شيلى الكحل من عينه لان كده هيتحسد
قلتيلى لا هو عاجبنى كده
وانتهى الحلم
تاكيد للرؤى السابقة بشارة حمل لكي والله اعلم
بس للعلم كل الاحلام ديه بعد الاجهاض الاخير

معلش طولت عليكى ياجوزى ربنا يجعله فى ميزان حسناتك يارب
ويعوضك بكل اللى تتمنيه

الله يعوض عليك بالي فقدتيه
ابدئي برقية نفسك
وان شاء الله تبشرينا بحملك قريبا
امين يارب