زوجي هاجرني بدون سبب ساعدوني يا خواتي

[حبيبة جاسم]

اشكركم يا بنات على ردودكم اللي تبرد القلب
والله يجزيكم كل الخير يا رب
أنا يا بنات بعثت له مسج و قلت له اذا في للحين في القلب ذرة غلا خلاص كلمني و نام عندي ... رجع و كنت كاشخه و مسويتله عشاء مرتب و تكلم عادي و لما سالته ليش هجرتني قال لاني حالف ما اخليها لج ليش تتصلين على أمي و تقولين لها قلت له أني كنت خايفه عليك .... سكت ما رد حسسني ان كلامي مب مهم و انتهى الموضوع
لكن بالنسبه لي يا بنات احس أني ما عدت احب اشوفه و لا اسمع سوالفه احس كل اللي يقوله تافه و ما يهمني احس ان قلبي انكسر ما عدت ادانيه خلاص
ما اقصر في واجباتي و لا في كشختي لكن قلبي انكوى منه يا بنات .... واهو رجع مثل ما كان لاهي عني بالنت و السوني و لا حتى يفكر يقعد معي و الا يشوف اللي بخاطري و لا يتقرب مني ... يحسب انه اذا كلمني و نام عندي أني خلاص رضيت لكن الموضوع اكبر من جذيه ... نفسيتي تعبانه تعبانه