تجمع الولاده القيصريه

[أم مثاليه]

المشاركة الأصلية كتبت بواسطة شازل

أم مثالية ... حفظك الله
الحمد لله على سلامتك ، العملية الخارجية إذا كانت زينه ومافيها أي إلتهابات أو صديد يعني إن الداخلية برضوا زينة ... ولا تخافين ياما بعد العملية دنقت والحمدلله ما صار شيء ... أما اللي زي العرق ينسحب والعقدة تنشد هذا العملية تزين وتلتئم لا تشيلين هم والأجناب يمين ويسار يقولون بداية العملية أونهايتها علشان كذا بعض المرات تحسين بإنشداد ... وإن شاء الله كلها أيام ويخف كل ألم ...

تسلمين ياعمري العقده اللي أحس فيها داخل وبعيده عن خط العمليه الخارجي
والله يسهل عليك يارب ويطمن قلبك وقلوب الجميع
الحين كملت شهر والحمد لله
بس ماأدري ليش أنا كذا أحس إني خايفه من كل شي تخيلو لحين أنام على ظهري ودي أنام على جنبي وبطني وخايفه مره
لبسي ماأرتاح فيه الكلوت أبرمه من فوق عشان يكون نازل ولا يلامس خط العمليه ولا أدري متى أقدر ألبس زين خايفه من حدود البناطيل تحك وتضغط عالعمليه ، وللحين اللي حولين العمليه زي اللي متبنج وسألت الدكتوره عنه وقالت يروح بعدين بس للحين ماراح
ومتى بديتوا تجلسون عالأرض وتسجدون بالصلاة وتطلعون الدرج
سامحوني يابنات أدري إني نشبت لكم بالأسئله بس الشكوى لله عليميه بهالأمور وأنتم خبره بسم الله عليكم
الله يهدّي قلوبكم يارب ويرزقكم الراحه النفسيه أدعي لكم من قلبي والله مجربه روعة العمليه ورعب الأيام اللي قبل