دردشة حوامل مملكة المغرب - تجمع بنات المغرب

ام رياض · 07-17-2011, 07:19 PM

ها واحد السلام عليكم
كيفكم ا البوكوصات كلشي مزيان يالله اكتشفت هاد التجمع ديال بنات بلادي أنا مريم يالله بديت مزال ما كملت حت شهر و عندي بنت قريبة تكمل عامين من كازا وفعمري 21
دعيو معايا بثبات الحمل حيث عندي الجنين نازل بزاااف و اي حركة او ثقل ممكن تأثر فيه الله يحفظ وخلاص
عرفوني عل أنفسكم ايلا جات عل الخاطر
*

وفاء المنتقبة · 07-17-2011, 08:41 PM

و عليكم السلام ام رياض شرفتي الله يتبت حملك و يكمل ليك على خير انا وفاء ساكنه بالسعوديه و عندي 22 سنه و مزال مولدتش دعي معايا

ام رياض · 07-17-2011, 09:19 PM

اهلا اختي وفاء متشرفة بيك الله يرزقك الحمل السليم المعافي عااجلا و ليس آجلا
الله ينولك اللي فبالك و يفرحك يا الحبيبة

mme.elotmani · 07-17-2011, 09:53 PM

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين
شكر جزيل على هاد لفكرة كنت في حاجة
أنا مغربية مقيمة بإيطاليا حامل في الشهر 5 وفقنا الله جميعا وعوضك الله خير اخت
dolce
اتمنى تساعدوني كيف ألقاكم لأني مكنفهم والو في هاد سيت

ام رياض · 07-17-2011, 10:23 PM

البنات دخلت عليكم بالله ساعدوني أنا عيييت و خااايفة ست ايام دابا فيما نمشي تواليت حشاكم كنلقا شوية دم غاامق اللون البارح مبقيتش قادرة نصبر مشيت ايرجون كلينيك وشفت طبيبة اختصاصية و عطاتني مثبتات و فيتامينات و قلت الحمد لله المشكل غيتحل ولكن اليوم تفاجأت تاني بدم هاد المرةاحمر بحال دم الجرحة الجديدة و خفت ليكون بداية اجهاض خصوصا أني ياللاه عندي خمس اسابيع واش هادشي عادي ولا خصني ندوز تاني ا
اه الطبيبة البارح قالت ليا ان مزال ما كاينش النبض و قالت لي ان سبب الدم ان الجنين نازل بزاف و اي مجهود بسيط ممكن لا سمح الله يأثر
عافاكم ردو عليا راه ماعندي غيركم

meyer · 07-18-2011, 04:17 PM

سلام أختي الحداوية، ياك لاباس ؟؟؟ كيف بقيتي أزين، نتمنى تكوني بالف خير ان شاااء الله وربي يدير ليك اللي فيه الخير ويشافيك، تهلاي فراسك أختي.

meyer · 07-18-2011, 04:24 PM

مرحبا بيك أختي mme.elotmani
والله يكمل ليك بالخير

وفاء المنتقبة · 07-18-2011, 05:46 PM

لا تخافي حبيبتي ام رياض ان شاء ربي بيكون خير المتبتات تيعك باذن الله غادي تبت لك الجنين غيلرنتي متوتريش و غادي يكون غير الخير

ندى العمر · 07-18-2011, 07:10 PM

مرحبا والف مرحبا بيك معانا ام رياض وان شاء الله يكمل حملك على خير ...المهم هو ترتاحي وتحاولي تنعسي على ضهرك وديري شي وسادة تحت رجليك... ولاكن ضروري مترجعي عند طبيبة لان دم الا كان حمر وقليل تيكون اندار الاجهاض والله يكون معاك وثبت حملك يا رب.

mme.elotmani · 07-18-2011, 07:20 PM

السلام عليكم
أنا من مدينة فاس لكن أصلي وجدية
والمغربيات للي عندها شي طريقة لشهوات رمضان تفيدنا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحبن بضيفة من المغرب......	أم حفصة	ملتقى عضوات حوامل	10	04-22-2012 05:54 PM
صور لقصر الامير سلطان في المغرب	غلا الشوق	المـنـتـدى الـعـام	31	08-09-2011 04:35 PM
المغرب من تصويري تفضلو	ام حصة	المـنـتـدى الـعـام	31	03-14-2011 01:27 AM
المغرب من تصويري الجزء الثاني	ام حصة	المـنـتـدى الـعـام	1	11-13-2010 04:30 PM
قفطان بلاد المغرب الحبب	سموة الشوق	الموضة و الجمال	12	09-25-2010 05:54 PM