تجمع حــوامل التوائم

[كوثرية]

تدرون ؟
أنا بطبيعتي أحب الفاجآت كثيير

كل شيء أبي أسويه مفاجأة

حتى عيالي تعلموا مثلي يسوون لي مفاجآت

بس ما أدري شنو اللي جاني في هالحملة خلاني أقول كل شيء

سويت سونار في الأسبوع العاشر وقالت لي توأمن وبس رجعت البيت وعلى طول اتصلت على أمي وأم زوجي وخبرتهم .

ضحكتني أمي، لما قلت الها لون اللي عجبتها فكرة التوأم بس خافت عليي، قالت لي لاتقولين لأحد يا بنيتي، قلت الها لا تخافي لا أنا أول ولا آخر وحدة أحمل بتوأم، ولا التوأم شيء غريب حتى الناس تحط عينها عليي، وشكل اللي ارتاحت .

سكيت التلفون من عندها وتوني بقوم بروح بشرب ماي إلا ودق التلفون رحت رديت إلا هذي أختي تبارك لي حمل التوأم !!

أقول الها منو قال لج ؟

تقول أمي !!

جاتني الضحكة، أقول أمي تقول لا تعلمين لأحد وهي اللي ما كذبت خبر وعلمت خواتي على طووول

الله يحفظها ويطول عمرها أمي إذا فرحت ما تقدر تغبي شيء هههههه

[أستاذة ذوق]

اهلين كوثرية
ضحكتيني والله انا نفس موقفك
اتصلت على طووول على أمي وخبرتها وقالت لي اسكتي لاتعلمين بالخبر وانا سكت
حتى ام زوجي ماعلمتها
واليوم الثاني اكتشفت ان اخواني كلهم عارفين انه توأم خخخخخخ
بس بصراحه أمي ماعلمت أحد غيرهم

[كوثرية]

بس بصراحه أمي ماعلمت أحد غيرهم

هههههه

ليش هو يحتاج أحد يدري غيرهم ؟؟

أيما سر تعدى اثنتين شاع

والمقصود من اثنتين يعني شفتين

يعني تعلمين واحد يكفي عشان الفريق كله يدري

يهبلون امهاتنا هههه

[نونة العسولة]

المشاركة الأصلية كتبت بواسطة حزن الزمان

عسولة حبيبتي هذا الحماااال بالبنت يجيب هالكآبه أكثر من الولد ... غيري جوو ونسي نفسك
وخليها على الله ... صدقيني الله بيسر لك كل شي ... قولي يارب الخيرة فيما اخترته وخلاص
صدقيني النفسية التعبانة مب زينة ... ياروووحي اهتمي بنفسك والله افتقدتك وشفتك خلاص كسلتي من الردود هههههههههههههههه يله فرفشي وخلي كل شي على الله ...

فديتج حزووونة توني اعرف ان حمال البنت تييب الكأأأأبه واااي

اي والله نشاطي قل عن قبل الحين وااايد متكاااسله لووول

المشاركة الأصلية كتبت بواسطة حزن الزمان

هلا كروشاااات شخباركم ... بكرى بروح للدكتورة خاااااااااااااااااااااااص وبشوف شنو تقوووول
ادعوووووولي الغاليات

ان شاء الله خير حبيبتي طمنينا عنج

[نونة العسولة]

باقي الكروووشات شنو اخباركم اسفه ماذكرتكم اسم اسم

لاني حيل تعبانه صايره مااقدر انام بالليل .. والثقل زااايد علي

اليوم ريولي مورمين شوي من تحت ,,, الله يسهل علينا يارب

[أستاذة ذوق]

هههههه يمكن صح من الفرحه تكلموا
بس صراحه انا من الحين خايفه الناس يدرون بعد ما أولد
انه توأم اخاف من العين خاصة اني حملت بدري بعد زواجي
بثلاث اسابيع وانا أهم شي عندي بناتي مابي تصيبهم العين لاسمح الله

[أستاذة ذوق]

هلا وغلا بنونه والله لك وحشه
ماتشوفين شر ان شاالله
حتى انا النوم صعب مره معاي ومقدر أتقلب واصير متضايقه بالحيل
الله يعين يارب

[نونة العسولة]

توامي

يعني مو بس انا ماااقدر انام

وااي مشتاقه انام نومه مريحه ومتواصله

الله يسهل علينا ونرد نقدر ننام على بطوننا

اموت على هالنومه

[أستاذة ذوق]

واااااااو وربي مشتاقه انام على بطني
أحلى نومه كنت انام نومه وحده ماقوم إلا ووجهي متنفخ من كثر النوم هههههه
اما الحين الكل لاحظ ان نومي قل
استغفرالله كأنه تعذيب مو نوم

[امل القحطاني]

اله يتمم لكل حامل ويرزق كل محرومه ..........
انا والحمدلله سويت حقن مجهري ورجعولي 3أجنه والحمدلله طلعت حامل ويوم الخميس سويت سونار ولقت 2بجنب بعض يازينهم وفجاه قبل مااقوم من السرير عادت الاشاعه ولقت الثالث بس قالت انو صغير مره واحسن لك انه مايثبت والله فرحانه وخايفه اخاف الثلث يطيح وياثر عالباقين بس الحمدلله ..وماكنت حاسه بوحم ولا تعب الا بعد ماعرفت انهم توام هههههههههههه