دردشة حوامل القطيف- تجمع بنات القطيف

[سجينه الحب]

هلا كروشات على قولتكم
وناسه السوالف عفر
ان شاء الله هالشهر اصير حامل واسولف معاكم
تركت المانع ذاك الشهر وحسبو كلهم بحمل ولا حملت
والدورة منتظمه بالعناد تأخرت اسبوع
جاتني بدل 16 شعبان 23
والحين رجعت علي نفس الحاله
لوعه وغثيان وباقي على 23 خمس ايام
واذا تأخرت بعد عادي لانها ذاك الشهر تأخرت
ما ابغى افشل روحي واشتري تحليل منزلي
بس البغثيان واللوعه والم البطن متعبني
مدري من رمضان
..
مأجورين خواتي

[دلوعة ولد عمها]

سجينة الحب
الله يكتب لش الحمل أن شاء الله

عندش أطفال قبل ؟؟ وكم أعمارهم؟؟ وكم عمرش؟؟

أني تركت العل بعد فترة بس رجعنا نسوي مانع أن شاء الله أحمل بعد زواج حميي
على قولت مرة حميي الجديدة أنتظري خلينا نحمل مع بعض فديتها والله ههههه

[أميرة دنيتي]

السلااااااااام عليكم
اخباركم ياكروشااات واخبار بيبياتكم ؟
مأجورين

[أميرة دنيتي]

احلام ام

هلا غناتي
اخبارش واخبار هنوي واخته ؟

الله يسلمك ويحفظ لش او لادش يارب
اني عطيتها ماي الحندبان بس يوم عطيتها شويه بس وبعدين امي حطت تحت فراشها ريحان واللحين حطينا ليها اوراق ديرزان والحمدلله احسة خف عليها ابو صفار الله يشافيها منه بالتمام يارب
اااااااااااااااااخ الم السيم يعوووور مره ههههه احسة عدااااااب

ميرندا فراولا
هلا ياقمر
اخبارش واخبار النونو ؟

امي خافت تعطيها خيار شمبر وقالو لنا عن قطعة الدهب بس ماجربناها والحمد لله هو خف عنها ان شاءالله يروح ببركة دعاااكم

مفاااهيم
هلااااا وغلااااااا
اخبارش واخبار ولدش ؟

شوفي اني بقول لش قصة ولادتي من الطق طق للسلام عليكم هههههههه

اني رحت يوم الاحد ليلة الاتنين تاريخ 6 الجش عشان اشوف كمية الماي حول الجنين كيف صارت سوت لي اللي في الطوارئ سونار وقالت لي تنومي وقلت لها كم يوم قالت لي يمكن الصباح او الظهر اطلع فوافقت ركبوني القسم ونادوني على طول سوت ليي دكتوره سونار وقالت لي كمية الماي قليله وكشفت علي من تحت وقالت لي مفتوح 1 وقالت لي بنشوف اذا نحدد لش طلق او لااا
والظهر جو لي دكتورين وكم دكتوره وقالو ليي عن الوضع اللي اني فية وكم سؤال وبعدين الاستشاري سوو اللي سونار وبعده حددو لي الطلق الصناعي و3 تحاميل تعدبت بعد التحميلة الاولى من الم الطلق ولما كشفو علي قالو ماتغير وبعده مفتوح1 وعطوني بعدها 2 والحمدلله فتح2 وبعدها حطو التالته وجاااااااااني داك الالم اللي بغيت اموت منه وودوني قسم الولاده ولما كشفو عليي قالو لي بعده2 هنا اني قعدت اصيح صياااااااح هو من الالم وهو من انه ماتغير ومافتح زياده وهناك كان ممنوع الزياره وقالو بينوموني في القسم عشان فية الاهتمام اكثر حطو لي التحميلة الراابعه وزاد الالم عندي وقعدت اصرخ من قمة راسي وكانت اللي معانا القابلة عقيلة واديتها مسكينه بس كانت صبوره ولما كشفو عليي قالو 3الى 4 وفتحو كيس الماي وكانو اللي هناك القابلات عسولااااات يجو يهونو عليي ويقولو لي صلي على محمد وال محمد وقولي دايما نادي عليا مظهر العجائب والله بيهونها عليش وعطوني بعدها ابره مسكنه وكنت انام عليها واقعد على الم الطلق لين جت الساعه 6 وحسيت انا في شي بيطلع مني ولما قلت للقابله عقيله كشفت علي وقالت 10 غرفة الولاده عاد هنا اني بدل مااخاف استانست ههههههه منها ابي اتخلص من الالم ومنها ابي اشوفة اموره وودوني غرفة الولاده وعلموني كيف ادفع وانصحش نصيحه اذا بغيتي تولدي بسرعه اذا جاش الم الطلق ادفعي ونصيحه مني لاتصرخي ابدااااااااااااااا والله يسهل ان شاء الله

