هنا تجمع حوامل الشهر (السابع والثامن والتاسع)

[شجر الدر]

هلا بنات كيفكم ؟؟
ايش شعوركم وانتم بالثلث الثالث والاخير من الحمل
الله يتمم لنا على خير ...

[ام مراوي]

شعور حلو بس شهوور طويله خصوصا الشهر التاسع

[أنـــ غير ـــا]

شعور حلو بتحسي بالبيبي اكتر وبتعبك اكتر بس حلو

[هدوء انثى]

والله الشعور حلو+خوف هع
خايفة من الولاده وحامله همها ..لكن مشتاقه لضمة البوبو فديته
واحس انو مابقى شيء والايام ترررررركض

[شذى الايمان]

شعور حلو بقرب الفرج ان شاء الله

الله يسهلها ويفرجها على الجميع آمين ويرزقنا الذريه الصالحه

[مرهفة الإحساس]

والله يابنات انا نفسي أولد عشان اضم حياتي وعمري لصدري بس كل ما افكر في الولادة صراحة اخااااااااااف

[شجر الدر]

هلا بنات شكرا على ردودكم الجميله
بصراحه حمستوني النفسيات عاليه وحلوه من جد شعور حلو بس مخيف بنفس الوقت الله يسهل علينا .... كل ما اتخيل الولاده يا لطيف ما ابغى حتى افكر فيها بس الحلو في الموضوع انه خلاص تقدري تاخذي طفلك في حضنك وتشوفي شكله اخيرا ....
الله يتمم علينا يارب ... طيب قولولي كل وحده ايش استعدادها ليوم الولاده انا بكريه وما عندي اي معلومه غير انه التمر والعسل في التاسع حلوه تسهل الولاده وبس .....
وانتم اعطوني نصايحكم ....

[أم ح ــنونـہ]

والله شعور من احلى ما يكون
بقرب وصول النونو اللي را ينور حياتي
اما تجهيزات الولادهـ صراحه ما اعرف فيها شي
لأني بكريه وراح اخلي كل شي على امي واخواتي
الله لا يحرمني منهم ^^

[هدوء انثى]

انا جهزت ادعيه ليوم الولاده
وبعض السور احملها معي للتسهيل بإذن الله وراح اقرأ سورة مريم
واذا قدرت راح اكل تمر
اما تجهيزات البيبي لسه والله ع نهايه هالشهر راح اجهز بإذن الباري

[أم ح ــنونـہ]

اوه يا هدوء لسه ماجهزتي لنونو !!!
انصحك تبدأي من دحين
لان في الثامن راح تثقلي كثير زيييييييييي ×_×