دردشة حوامل القطيف- تجمع بنات القطيف

دلوعة ولد عمها · 08-02-2011, 07:43 AM

وطن عمري الله يسهل عليش أن شاء الله في وقتش
ولاتنسينا من الدعاء :)
والله كاتبة ربش بيصير
أنتي ولدش أخذتي الشهر كلة؟؟ وأكيد عرفتي ويش جنس البيبي ويش قالوا لش؟؟
وكم عمر ولدش؟؟
ماعلية خيوة أتحملي أسئلتي بس من زمان أبغى أسألش ومترددة :)

ياالله الله يقدرنا ونصوم رمضان ونختم القرأن أكثر من مرة يارب
أني السنة بعد موحاطة في بالي التلفزيون نهائي مو متحمسة أصلا أشاهد
يادوب يمديني أحك شعر رأسي مع أنة اللعام حمود أصغر بس السنة أحس تعبة مرة ويبغى ليي أنتبهى ألية أكثر على قلبي

دخلت بنام من زمان ماجاني نوم وداني قمت يوم قعد حمود

باقوم أقرأ ليي أشوية من القرأن ..

ميرندا فرولا · 08-02-2011, 10:31 AM

يا الله ظهري يعوورني مرررره
من الوقفه بالمطبخ ..

آخر شي وقت الفطور انسدت نفسي من الوقفه
وبس شربت تانج اروي نفسي
حتى الزيت حترق ودخنت الشقه مدري وين ابدي وين اروح
عذااب مو طباخ خخ
وشوربة ولا ذقتها حراااااااااام تعبت فيها وشوربة اول مره اسويها
كان نفسي اجرب طعمها عشان اذا عجبتني اسوي منها
يبي لي انظم وقتي مو حزة الحزه
بروح الف السمبوسه الله يعين
بعدين بشوف شو فيه حكيتوو
دعواتكم بنااات لاتنسوني

أحلام أم · 08-02-2011, 11:02 AM

مبارك عليكم الشهر الفضيل شهر رمضان شهر التقوى والغفران
شكلي بداوم عندكم تقبلوني هههههههه
أمس رحت طعمت ولدي هاني 4 شهور ،طعموه إبراتين في كل إرجول إبراه قاام يصيح مسكين وكشفت عليه الدكتورة وحزنتني تقول عنده ماي في ....هناك خاايفة علية ،الدكتورة تقول يروح وأمي تقول إذا ماراح راح يشفطوونه له يااربي خاايفة علية ،مادري التطعيم إللي راح ماقالوا فيه ماي ولاشي ،تذكروا ولدي وإدعوا له بالشفاء

أم حسين ربي يقومش بالسلامة وواصلي لشوال هههه علشان تطبخين الفطور لأبو حسون كل يوم خخخخ
أني أمس واقفة في المطبخ كأني رجل ألي وبنتي تصيح جوعاانه أمبى ماي باموت وتهاوش من الجوع ههه
سويت هريس +مجبوس ربيان + محلبية صفره +كيكة أيسكريم وكتبت عليها بالبيمتو (رمضان كريم )تشجيع لأولادي +كباب بقل (بحريني )+سمبوسة+شربت برتقال +سلطة خضرة مقطعه
ومن جى وقت الفطور هنووي ماخلاني أتفطر عدل مريض من التطعيم وصارأكثر فطوري ماي وشربت

الله يعطينه وياكم العافية

ميرندا فرولا · 08-02-2011, 11:03 AM

اقتباس:

المشاركة الأصلية كتبت بواسطة همس الامومه

تقبل الله منا ومنكم الصيام
والله يعوده علينا السنه وكل سنه يارب
كيفكم اليوم ان شاءالله بخير
ميرندا ابغى طريقتش حق القيمات كيفه تسويه ؟

هلا همووسه .. هذة العجيبنه الي سويتها امس يعني عجبتني
بس قلت بجرب وحده ثانيه وبشوف حقت امي ..
وبقولك بعدين مين احسن وحده فيهم ,,

القيمات .. المقادير :
استخدم الكوب المعياري بكل طبخاتي ..
1 و 1\4 كاس طحين
1 كاس ماي
1 م ص خميره
1 م ص نشا ( يخليها مقرمشه من برا )
1 م ك سكر
2 م ك حليب بودر ( يخليها طريه من الداخل )
رشة ملح
وخلطيهم سوا .. وخليها تتخمر .. واذا بتقليه
خلطيها ثاني وبدي بأستخدامها
عن نفسي .. سويتها 1 الظهر وقليتها وقت والاذان
وعادي مايخالف باقي العجينه ..
حطيها بالثلاجه ويوم ثاني طلعيها الظهر
وخليها تتخمر من جديد
وصحة و عافيه ع ئلبك

ميرندا فرولا · 08-02-2011, 11:16 AM

اقتباس:

المشاركة الأصلية كتبت بواسطة دلووعته

رمضان كريم ..

