تجمع حوامل العراق واتمنى اكو احد موجود

[زينب السعدي]

شلونكم بنااااااات عفيه ادعولي حالتي النفسية زفت بس توكلي ع الله وانشالله ميخيب ظني
ماادري شنو يوم العرس انصابيت بعين لو حسد مااعرف بس وراها ابد مرتاحيت
وحكللكم ليش؟؟؟؟؟؟؟؟
رحت للدكتور يفحصني يشوف وضع الجنين شلونه وطلع وضعه اوك ع اساس وكله طبيعي بس اكو مشكله يابه شنو هي يكول كانه باحد صمامات القلب اتجاه جريان الدم عكسي ويكول طبعا هذامواكيد بس هو تخمين من خلال السونار ويكول بتحليل الدم طلع عندي هرمون الحمل عالي وبروتين الحمل واطئ يكول فكل هالاشياء تنطي احتمال بانه يكون الجنين بي خلل بس ماكو اي شي اكيد مجرد تكهنات وكال تريدون لوتنتظرون للاسبوع18 وتعيدون الفحص لان يكون الجنين كبران لو نسوي اختبار اكيد يحدد اذا فعلا الجنين بي خلل وبشكل قطعي بس الاختبار عباره عن ابره طويله يضربوها بالبطن وياخذون عينه من الحامض النووي للطفل ويشوفوه اذا بي شي لو لا
وهالابرة بيها خطر قد تؤدي للاسقاط ونسبة الخطر1% وطبعا الدكتور كان يهودي الديانه وكللش مكروه وحقير وخاصة من شافني محجبة احسه كرهني
وهسه نريد نعيد الفحص يم واحد بروفيسور حتى نتاكد من الموقف
بناااااااات اني متدمرة وكاضيتها بجي تعرفون اذا بي شي لاسمح الله لازم انزله والمشكله طبيت لكيت زوجي وحده بالغرفه وكاعد يبجي اتخبلت احس روحي دااتحمل اكثر من طاقتي وهذا اول طفل النا وحيييل مصدومين مع انه النتيجة تخمينيه وماكو شي اكيد
بناااااااااات الله عليكم بداعة اطفالكم ادعولي شكد متكدرون كون يطلع الجنين سليم وماكو شي تره محتاجه دعائكم والله ميسوي الا الصالح انشالله

[نعومه التميمي]

هلو زينب والله قهرتيني بس انشاءالله ماكوو شي ومن تعيدين التحليل يطالع كلشي سليم
لا تثقين بل حجي مرات يطالع موصحيح وبجه النبي واهل البيت وبكل غريب وقريب عنده جاه عند ربي العالمين يطلع طفلكم سيلم ويفرح كلبج امين

[مجنونة بحبها]

صباح الانوار والمسرات

هلو وئام اخبارج حبي شلونه ديمه حبيبه قلبي مشتاقتلج

زنوبه لاتخافين ان شاء الله ماكو شي قبل فتره جانت ويانه بنيه بالتجمه اسمها دلوعه زوجي هاي خطيه سوت اطفال انابيب بايران وبعدين سولها تحاليل وكلولها الطفل راح يطلع منغولي وجانت حالتها فدمره بس توكلت على الله وتركت الطفل وولدت ولاده مبكره بشهر السابع وماشاء الله ولدت ولد كامل الخلقه وكلشي مبيه روحي واقري قصتها اذا تريدين مو كل شي يكولوه الاطباء يطلع صحيح وحده عندنا بكرايبنا جانت حامل بتؤم والكل كالها اطفال مشوهين وجانت نفسيتها زفت ونفس الشي الحمدلله ولدتهم تؤم ولد وكلشي مبيهم انتي لاتخافين وتوكلي على الله وهو ميخيب ظنج وان هم ادعيلج واكول

الهي بحق فاطمه وابيها وبعلها وبنيها والسر المستودع فيها احفظ جنين اختي في الله زينب وسهل حمله ولادتها وارزقها من رزقك الواسع الحلال الطيب اللهم ااااااااااااااااااااامين

باقي البنات شلونكم واخباركم

صحيح فتونه ماعرف بالاعشاب انا بنتي اول مدخلت التاسع جنت اشرب بوطنج كالوا يسهل الولاده بس منفع وياي انتي امشي ولاتفكرين والله يسهل عليج ولاتنسيني بدعائج بساعه الولاده

[انو]

السلام عليكم حوامل شلونكم

[انو]

اللهم بارك لنا في ما اعطيت واحفظ الجنين الذي في رحمي ياالله

[مجنونة بحبها]

اهلا انو اشرقت وانورت

[زينب السعدي]

صباح الخييير خواتي شلونكم وشلونهم اطفالكم الحلوين
شكرا نعومة الله يسهلج امورج مثلما دعيتيلي وانشالله الله واهل البيت ميخيبون ظني
واشكرج امونة عالرد وتعرفين اني مكلولي هو منغولي بس كالو اكو مشكلة بالقلب وكالو ع هواي حالات مثلما كلتي يكلولهم مشوه ويجي سليم لان هذا الفحص مينطي نتائج صحيحة100% بس من خلال قياسات معينة وعمر الجنين وعمر الام يسوون احصائيةةتطلع نتائج تخمينية غير اكيدة بس يكولوي احتمال خطأ بعمر الطفل يعني الحساب مو صحيح وطلع هالاختلاف لان المسالة عبارة عن رياضيات وارقام ... وارادة الله فوق كل شئ

[توتايه]

ربي بجاه محمد وال محمد احمي جنين اختي زينب واجعله كاملا الخلق والاخلاق ونور عيونها بشوفته امين يارب العالمين

[توتايه]

حبيبتي انو نورتي وعليكم السلام حبيبتي الله يتمملج حملج ويسهل ولادتج

[زينب السعدي]

تسلمين توتاية الله يخليلج سوفي وابوه
بنااااااااات حالتي تصعب عالكافر ووضعي هسه مااتمناه لعدوي وصايرة اتحسس من اقل كلمة راح اتخبل دتوصل عندي حالات ساعة اريد انتحر ساعة اريد اسقط الجنين وحدي بس استغفر الله وابطل بس والله راح اموت الموضوع احسه فوق طاقتي