تجمع حوامل ليبيا

حبل الوصل · 05-07-2010, 01:48 AM

اهلين بنات كيف حالكم شكرا على السؤال أم أسيل انى موعد دورتى يكون 12 او 13 الشهر وان شاءالله مانشوفها الابعد 9 شهور وحتى انتى تحملى يااارب

hatoo · 05-07-2010, 02:07 AM

مش غير نوم قلتلهم خلوني نرقد توا لانه لما نجيب قالولي مش حترقدي بكل هههههههههههههههههه ننتقم من النوم توا

ميرنا · 05-07-2010, 09:00 AM

صابرة
ربى انشالله ايخلص كربك ويسلمك انتى ووليدك بس ماقلتينش شن تبي اتسميه
شكلك خايف صح من الجيبة تعرفى ياخيتى سبحاالله ما اتربعنى نين اتفكرى فى الثانى وانشالله انحقوك حطتم 7أعيال على ساق واحد وتقوللى موش منى من راجلى يعيط يبى جيش

ميرنا · 05-07-2010, 09:17 AM

هاتو
ايش اخبارك واعية ولا فى سبع حلامه
قالو لى ترقد واجد تجيب وهى راقده وسالى البنات مش صح ياام اسيل وحبل الوصل وام لقمان وساجدة ههههههههههههههه
خلونا انكسدو على البكريات

ميرنا · 05-07-2010, 09:30 AM

والله ياخواتى فى الايام العادية انتحشم حتى من كشف الدكتورة العادى وجه ينحمر وعرقى يصب
ولكن ساعة الجيبة مافيش دكتورة او دكتور وما اجديت تعالو ساعدونى حلا كرعي وهم ايسهرو احذاى مازال اشوى 4سم ويجى الدكتور الاخر خلص ياماما اهو الراس طلع وبعد ماجبت الدكتور ايخيط فى ويقولى اسمك ايه ياحلو قاعد بين كرعى ويسال ويبينى انسهرى امعه انحط فى المخده على وجه وهو يقولى لحلو زعلن ليه اسم الله علينا فى هذك الساعة نبو واحد ايخلصنا وخلاص

ام اسيل · 05-07-2010, 12:00 PM

اقتباس:

المشاركة الأصلية كتبت بواسطة حبل الوصل

اهلين بنات كيف حالكم شكرا على السؤال أم أسيل انى موعد دورتى يكون 12 او 13 الشهر وان شاءالله مانشوفها الابعد 9 شهور وحتى انتى تحملى يااارب

انشالله يارب تبشرينا ونبي نسالك الكلوميد كم حبة خذيتي في اليوم ولما عديتي الدكتورة كم قالتلك حجم البويضة وحدة ولا اثنين؟ انشالله يارب توامة ونشوفوك وانت تعيطي من العيال

ام اسيل · 05-07-2010, 12:06 PM

اقتباس:

المشاركة الأصلية كتبت بواسطة ميرنا

هاتو
ايش اخبارك واعية ولا فى سبع حلامه
قالو لى ترقد واجد تجيب وهى راقده وسالى البنات مش صح ياام اسيل وحبل الوصل وام لقمان وساجدة ههههههههههههههه
خلونا انكسدو على البكريات

تي مش غير هكي ياهاتو قالو الي بكرية وفي بطنها بنت وترقد واجد اول ماتجيب وتربعن تحمل عا الاربعين وتجيب توم ثلاث بنات حي عليك معش ترقدي بكل وكان نعستي ارقدي وانتي مصبية ههههههههههههههههههههههههه (راك اديريها)

ام اسيل · 05-07-2010, 12:09 PM

وخلا ص عا توا باي وقت العصبان اكيدة عمتي قاعدة تبحت في الساعة وتقول اكيدة مازالت راقدة الخميرة نشوفوكم بعدين

حبل الوصل · 05-07-2010, 12:44 PM

اقتباس:

المشاركة الأصلية كتبت بواسطة ام اسيل

انشالله يارب تبشرينا ونبي نسالك الكلوميد كم حبة خذيتي في اليوم ولما عديتي الدكتورة كم قالتلك حجم البويضة وحدة ولا اثنين؟ انشالله يارب توامة ونشوفوك وانت تعيطي من العيال

خذيت حبتين في اليوم وفي يوم 11 كان حجم البويضة 18.9 وبعدها بيومين خذيت الابرة قالتلى على اليومين الجايات تكون وصلت ل20 اواكثر وخير ان شاءالله

حبل الوصل · 05-07-2010, 12:45 PM

كل مانخش انى للتجمع مانلقاش فيكم وينكم