وكل عام وأنتم بخير ..

ميرندا مشكوره على المعلومات الا عن الألتهابات استفدت منها وااجد ..

بس بسألك عن الفوط اليوميه مو كلها معطرين في بعضهم بدون ريحه عادي نستخدمهم ؟

بنات من اشترت سفرجل في الفترة الأخيره ..

ياليت تقولي في وين ..

دار راسي واني ادور ..

رحت مزايا وبنده واسواق المزرعه ما فيه

و أنتي بألف خير دلوعته ..
مبارك عليك الشهر
امم الفوط اليوميه ماشفت غير كير فري معطره ..
ولما تركتها قل الالتهاب مره ..
بس مالقيت مو معطر .. وين شفتيه
خليني اجربه .. نفسي البس غير الفساتين
وكون مرتاحه بلبسي ..
قولي لي عنها اوك وين
بس الاحظ ان المنطقه لما تكون متهويه بدون الكلوت
تروح الالتهابات ,,
ياربي مره متحسره ع جنزاات وحشووني

وسفرجل لما شريته .. اخدته من سوق الخضره اللي قريب مجمع الخنيزي
والله يتمم حملنا يارب ع خير 9 شهور وحنا بألف صحه و عافيه

ميرندا فرولا · 08-02-2011, 11:30 AM

اقتباس:

المشاركة الأصلية كتبت بواسطة دلووعته

بنااات ابغى حشوات حق السمبوسه لذييييذه ؟

هلا دلوعته .. حشوتي حق السمبووسه مره لذيييذه
ان شاء الله تعجبك ..
سمبوسة ماش ,
تنظفي الماش عن الحجر و تغسليه و تحطيه بالماي ع النار متوسطه
لحد مايلين بس انتبهي لا يصير لين مره يعني زي الرز لما يستوي
ومايطول واجد ع نار كذا 20 دقيقه
وتشخليه عن الماي و تتركيه ع جنب يبرد
بمقدار : احمصي بصل مفروم بزيت .. ولما ينحمص حطي فوقه ماي شوويه عشان يذبل البصل وينشف الماي بس البصل يصير رطب ماتنشفي الماي مره
بعدين حطي الماش فوق البصل و حطي البقل فوقه مع البهارات المشكله وفلفل اسود و ملح
وخلطيهم سوا وخليهم ع نار هادئه دقيقتين
وبعدين شيليها عن النار خلي الحشوه تبرد ولفيها ..
استخدم سمبوسة دلتا بالزيت
صح ,, الماش احط 3 فناجيل .. ولفه وحطه بالفريزر لـ 3ايام
وصحه وعافيه ع ئلبك
ومتباركين بالشهر
اي بنوتات قولو بعد طبخاتكم الفتاكه
عشان نستفيد منكم بعد

ميرندا فرولا · 08-02-2011, 12:30 PM

اقتباس:

المشاركة الأصلية كتبت بواسطة مفاهيم الخجل 2

كل عااااااااااااااااااااااااااااااااااااااااااااااااا ااااااااااااااااااااام وانتوا بصحه وسلامه وعقبال الجايه نكتب ونهني بعض برمضان واحنا موعارفين من جهالنا رمضان كررريم
وحشتوني واااجد اني تعبانه بلفترة الاخير دعواتكم ليي
وبيبسيتي اسدحي اي طبخه على فراغتك غناتي الاني اكيد بستفيد واي وحده تقدر تسدح طريقه طبخه لاهنتوا حطوها
اني اليوم تعبانه عندي شوربه وصالونه بثلاجه وبطلع سمبوسه وبطاطس مقلي وسلطه وسن كويك

سلامتك عسوله .. و كل عام وانتي بألف خير
حطيت القيمات و السمبووسه صفحة 907 وجربيهم ان شاء الله يعجبوك
وإي شي تآمري عليه من عيوني الثنتين
الحين لفيت السمبوسه الحمدالله خلصتها
الله يعيني ع طباخ الباقي
الله يتمم لنا ع خير يارب

