هل هذا صح الي انا راح اسوي؟؟؟؟!!!!

[احاسيس انثى]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
كيف حالك إن شاء الله دائما بخير ؟

بنااااااااااات ان شاء الله نهاية الاسبوع انا وزوجي راح نشوف شقه عشان نسكن فيها
لاني تعبت من نغزات عمتي و تعبت اغطي عمري من اخوان زوجي ماشاء الله تبارك الله 6 اخواان كل واحد احسن من الثاني ..

يعني انتوا فاهمين ابي اخذ راحتي شوي ..فقررنا انا وزوجي ننتقل الى شقه تتكون من غرفة وصاله و مطبخ الحمام ..

خوات زوجي كلهم ساكنين لحالهم .. حتى خواتي وبنات خالاتي وعماتي كلهم غير انا لاني قلت لزوجي ابي اجرب اعيش مع حماتي بس صعب ..
سبوني واهانووني و ضربووني وجتني حالات تعبت و اجهضت مرتين فقررت ان شاء الله قبل الحمل ابي اطلع واسكن لحالي مثل الكل ولكن ما بقطع علاقتي مع حماتي بالعكس بزورها دايما بشكل مستمر و انا احبها كثير الله يحفظهاا ..

شو رايكم الي اسوي صح ؟؟

[احاسيس انثى]

اب
اب
اب

[أم جعفر]

اكيد صح لان بتكون لش خصوصية وبتتقربين لزوجش وبتبتعدين عن المشاكل وفعلا لازم ما تقطعينهم وتزورينهم بين فترة وفترة او اسبوعيا
الله يوفقش ويسهل امورش

[sweet moon]

اكيد صح

هاذا موضوع مايحتاج تاخذين فيه مشوره احد

لانه تصرف سليم

[احاسيس انثى]

تسلميييييييييييين يا ام جعفر حبيبتي والله ..
لاني مابي اندم على قراري عشان كذا حبيت اسألكم ..
وينكم بنااات عطووووووني رايكم

[احاسيس انثى]

مشكوووووووووورة يا الغلا سويت موون على الرد ...
بس كنت شوي متوترة لاني سنة ساكنه عند اهل زوجي ..
سولي مشاكل يعني تخيلي ولا احد من بيتنا يجي بيت حميتي الي انا ساكنه فيه غير امي الله يحفظها وهي تجي عشان خاطري والله ..
لان الله يهديها عمتي متخاصمه مع الكل يوم زواااجي محد يزووورني
بس على الاتصالات والمسجات وانا ازورهم وابي يكون عندي بيت ومطبخ خاص بي
تخيلوا ادخل المطبخ يقولون لي ليش توصخي المطبخ وليش تدخلي المطبخ يعني صعب شوي ابي اخذ راحتي شوي ابي احس انه عندي بيت ابي ضيووف ابي اشوف ناس تيجي وترووح
حتى مرات يمنعووني اني اسير بيت اهلي يقوللون لي روحي كل اسسبوعين مرة!!!
تخيلوووه ..اذا اسير في الاسبوع مره يضاربون مع زوجي ومعاي والله تعبت

[sweet moon]

فعلا وش احسن من ان الوحده تعيش ببيتها معززه مكرمه

ماخذه راحتها وتتصرف على كيفها ومشورتها

العيشه مع الحموات جدا صعبه وفيك الخير والله اتحملتيها وقدرتيها ,,

وان شاءلله ربي ييسر اموركم وتطلعون بيتكم الجديد

وتاخذين راحتك وبنفس الوقت تزورين حماتك بين الفتره والفتره مثل ماقلتي

[احاسيس انثى]

شكرا اختي sweet moon مشكورة فديتج ..
وان شاء الله ما راح اتردد هالمرة باخذ القرار ..

[Little MOM]

صح حبيبتي لا تترددي هذا شي عادي جداً ومن حقك اصلاً ^^

[حياتي انا]

اله يوفقك والله ياحبيبتي
مافي احسن من انك تكوني
مستقله بعدين الوحده ليش
تتزوج الاعشان تستقر
وتكون هي المسئوله
عن قرارتها