دردشة حوامل مصر - دردشة بنات مصر - تجمع حوامل مصر ‏

AyoyA · 07-02-2011, 11:48 PM

شكرا يا لولو ارفتك معايا

om arwa · 07-02-2011, 11:51 PM

يا بنات روحت للدكتورة شفت الكيس انا المفروض 5 اسابيع و5 ايام وهو طالع 4 وضغطى عالى اووووووووووووووى 150
كتبتلى مثبت واسبوسيد
ادعولى بالله عليكم ربنا يكملى على خير
دعواتكووووو

dr.princess · 07-02-2011, 11:53 PM

لالالا يا اية ماتقوليش كده احنا اخوات

dr.princess · 07-02-2011, 11:55 PM

ربنا يكمل حملك على خير يا سما وتفرحى بيه ان شاء الله

AyoyA · 07-02-2011, 11:58 PM

ربنا يريح قلبك يا سما وتشوفى النونو وتشيله بين ايديكى ياااااااااااااااااااااااارب
انا وانتى وكل محتاج اميييييييييييييييييييييييييييييييييييييييين
وانا كمان رحت عند الدكتورة يوم الخميس ومبنش الكيس خالص وعملتلى سونار مهبلى وقالت انا مولوده بالرحم مقلوب واروح بعد اسبوع ربنا يسترها معاكى ومعايا

om arwa · 07-03-2011, 12:04 AM

يارب يا ايه يطمنا ان شاء الله
بس انتى كدة احتمال الحمل حصل متأخر شوية بعد السقط
يارب يكملنا على خير يارب
ادعى كتير يا ايه
انا قلتلى خدى مثبت وتعالى بعد اسبوعيد واسبوسيد عشان الضغط وامنع الملح نهااااااائى

om arwa · 07-03-2011, 12:14 AM

يا بنات حد خد اليوتيروجستان مهبلى قبل كدة ؟؟؟؟؟؟

أم إياد · 07-03-2011, 01:09 AM

السلام عليكم
ازيكم يابنات جميييييييعااااااا
لولو , توتة , نهاد , ملك , نورا , رانيا , سمية , رنا , رفيدة , شيماء , سارة , غادة , هدير , هاجر , دينا وكل البنات هنا عشان ما انساش حد
وحشتوووووووووني كتييييييير

سما ألف سلامة عليكي
ان شاء الله تبقي زي الفل استمري ع المثبت والاسبوسيد
وربنا يطمنك قريب ان شاء الله والسونار يوضح اكتر
وامنعي الملح خالص عشان الضغط مايفضلش عالي وتظطري تاخدي دواء الظغط بتاع الحمل
وربنا ييسرلك ويتمملك بخير ويباركلك في بنوتتك
اسمها عاجبني اويييييييي بقالي فترة وحاباه مع ان قدامي اسامي كتيرة بس سبحان الله الاسم ده مستريحة ليه اوي وشكلي كده هاستقر عليه في بنوتتي ان شاء الله
كمان بحرف الالف وانا وجوزي عايزين كده
ربنا يسهل ويجيبها بالسلامة
كانت بتعمل برووووفة للخروج امبارح ووقعت قلبي هههههههههه

أيويا ربنا يتمملك بخير ويطمنك ان شاء الله
استني بس شوية اني وسما وماتستعجلوش , بيبقى كيس الجنين مش باين اوي في الاول وربنا يطمنكم عن قريب
ويفرحنا جميعا بذريتنا الصالحة

انا كمان رحت للدكتور النهاردة
وقاللي عندي طلق كاذب
عملي سونار بس وقلتله عايزة اتطمن ان عنق الرحم مش مفتوح مارضييييش
فقلتله يادكتور انا حاسة بنفس الوجع بتاع قبل ولادتي اللي فاتت
هو انا ممكن اولد في السابع بدون سابق انذار؟
بكل برود يرد يقوللي اييييييييييه
عااااااااااادي وفيها ايه يعني لو جت ولادة هنولدك

استفزني بصراحة من اول الحمل وكل حاجة عنده عاااادي
اتخنقت منه ومارضيتش اطول في الكلام معاه
هو بس كتبلي على لبوس مهدئ للانقباضات ولبوس مسكن

بسسسسس
ربنا يسترها بقى ويتمم بخير
انا هاجهز شنطة الولادة من دلوقتي واللي يحصل بقى يحصل

om arwa · 07-03-2011, 01:22 AM

ام اياد شكرا ليكى يا حبيبتى
هحاول والله اقلل الملح ربنا يعمل الخير
عاجبك اسم اروى هيبقى حلو اوى مع اياد وكمان رقيق صغير ناس كتير بيعجبها
يلا توكلى على الله ربنا يجيب القطقوطة بالسلامة فى التاسع ان شاء الله
وسيبك من الدكتر البارد ده هههههههههه كلهم كدة المهم انه اداكى حاجة تهدى انقبضات الرحم وان شاء الله تكملى على خير
بس بقلك لو فى اى وقت حسيتى الجع زاد جامد خدى حقن الكورتيزون اللى بتساعد على نمر الرئة على طول فحتى لوو البيبى نزل بدرى لا قدر الله يعرف يتنفس بسهولة
انا فى ارويتااااااا حصل نفس السيناريو مغص وطلق من السابع والدكتورة ادتلى اللى بيهدى اللانقبضات والكورتيزون والحمدلله فضل المغص السابع والتامن دخلت التاسع يلا فين المغص بقى عشان اولد مفيش هرررررررررررررب ههههههههههه بس ولدت فى نصة كدة الحمدلله
فانتى ماتقلقيش بس ريحى خدى الادوية والكورتيزون لو المغص زاد اوى

أم نورين2012 · 07-03-2011, 02:16 AM

الدنيا بقت حر أوي والتكيف بقا ملوش أي لازمه مش عامل أي حاجه
أزيكم الأول ومسا الفل عليكو

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالوا شوفوا ازواج منتدى حوامل جبتها لكم وانا قدهاا	فداك عمري يازوجي	ملتقى عضوات حوامل	22	10-19-2011 10:02 PM
مشدات حوامل,ازياء حوامل,احذية حوامل موضة 2010	ايلاف	الموضة و الجمال	12	05-19-2011 11:50 PM
لكل حوامل التوائم ضرووووووري تعالوا هنا	أم الحلوات	منتدى أنواع الحمل	8	12-01-2010 01:31 AM
حوامل الشهر التاسع تعالوا حبايبي	الأمل الساطع	إستفسارات حوامل من الشهر السابع إلى الشهر التاسع	1	09-22-2010 08:12 PM