ولدت تاريخ 10 الساعه6الصباااح واللي ولدتني قابلة اسمهااا عقيلة الخضاب او الخظاب كذااا اتوقع وكانت معها وحده فلبينية ومتدربه بس المتدربه ماسوت شي غير انها كانت تشجعني فديتها يعني اني كنت متخوفة من المتدربات انهم يكشفو عليي وكدا بس الحمد لله واللي عملت ليي الخياطه دكتوره هندية اسمها شابنه ماادري سابنه ههههههههه بس بصراااحه كااانو روووووووووووعه مره بتشجعيهم ليي وبتحملهم علي وصبوورين مره وعقيلة كانت روعه معي رغم اني اديتها فديتها

وبعد كذا جت امووووووره بالسلامه الله يخليها لي يارب ويحفظهااااا

انتي لاتخاااااااااافي ابدا وتوكلي على الله وانتخي بااهل البيت ترااهم مايخيبو احد وكوني واثقه من انا الا الله كاتبه بيصير والله يسهل عليش وعلى الكروشات يااارب

[أميرة دنيتي]

مفاااهيم

الكشف مايدخلو ايدهم كامله بصرااااحه يعني صبع او اتنين يمكن بعدين يدخلوها كلها يمكن بس البدايه لااا
واذا ماتبغي تحسي بالم الكشف ارخي نفسش ولاتخااافي
اني صرت متعوده على كشفهم لاني تنومت 4 ايام وكل يوم يكشفو عليي فصرت ارخي نفسي والالم في بداية الكشف بس بصراحه مااخفي عليش اذاعندش الم الطلق وجو كشفو عليش عذاب بس بعدها كل شي يهون

انتي هونيها على حالش وصدقيني مجرد يطلع ضناش تنسي ابو الالم

[أميرة دنيتي]

يؤؤؤؤؤؤ تعبت من الكتااااابة

دلوعه
كيف حالش غناتي وكيف حال حمود ؟
تسلمي غناتي دوقش الحلوووو
دعيت للكل والله يستجيب يارب

[مشمر زري]

مأجورين و نسألكم الدعاء

[أم محمد يوسف]

كيفكم ياكرووووشات عساكم بخيرررررر
وأخبار النونو عساه بخير ياااارب

اخبار ام حسين والله وحشتني ياليت تبلغوها سلامي
ومبررروك ماجاها ويتربى في عزها وعز أبوه

سلامي لكم جميعا ودعائي لي ولكم جميعا بالسهاله ياارب

[الهاجس]

السلام عليكم ياحلوات..

شخباركم !! .. ان شاء الله الجميع بخير وعافيه..

الحمد لله على السلامه سماء امل..وتتربى الأموره بعزكم يارب والله يعطيكم الصحه والعافيه وبالغه فيها عروس يارب..

بسألكم .. عندي ألم في مفاصل الفخدين من قدام يزيد اذا باقوم والا اذا بقعد..واحيان حتى لما اكون نايمه احس فيه بقوه..مع العلم اني استخدم كالسيوم واشرب حليب..

هل هذا الألم طبيعي من الثقل واني توني دخلت السادس امس وماشاء الله مااحس بثقل..

والا فيني شي ؟؟ .. وموعدي ليلة الأحد ان شاء الله.. بس حبيت اعرف رايكم ..

عاد ردو عليي ولا تحقروني ..

واللي يكلمو ام حسين الدار سلمو عليها سلام كثير ..

ميرندا ياحلوه جربت طريقتش في الجباتي وطلعت روعه.. الله يعطيش الف عافيه ويتمم حملش بخير وعافيه..

والله يقضي حاجة كل محتاج ويشفي كل مريض بحق ابو الايتام سلام الله عليه..

[nano nono]

أحلام أم مشكورة واجد على ردش بس بسألك عن أختش متى عرفو إن الرحم عندها قصير؟ وهي وين تتابع كانت ووين ولدت؟ ويارب ماجي العيد إلا وهي حامل