دردشة حوامل مصر - دردشة بنات مصر - تجمع حوامل مصر ‏

[دودى مجدى]

يا حبيبتى يا نهاد طب لية قعدتى لوحدك مقعدتيش عند مامتك لية

[dr.princess]

ياسلام يا توتة وهو فى حد ينفع اكتر منك

[منتظرة فرج الله]

المشاركة الأصلية كتبت بواسطة malak ahmed

انا عكسك يا اميره ... انا من صغري متعوده انام بدري ومسهرش

تعرفو يا بنات اصعب لحظه مرت عليا في جوازي بعد اجهاضي ايه ؟؟ كانت اول رمضان يعدي عليا كنت بفطر لوحدي في شقتي

كانت سلفتي تحتي هي وجوزها وحماتي تحتها هي وجوزها وامي قدامي هي واخويا وانا بدماغي واقفه في البلكونه ساعه اذان المغرب مليش نفس افطر لان رمضان بيحب اللمه

وكانت حماتي مزنقه عليا في موضوع الخروج ده شويتين .. بس الصراحه شكلي صعبت عليها بعد الاجهاض وبقت بتعاملني بحنيه

حنيه ...................................؟
طيب

[توتة السيد]

انا عندي انتيمتي بحبها جدااااااااااااا

كان من كتر حبي فيها كان نفسي اخطبها لاخويا بس للاسف اتخطبت وكانت هتسافر

بس سبحان الله انا اللي سفرت وهي اللي قعدت والحمد لله فرحنالها جداااااااااااااااا

لانها قعدت سنتين مافيش حمل والحمد لله اول رمضان عرفت انها حامل ربنا يكملها علي خير

يارب

[malak ahmed]

ايه كميه نهاد دي اللي تعرفيهم يا لولو ما شاءالله

انا كنت الوحيده تقريبا في البلد الي اسمي كده ومكنش فيه حد علي اسمي خالص في المدرسه كان فيه بس ولد كان في فصلي ف ثانوي اسمه جهاد كنت بطلع من الاوائل الحمد لله دايما وكان رائد الفصل لما ينادي عاوائل الولد ده يسمع نهاد جهاد ههههههههههههه وكان يقوم مصرخ ويقول الله اكبر يا فرحتك يا حاجه علي امه

كنت بنكسف اوي ساعتها لان كانت بتحصل لخبطه كتيره بيني وبينه في موضوع الاسم ده

[توتة السيد]

اقولك وهتصدقيني ؟؟؟؟

واحد قريبي غلط في حقي انا وجوزي ومتخانقين معاه .. بدون ذكر تفاصيل

اتبطي بقي واهمدي وعدي الليله علي خير ههههههههههه


شغال في الاصلاح الزراعي هديتي اتبطيتي ههههههههههههههههههه

[توتة السيد]

شالله يخليكي يالولو يارب جابرة خاطري

[malak ahmed]

المشاركة الأصلية كتبت بواسطة دودى مجدى

يا حبيبتى يا نهاد طب لية قعدتى لوحدك مقعدتيش عند مامتك لية

عشان حماتي متزعلش يا دينا وتقعد تقول دي راحت لمامتها وانها اولي اني اقعد معاها رمضان وافطر معاها هي وانا مكنتش باخد راحتي تحت لا في اكل ولا في قعده بسبب حمايا واخو زوجي

فقررت اريح دماغي ومزعلش حد ولا اقعد هنا ولا هنا بس تاني رمضان اخوات جوزي اصرو عليا وزعقولي اني اروح لماما لاني صعبت عليهم وروحت فعلا لغايه نص الشهر كده بعدين حماتي تعبت وروحت كملت باقي الشهر معاها

[توتة السيد]

انا كمان كنت الوحيده اللي اسمي نهاد في المسسة ولما رحت الكلية كان في 2 علي اسمي

وحدة موسيحية ووحده مسلمة

[malak ahmed]

المشاركة الأصلية كتبت بواسطة منتظرة فرج الله

حنيه ...................................؟
طيب

ههههههههههههههه ايه علامه الاستفهام الكبيره دي

اصلها يا اميره لما شافت منظري بعد الاجهاض صعبت عليها كنت عامله زي الورده المفتحه اللي دبلت وخصوصا ان جوزي كان سافر ومكنتش حامل يعني كانو بيتعاملو معايا بحذر ومكلمتنيش من يوميها عالخروج ابداا

انا اصلا مش بحب اخرج كتير ,,, بس هتقوليايه الحما مهما كانت حما بردو وبتحب تتدخل ف كل حاجه