دردشة حوامل أهل الرياض - دردشة بنات الرياض - تجمع حوامل الرياض

[راجيتن الله]

المشاركة الأصلية كتبت بواسطة ام الأسمر

السلام عليكم يابنات شلونكم
معليش توني اشوف اسئلتكم ... بالنسبه للأكياس تنباع في السوبر ماركات
في قسم الشامبوهات والصابون تجي بجهه وحدها ..شكلها زي الكيس كبر الكف خشنه الملمس وتجي بألوان ... قبل ماتستخدميها تبلليها بالمويه وبشكل دائري تمشيها على جسمك تلقين الجلد الميت يطلع وبعدها بصيرجلدك ناعم


مروم .. تقصدين اغطية الرضاعات اكياس قماشيه يلي تتلبس فيها الرضاعات عشان ماتنكسر .. إن تقصديها موجوده في كل محلات الأطفال
وبيجي منها مقاسات كبير وصغير شوفي جونيرز بتلقين إن شاء الله


ملاك حياك يالغاليه ..مايبغالك ترحيب إنت اختنا ادخلي وشاركي واسألي
وإن شاء الله كلنا مانقصر
علمينا عنك.. بأي شهر ماشاء الله ... وعساك طيبه وشلون البيبي


عبوطه ... شلونك ياقلبي كلامك صحيح تقريباً إحنا الأربعه السابقون
إن شاء الله على خير ... الله يسهلها علينا جميع
بالنسبه للمشي .. إمشي لاتقصري عشان يلين منطقة الحوض والجاذبيه
بتساعد البيبي ينحشر وتسهل الولاده بإذن الله
انا جالسه امشي في البيت واتحرك نبغى نخلص ياختي تعبنا

اعشاب النفاس خلي بالك منها ماهو كل شي تقريه تسويه انتبهي لا تضرين نفسك بدل ماتفيديها
على كل الأحوال ادخلي قسم النفاس الموجود في المنتدى
ماشاء الله فيها مواضيع وتجارب متنوعه والأخت عزيزة نفس ناقله اشياء
حلوه اقريها وخذي يلي يناسبك ويلي تقتنعين فيه .. الله يوفقك

طيب ممكن تصورينها اذا كانت عندك بالبيت وتنزلينها هنا

وهل مكتوب عليها اسم

[راجيتن الله]

المشاركة الأصلية كتبت بواسطة ام ميمونة

كيفكم يابنات الله يسمع منكم خلاص والله زوجي طفش شكلة بيسافر لاهلة ويتركنى

ويخليك لحالك

طيب اهلك وينهم معك بالرياض

والا روحي معه واولدي عند اهله

[ام ميمونة]

لا والله حبيبتي اهلي بالجنوب واهلة بجدة بس ابجلس بالرياض احسن لي صعبة اروح هناك زوجت اخوي عندى بالرياض ماهي مقصرة انشاء الله يالله يفرجها يارب

ابغيت اسالكم بنات اش رياكم اشرب زيت الخروع او فية ضرر ع الجنين؟

[ملاك صعب الامتلاك]

لاحبيبتي موزين زيت الخروع يقولون يمكن البيبي يتبرز ببطنك ويصيرله شي لاقدر الله

الله يبعد عنك الشرر انتي وجنينك
بس احسن شي المشي والتساهيل من الله توكلي عليه

[sumay2010]

بنات الرياض محتاره وين اولد والله نفسيتي زفت لان الخياطه الاولى سيئه
وعندي كيس قرب فتحه الرحم محتاره وين اراجع تكفوووووووووووووووون
ساعدوني الله يسهل لي ولكم

[الصدر الحنون]

صبااااااااااااح الخير حبايبي

[ملاك صعب الامتلاك]

