تجمع حوامل ليبيا

عيون زوجي · 09-09-2011, 11:06 PM

بنسئلكم الواي ماكس حاليا بكم سعره؟

عاشقة الصحراء · 09-09-2011, 11:25 PM

السلام عليكم يابنات ... شن أخباركم ؟؟؟
أنا وأهلي بخير والحمد لله طرابلس كويسة والأمور تمام مع ان فيه مازال شوية كلاب قاعدين معاه وينشروا في إشاعات عالثوار انهم يخنبوا ويكسروا في الاحياش والمور ماشية والحمد لله المية رجعت هذي أهم حاجة ...
ربي يطمنكم يابنات ورفلة على أهلكم وانشالله تفرج عليهم زي مافرجت على طرابلس ...
ام قصي .. أم سعد .. ميراس ... يقين .. ميمونة .. عيون ...والكل بدون استثناء .. طمنوني عليكم واستحشتكم جميعا .

ميراس · 09-10-2011, 12:51 AM

السلام عليكم ربى ايسلمك ليك وحشة والله استحشنا هديك الايام والهدرزة السمحة مانسحاب ايجى يوم ويصير فينا هكى الليبين

ميراس · 09-10-2011, 01:01 AM

يقين شن صار فيك اخر المعلومات التوار جاهم امر بالتراحع من قبل الناتو وتراجعوالدينار والان اصبحت الاشتباكات داخل البلاد مع المرتزقة اللى داخل والله خايفة شن ايفوت هالليلة ياربى والجيف قاعدين غادى تخيلى القوا هم ايجهزوا فى صواريخ اسكود عشان يضرب بها مصراتة وتم تدميرها من قبل الناتو وانشالله هادو حدهم ورفلى قنبلة موقوتة

hatoo · 09-10-2011, 01:15 AM

ان شاء الله ربي يطمنا علي ورفله ويفرح ليبيا كلها

بالولينا · 09-10-2011, 05:29 AM

مساالخير جميعا ياااااااااااااااااااااااريت ادا في حد فايق يرد عليا اني بالولينا عضوه معاكم بس غبت شهوربسبب الاحدات الي صارت مفيش نت فيه الهم والغم لكن الحمد لله ربي فرج علينا وبوشفشوفه تمله وايضا السبب التاني وهي ولادتي في 5-6-2011 بتؤام بنوتين زي القمر مش لاني امهم لكن الكل يقول هكي والله عندي استفسار مهم جدا بالنسبه ليا ياريت تساعدوني اديرو فيا معروف كبببببببببببببببر

بالولينا · 09-10-2011, 05:35 AM

وييييييييييييييييييييييييييييييييييييييييييييييييي يييييييييييييييينكم مافيش حد بالله عليكم ردو عليا

بالولينا · 09-10-2011, 05:45 AM

بنتي فااااااااااااااااااااااااااااااايقه مش خاطر عليها النوم

بالولينا · 09-10-2011, 05:56 AM

شكلكم راقدين

ام لقمان · 09-10-2011, 08:16 AM

السلام عليكم ورحمة الله وبركاته
كيف حالكم ياخواتى فى الشرق والغرب والشمال والجنوب فى كل مكان من بلادى الحبيبه حفضها المولى من كيد الكائدين
قولوا امعاى الللهم من اراد ببلادى سوء اجعل تدبيره تدميره
استاحشتكم بالمره
انطمنكم على ازليتن راهى الحمد لله بخير
ياريت اطمنونا كل على مكانها
ربى انشالله ايتم علينا نعمته ويطمنا على باقى بلادنا
وما يفرقنا جمعه