دردشة حوامل مصر - دردشة بنات مصر - تجمع حوامل مصر ‏

MALAK2010 · 08-15-2011, 12:29 PM

ام اياد انا كويسه الحمد لله
ولى لى على كتفى عاوزة تنام هههههه

MALAK2010 · 08-15-2011, 12:30 PM

جوجو بم انك طباخه شاطره ماشاء الله
انا عاوزة اعمل عزومه سمك قوليلى اقتراحاتك مع انى مش بفضل السمك فى الصيام

gogo · 08-15-2011, 12:30 PM

انا تمام يايه
فين ياستى الخبرات دى دحنا على قدنا خالص

gogo · 08-15-2011, 12:32 PM

السمك ده تخصصى يابنتى
انتى ممكن تعملى سمك صنيه وجمبرى صنيه وسوبيط مقلى وسمك فيليه مقلى
ولو عندكوا مشوى هاتى من بره

gogo · 08-15-2011, 12:34 PM

وتعملى رز بالجزر وطحينه وسلطه خضرا وكده يبقى تمام
لو هتستقرى على حاجه قوليلى وانا اقلك تعمليهم ازاى

أم إياد · 08-15-2011, 12:35 PM

اقتباس:

المشاركة الأصلية كتبت بواسطة gogo

والله يانهاد مش هاقول اكتر من الحمد لله على كل حال

الضغط لقيته 140\90 ودى محصلتش قبل كده كان بيبقى 130\90

والدكتور قالى كام كلمه كده خوفونى والله مش هينفع نقعد اكتر من كده لان فى خطر عليا وعلى النونو لقدر الله ربنا ميجبش حاجه وحشه ويكمل حملى وكل المسلمات على خير وربنا ميضيعش لنا تعب ابدااااااااااااا

فانا من خوفى قعدت اساله قام شاخط وقالى اسكتى بالله عليكى يعنى انا لو فهمتك هتفهمى

وقالى الست لو عندها زلال واملاح وورم فى جسمها كله افضل مليون مره من اللى عندها ضغط عالى

والنونو كمان خس 50 جرام فى الاسبوع ده يعنى سبحان الله المفروض يزيد ده قل 50 جرام انا خايفه ومستغربه وسالته ممكن يدخل حضانه مردش عليااااااا
ماليش الا ربنا سندى ومعينى ربنا يقوينى ويكرمنى ويكملى على خير ويارب النونو يقوم بالسلامه ونا كمان اقوم بالسلامه وميفارقش حضنى ساعه يارب انا تعبت اوووووووووووووووووووووى قبل حملى 8 سنين وبعد حملى 60 حقنه و300 لبوسه مهبلى وكبسولات لما قلت بسسسسس يارب يارب تعبى ميروحش هدر واجعله فى ميزان حسناتى

ده الى كتبته شيماء يأيه
وطمنينى عليكى عامله ايه

تسلمي ياجوجو ربنا يخليكي
شوفتي البت الوحشة دي
مستكترة عليا اتطمن عليها ومش راضية تغير الخط
مع اني لفتت انتباهها كذا مرة
مابيهونش عليا اطنش حد والله
والكل هنا اخواتي وبابقى عايزة اتطمن عليهم كلهم
خصوصا كمان هي تعبانة
ولما اقولها تقولي هتقرأي ايه بس يا آية مش عايزة اخوفك
ماشي يا ام أنوس
بس انا برضه قلبي ابيض بأدعيلك كتيييييييييييييييير
ربنا يعلم بظهر الغيب

MALAK2010 · 08-15-2011, 12:37 PM

اقتباس:

المشاركة الأصلية كتبت بواسطة gogo

السمك ده تخصصى يابنتى
انتى ممكن تعملى سمك صنيه وجمبرى صنيه وسوبيط مقلى وسمك فيليه مقلى
ولو عندكوا مشوى هاتى من بره

سمك صنيه ماشى بنا عندى انواع كتير
جمبرى صنيه بيبقى حلو دة انا مش بعمله فى صنيه
سوبيط مقلى لا بلاش مش بحبه
سمك فيليه مقلى ماشى وماله
ماتعرفيش تعملى شوربه السى فود وفى برضه شوربه للسمك العادى تعرفيها

gogo · 08-15-2011, 12:39 PM

دى شيماء مكنتش عايزاكى تعرفى حاجه انتى ونهاد مكنتش عايزه تقلقكوا وانتوا على وش ولاده ربنا يقومكوا بالسلامه كلكوا
والله احلى حاجه هنا ان كل واحد فيه الى مكفيه وبردوا خايف على اصحابه ربنا يديم الصداقه بينا

أم إياد · 08-15-2011, 12:40 PM

جوجو انا بخير ياحبيبتي نحمد ربنا على كل حال
كليتي كانت تعباني اوي امبارح عشان كده مادخلتش هنا
وعندي هبوط فظيع مش عارفة ليه
يارب يكون من الادوية بس
مايكونش ضغطي مش مظبوط ولا حاجة
أصل الضغط مع الزلال والصديد والاملاح مششششششششكلة
ربنا يتمم بخير

هاجيب نتيجة المزرعة بالليل ان شاء الله
واشوف هاستمر ع الادوية اللي بآخدها ولا هتتغير ولا ايه
ربنا يسهل

MALAK2010 · 08-15-2011, 12:41 PM

انا الحمد لله بعمل السمك ولما جيت الامارات لقيت انواع جديده وكنت بدخل على النت واشوف بتتعمل ازاى واعملها بس مش متعوده اعمل عزومه على سمك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالوا شوفوا ازواج منتدى حوامل جبتها لكم وانا قدهاا	فداك عمري يازوجي	ملتقى عضوات حوامل	22	10-19-2011 10:02 PM
مشدات حوامل,ازياء حوامل,احذية حوامل موضة 2010	ايلاف	الموضة و الجمال	12	05-19-2011 11:50 PM
لكل حوامل التوائم ضرووووووري تعالوا هنا	أم الحلوات	منتدى أنواع الحمل	8	12-01-2010 01:31 AM
حوامل الشهر التاسع تعالوا حبايبي	الأمل الساطع	إستفسارات حوامل من الشهر السابع إلى الشهر التاسع	1	09-22-2010 08:12 PM