سميه انا بقول لك تجربتي مع بعض المستشفيات
اول ولد تابعت وولدت في مدينه الملك فهدالطبيه وكان اهمااااااااااااااااااااااااال بكل معنى الكلمه يعني كان عندي فقر دم تخيلي كان 8 ولافكرواااا يعطوووني شي لاابر حديد ولا غيره وانا كنت بكريه مااعرف شي وعندالولاده كان ولدي مشاء الله راسه كبير حبتين وكانت ولادتي متعسسسسسسسسسسسسره بغيت اموت مدري وين قياساتهم اثناء الحمل يعني الراس ماكان يناسب الحوض ومع هذا نزل الدم الى 6 تخيلي عشان كذا توهقوا ماقدروا يحطوا قيصريه عشان فقر الدم
وتعذذذبت جتني حرااااااااااره والم في رجولي تعوقت قسم بالله جلست حوالي الشهر وانا ماامشي وحراره والم الحمدلله على كل حال
بثاني حملت فيه على طول وكانت بنت ورحت نفس المستشفى من غبائي
وكانواااا قمة الاهمااااال بس ربي ستر كانت اسهل من الولاده الاولي
ثالث واحد قلت بغيييييررر رحت لمستشفى العسكري استغفر اللله العظيم زححححححححمه وقرف وتعديت التاسع ودخلت اليوم 11بعد التاسع ورحت لهم كانوا معطين لي موعد يوم جيت قالواااا ارجعي لمان ندق عليك عشااااان السرير مافيه
عاد هنا ضاقت بي الدنيا الحمل صاااار ثقيييل ماعاد اتحمل والنفسيه ززززفت قعدت اصيح واترجي فيهم اقول دخلوني وهم لاحياة لمن تنادي
اخيراااا تذكرت ان لي قريبه تشتغل بنفس المستشفى بس مبنى ثاني دقيت عليهااااااا طلبتها قلت توسطي لي يدخلوووني
وجت ماقصرت ودخلت معاي الطوارئ وقالت هذي اختي دخلوهاااا تعبانه ومن هالكلام وعلى طول دخلوني وشفت النصب الغرف والاسرررره فااااضيه والله على مااقول شهييييد
بعدين عطوني طلق صناعي وبغيت اموت والجنين مو راضي ينزل بالحوض عاد هنا انا طلبت ابرة الظهررر تعذبت اخذتها صرت مااحس بشي بعدين جت الممرضه وكشفت قعدت تصيح على الدكتوره وتقول الجنين على وجهه يعني بيطلع على وجهه جت الدكتوره والاستشاري وقرروا قيصريه
دخلت غرفة العمليات وانا طبعااا مبنجه نصفي واشوف واسمع والا يوم فتحوا بطني صار فيهم شي مو طبيعي طلعوا الولد الجمدلله مافيه شي بس اسمعهم يقولون لازم نشفط الدم
واستدعوا دكتوووور المساااالك البوليه والتناسليه وطوووووووولت العمليه صارت 6 ساعات وانا دموعي اربع اربع مدري وش السالفه واسال ولااحد معطيني وجه
بعد ماخلصت العمليه وطلعوني من غرفة العملياااااات قالي الدكتور لما فتحناااااا بطنك لقينا عندك نزييييييييف وتمزقاااااات في جدااااار المهبل وخيطووووا لي وسووولي حشوه شاش جلس فيني ثلاثه اياااااااااااااااااااااااااام
وشكوووواااا ان فيني تمزقااااات في الحالب والكلى بس ياربي لك الحمد ماصار شي من هذاااا ربي نجاني ياربي لك الحمد على كل حااااال وجلست على المناظيررر والقسطره لعشره اياااام والنفسيه كااااانت دماااااااااااااااااااار هذا كله من حجم الجنين ماولدوني بسرعه طوفتتتت شهري بكثييييييييييييير لا ولا دخلت الا بواااسطه
وصاااارت ولاداتي الحين على طول قيصري اول ماادخل التاسع يسوون عمليه
والحين اناااا اتابع في السعودي البريطاني وبولد قيصريه ياااااااااااااااااااااااااااااااااربي يسر لي ولادتي ياحي ياقيوووووووووووووم ادعولي يابناااااااااااااااااااات
وترى التخديررر النصفيييي عذااااااااااااااب يجيبلك النفسيييييييييييييييييييييييييه يعني تسمعيييين كل شي توبه يارب

[أمونه*]

سلام يابنات شلون الأحوال عساكم بخير

الدلوعه .. حياك ياقلبي وحشتينا ..بالنسبه لسؤالك احساسي غير ماقصرت

ام ميمونه ... انا مااعرف عن زيت الخروع شي لكن من الله موب مرتاحه
لهذا الإقتراح احساسي يسوي مشاكل وملاك جزاها خير عطتك الكلام
لا تجربي شي لا تضرين نفسك او البيبي لا سمح الله ..الله يسهلها علينا وعليك وعلى الجميع

راجيتن الله ... مااعرف انزل الصوره حتى لو صورته ...
على كل الأحوال اسهل عليك الموضوع
شوفي تلقين منه في نكتار اسأليه عن الكيس المغربي صحيح ماهو خشن مرره بس عنده مجموعه ثانيه شوفي يلي يناسب جسمك ... لما تشوفيه
بتعرفين قصدي شلون الشكل


الصدر الحنون ..شلونك

[أمونه*]

المشاركة الأصلية كتبت بواسطة sumay2010

بنات الرياض محتاره وين اولد والله نفسيتي زفت لان الخياطه الاولى سيئه
وعندي كيس قرب فتحه الرحم محتاره وين اراجع تكفوووووووووووووووون
ساعدوني الله يسهل لي ولكم

سلمات ياقلبي والله ماهو بس انت نفسيتك زفت كلنا الله المستعان

ياختي موب عارفه وش اقولك مافي مكان إلا ناس تمدحه وناس تقول ماهو بزين والله احترنا
انت ماقلتي وش يناسبك خاص ولا حكومي ..ووين اقرب شي ليك

على كل الأحوال ..اليمامه يقولون زينه بكل شي حتى الخياطه زينه عندهم لكن للأمانه انا ماجربتها

في بنات معانا قالوا التخصصي زين

مدينة الملك فهد يقولون ممتازه ..بس تفاجئت بتجربة اختنا ملاك
تقول ماهو بزين

انا اتابع في خاص وبولد فيه ... إن كنت في غرب الرياض
علميني وبعلمك بالمكان والدكتوره لأن مجربتها مرتين ممتازه

معليش الله يهونها عليك لازم الصبر ...الله يخترلك الخير

[أمونه*]

ملاك ... لاحول ولا قوة إلا بالله ..الحمد لله على سلامتك
وش ذا والله لو ولدتي في البيت ماكنت تعذبت لهذه الدرجه حسبي الله عليهم
معليش الله يكتبلك الأجر على يلي شفتيه ... وإن شاء الله هذه المره تتيسر الأمور وتقومين انت والبيبي وانتم بكامل الصحه وتكون الأمور سهله
ادعيلنا وندعيلك كلنا شايلين قلوبنا بيدنا ونبغى نخلص على خير..آميين