دردشة بنات مصر , دردشة حوامل مصر , تجمع بنات مصر

[أم نورين2012]

ربنا يكرمك ياإيه وترضا عن صدرك وتبدأ ترضع بقا بس كل حاجه بتيجي بصبر

[أم إياد]

هدورة ازيك انتي ياحبيبتي؟
انا بخير الحمد لله واروى نامت أهي أخيرا شوية ربنا يهديها

ماتقلقيش ياهدهد من قلة الحركة في الفترة دي
انا برضه الحمل ده كان كده وكان مختلف عن اللي قبله عشان كده كنت دايما قلقانة ومرة كنت لسه عند الدكتور ورحتله تاني بعد يومين عشان كنت مقلقة من قلة الحركة
وما اتطمنش الا لما الدكتور يشوف النبض بالسونار
ويقوللي ماهي بتتحرك اهي في السونار وابقى انا مش حاسة

ساعات بتبقى الرحكة لجوة ناحية البطن فما بنحسش بيها اوي
وفي ناس بيبقى جدار البطن من برة سميك فما بتحسش بحركة الجنين اوي الفترة دي

في الشهور الاخيرة بتبقى الحركة ملحوظة اوي وبتوجع كمان
ماتقلقيش نورين زي الفل ان شاء الله

[توتة السيد]

ياقمر ماينفعش مش علان مش عايزة تعوديها علي الصناعي يبقي تسبيها جعانه

حرام هتتحاسبي عليها سامحيني هفكرك بالولو الله يرحمها كانت رافضة الصناعي وبعد كده

برضه وقفت طبيعي وادت صناعي لاني البيبي هيخس وهيبقي مناعته ضعيفة

لانه مش متغذي كويس

حتي مرة ولا اتنين في اليوم حرام ياقلبي حرام والله

[أم نورين2012]

حببتي ياأم أروي طمنتيني إله ربنا يطمن قلبك وربنا يبارك في اروي وربنا يسمع منك وتكون نورين فله وقشطه وعسل كدا

[أم إياد]

هدير استني هابعتلك صورة باسمك واسم بنوتك كمان
ثواني هارفعهم

[توتة السيد]

هدير ماتقلقيش ياقمر بتحصل كتييييييييييييييير كانت معايا في نور تقعد باليومين ماتتحركش وفي السادس برضه وابقي هتجنن وبعد كده اكل حاجة مسكره ولا اكلة تقيلة القيها ادتني شلوت

صغنن فده بيحصل ماتقليش اللي يقلق لو قعدت اكتر من يوم مافيش حركة خالص لكن لو حركة

في اليوم عادي ماتقلقيش اصلا البيبي مش كل حركاته بنحسها بيبقي بيتحرك بس احنا مش حاسين

[أم نورين2012]

طب أنا مش قدره أفهم هي مش عايزه تاخد صدرك ليه ولا دا عادي لكل اللسه مولدين جديد

[توتة السيد]

والله ياقمر علي كلام التكتورة علي اول 5 ان شاء الرحمن

ماعرفش بقي صح ولا لا

نور ان شاء الله هيبقي عندها سنة و4 شهور

[أم نورين2012]

أيو بقي يعني همه بيحبو يخضونا عليهم وخلاص دي وهي لسه في بطني بتخوفني عليها أومال لما تيجي هاتعمل إيه
طيب ياأيوشه مستنيه ياقمر أشوف

[أم إياد]

المشاركة الأصلية كتبت بواسطة توتة السيد

ياقمر ماينفعش مش علان مش عايزة تعوديها علي الصناعي يبقي تسبيها جعانه

حرام هتتحاسبي عليها سامحيني هفكرك بالولو الله يرحمها كانت رافضة الصناعي وبعد كده

برضه وقفت طبيعي وادت صناعي لاني البيبي هيخس وهيبقي مناعته ضعيفة

لانه مش متغذي كويس

حتي مرة ولا اتنين في اليوم حرام ياقلبي حرام والله

لا والله ياتوتة مش الفكرة اني مش عايزة اعودها على الصناعي ولا حاجة
انا بس متضايقة ان يكون صدري الحمد لله بيجيب لبن واسيبه واديها صناعي
هو صحيح بيوجعني اوي وفيه تشققات مطلعة عيني وما باطيقش انها تلمسه وساعات باعيط منه
بس هاستحمل وعايزاها تستفيد منه

المشكلة ان سيادتها اللي غضبانة
ساعات وهي رايحة في النوم ومتلوهة بتصحى معيطة مثلا واديها صدري تمسكه عادي وترضع
لما بتكون فايقة ومصحصحة ما اعرفش ايه اللي بيحصلها
كانه بينزلها شوك
بق واحد والاقي وشها احمر وتتنرفز وترفص وتزقه وماترضاش تمسكه تاني

انا بس عايزة اعرف ايه المشكلة عندها بالظبط
كشفتلها والدكتورة قالت قبل اي حاجة اشوف صدرك وكشفت عليا انا وقالت كويس مناسب للرضاعة واللبن ماشاء الله كويس
وان السبب بيبقى عندها مغص وانتفاخ
فاللبن اصلا بيزوده عندها ويخليها ترفض تمسك الصدر الوقت ده

اقتنعت بكلامها وقتها
بس معقولة طول الليل والنهار عندها مغص؟؟!!!