ميرندا فرولا · 08-02-2011, 12:51 PM

اقتباس:

المشاركة الأصلية كتبت بواسطة sweet mom

أخباركم بنات
متباركين بالشهر
الي سئلت عن حشوات للسمبوسة أنا اسوي السمبوسة
/اللحم معصج وبقل وماش وبقدونس
/ لحم محموص شوي وبعدين حطوا بطاطس مكعبات وجزر مبشور وبهارات حارة
/ دجاج بالقشطة:دجاج مسلوق مفتفت وخلطية بالقشطة او بجبن كيري مع بقدونس او سبانخ يمي يمي
/ جبن حلوم وجبن مورتزيلا وجبن فيتا
/ بطاطس مسلوق مع جبن وأعشاب
/ جبن سائل زيتون فليفلة فطر (بيتزا)
بالنسبة لعجينة السمبوسة أفضل عجينة مخابز مزايا الغذاء
وأي خدمة أنا حاضرة واذاقدرت ادخل مابقصر وياكم
تحياتي

شكلها خلطات كششخه ما شاء الله

امم حفظتهم عندي ,, ان شاء الله اطبقهم بالايام الجايه
وتسلمي حبيبتي سوويت والله يخلي لك النونو ويتربى بعزكم يارب
وكل عام وانتي بألف خير وصحه وسلامه
متباركه بالشهر

ام حسين الدار · 08-02-2011, 02:59 PM

هلا كروشات اخباركم
اليوم بسوي رز وسمك
وسمبوسه
وشوربه
وقيمات
وبيتزا
فينتو
وبت
يسلمو كل من سال عني
ايه صدقتو كل ماجاء في بالي بتصير علي ايام
اقول خلاص بولد شوال
سبحان الله مابيطلع الافي وقته
دعواتكم

وطن عمررري · 08-02-2011, 03:59 PM

اقتباس:

المشاركة الأصلية كتبت بواسطة دلوعة ولد عمها

وطن عمري الله يسهل عليش أن شاء الله في وقتش
ولاتنسينا من الدعاء :)
والله كاتبة ربش بيصير
أنتي ولدش أخذتي الشهر كلة؟؟ وأكيد عرفتي ويش جنس البيبي ويش قالوا لش؟؟
وكم عمر ولدش؟؟
ماعلية خيوة أتحملي أسئلتي بس من زمان أبغى أسألش ومترددة :)

ياالله الله يقدرنا ونصوم رمضان ونختم القرأن أكثر من مرة يارب
أني السنة بعد موحاطة في بالي التلفزيون نهائي مو متحمسة أصلا أشاهد
يادوب يمديني أحك شعر رأسي مع أنة اللعام حمود أصغر بس السنة أحس تعبة مرة ويبغى ليي أنتبهى ألية أكثر على قلبي

دخلت بنام من زمان ماجاني نوم وداني قمت يوم قعد حمود

باقوم أقرأ ليي أشوية من القرأن ..

هلا دلوعة ..
اني ولدي حمودي اللي صورته بتوقيع ... عمره سنتيت وشهرين
بس ولدت فيه نهاية الشهر الثامن لان نزل عندي الماي وقل نبض البيبي ونزل ضغطي .. وولدووني بعملية قيصريه << قصة

اي مسلسلات ماشاهدت ولا شي بسرعة يخلص الوقت الليل مره قصيرررر
يالله الله يسهل على الجميع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل دولة الجزائر- تجمع بنات الجزائر	رونق الروح	إستفسارات حوامل من الشهر السابع إلى الشهر التاسع	16750	01-02-2012 10:25 PM
دردشة بنات المدينه المنوره - تجمع حوامل بنات المدينه	سماسم	إستفسارات حوامل من الشهر السابع إلى الشهر التاسع	12958	01-02-2012 09:19 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مملكة المغرب - تجمع بنات المغرب	ام صيصة	إستفسارات حوامل من الشهر السابع إلى الشهر التاسع	1534	12-25-2011 09:35 PM
دردشة اهل القطيف والي حواليها اتمنى اثبيث	ام حسين الدار	إستفسارات حوامل من الشهر السابع إلى الشهر التاسع	1162	09-27-2010 11:45 PM