كرهت الحمل بسبب الوحام , بليييز الي عندها نصايح لا تبخل

[scorpion13woman]

السلام عليكم ورحمة الله وبركاته

انا عضوة جديدة هنا .. سجلت في المنتدى بسبب معاناتي الشديدة
وان شاء الله القى عندكم النصايح الي تفيد لأني يأست وكرهت حالي ..

اتوقع موضوعي مو جديد عليكم بس تكفووون لا تبخلون بالرد عليّ ..
هذا الحمل الثاني لي ووحامي شديد جداً في الأول وفي هذا برضوو ..
مستحيل يستقر شي في معدتي مستحييييل حتى المويه مباشرة تطلع وانتو بكرامة ..
من اصحى من النوم ليما يجي وقت نومي وانا اعاني ابي أكل يستقر في معدتي ماكو ..
وصادف لي يومين قل القيء فيهم بعد الأكل , بس تفاجأت بنوبة إسهال وانتو بكرامة
شدييييدة لدرجة حتى النفس يقل من شدة ألم بطني ...

الطبيبة في حملي الأول مافادتني بشي حتى انها وصفت لي دواء نسيت اسمه لأنه
ما حرك ساكن في حالتي ...

احس اني كرهت الحمل ( استغفر الله ) بسبب هالأعراض لأنها عذاااب

اختكم المعذبة سكوربين

[قلب أحمد]

شوفي روحي مستوصف طيب وقولي حق الدكتوره او الدكتور ابي حبوب لانه انا عطاني حبوب في حملي

بس نسيت اسمه مستشفيات الولاده يعطونك حبوب بس ماينفع روحي مستوصف وقولي له ابي اشتريه من الصيدليه ويكتبون لك الوصفه

والله يساعدك

[حِلمْ الأُمـوُمَـهـْ]

أذكر بحملي العآم اللي أجهضته كنت بنفس حآلتك ,,

ووصفتلي الدكتورة حبوب وربي وقفت الغثيآن على طوول بس وربي نآسيه إسمه ,,

روحي المستشفى العسكري إذأ كنت من الريآض وبإذن الله يخف عنك الغثيآن ,,

دعوآتك لي ربي يرزقني بالذرية الصآلحة عآجلآ غير آجل ,,

[دنياا الغلاا]

حبيبتي انا فحملي الاول قالتلي أمي أخذ حبوب غثيان الحمل من الصيدليه والله مررره فادتني بس تنوم وكمان البسكوت الشاي المالح مره حلو للغثيان*

[خجل*أنثى]

الله يعينك خذي حبووب Navidoxine حق الغثياان ..انا استخدمها وفادتني.. خذيها قبل الأكل بربع ساااعه..وكولي بسكويت مالح أول ماتصحي م النوم قبل ماتتحركي م السرير..خليه جنبك دااايمآ..هذه نصيحة الدكتوره لي..

[حبيبة بنتها]

والله كانك بتحكي اللي بداخلي انا كمان هذا حملي الثاني وتعبانه كتيييييييييير من الوحم انا اصلا ما اكل ولا ينفتح لي نفس للاكل وكماااااان استفرغ وانتو بكرامه يالييييييييييييت البنات يفيدونا

[حبيبة بنتها]

سؤال وين احصل هالحبوب لان المستشفى اللي يشتغل فيها زوجي غير موجوده فيها مكانا جيزان

[canOon]

مرحبا اختي .... خذي ابرة برم بران للترجيع

[scorpion13woman]

تسلموووون خواتي على المساعدة والحمد لله أرتفع الوحام مع نهاية
الشهر الثالث .. وبدأت معاناة جديدة بآلام في المعدة بين فترة وفترة خخخ
يلا كلها أجر وثواب ان شاء الله وربي يرزق كل محروم يارب ببركة
هذا الشهر الفضيل ..

[أم لنو]

الله يعينك يالله بقي القليل تصبري