تجمع امهات التوام حياكم

[سآره]

صباح الخير

بسالكم حبيباتي متى تبدا مرحلة التسنين لاني حاسه ولدي بيسنن دايم يعض وسعابيل والمزاج معتفس وهم توهم كملو الخامس ودخلوا السادس تتوقعون يسننون ولا بدري

افكر استخدم لهم الملحب للتسنين من سمع عنه ومن تعرف طريقته

وبعد في شي امممممم ايوه عيالي ماجلسوا للحين واحسهم رخوين اذا جربت اجلسهم يروحون يمين يسار على وجههم مايثبتون متى المفروض يجلسون؟؟

[محجبه]

بناااااتي غلقو سبع شهور ماجلسو ومافكرو اطمئني سااااره
والمحلب حطي باصبعك وافركي اللثه يومين وتطلع الاسنان يريح الطفل

[أم حمودي المملوح]

هلا حبيباتي شخباركم كنت معاكم قبل 8 شهور في قسم الحوامل والحين جيت هنا شخبار توائمكم عندي سؤال أنا جبت ولد وبنوتة عمرهم الحين ثمان شهو اشلون أطقم لهم عطوني أفكار واسماء محلات تنصخخوني فيهم

[أم حمودي المملوح]

المشاركة الأصلية كتبت بواسطة محجبه

بناااااتي غلقو سبع شهور ماجلسو ومافكرو اطمئني سااااره
والمحلب حطي باصبعك وافركي اللثه يومين وتطلع الاسنان يريح الطفل

والله ولدي مجنني يعني تنصحيني بالمحلب مافيه ضرر ومن وين تشترينه

[سآره]

مشكوره محجبه على الرد بس حبيبتي شلون طريقته مطحون ولا حب؟؟

ويقولون نضيف معاه المره ضروري ولا يكفي لحاله

ماادري تنصحيني استخدمه الحين ولا بدري عليهم هم توهم داخلين السادس

وبعد بسالك عن ماي الرز المصري كم مره في الاسبوع اقدر اعطيهم

ابي شي يسمن البيبي شنو ؟؟

[محجبه]

ام حمودي و سااااارة
هلا بكم بالنسبه للمحلب هند العطاااار واهل الكويت يسمونه الحواج اخذ شوي واطحنه بمطحنه القهوة وانخله لين ينعم واحطه بعلبه زجاج بالثلاجه وكل ماطرا لي افرك لثتهم ومو لازم معها مر لحاله يكفي واذا ودك تزودين مرة مايضر
حلو ومسكن ويخفف عنهم انا استخدمه من زمان باولادي قبل
مويه الرز اسلقها قد نص بياله واخليها مويه للحليب يعني احلها بماي الحليب مرتين باليوم
لكن لي شهرين صرت احطها الرز شويه مع خضار مسلوقه واحليها بسكر نبات ونص جبنه كيري صراحه يروووق لي ووجبه تعتبر مغذيه
واعطيهم زبادي مع نصف صفار بيض كبرو واخليهم يتعودون للطعام

[دانات]

بنات اخيرا انضميت لكم الحمد لله ولدت يوم الاحد بس الى الان بالمستشفى ولدي يعالجونه بالضوء معاه صفار ماادري من عندها خلفية تفيدني والله على طول بكاء وضيقة مدري وش اسوي

[نـــــــارا]

زود الغلا يتراوي لي بناتج تعودوا على الحلو عشان جذي ما يرضون ياكلون عطيتيهم تمر وايد من وقت.. التمر والعسل بعد السنة لان فيهم مواد قاسية على معدة الطفل واحيانا ممكن يسبب تسمم ويقولج لازم تبدين مع الطفل كل الخضار والاشياء الماصخة بعدين الحلو لانه من يذوق الحلو يرفض الماصخ والمالح وخاصة الخضار

انا بناتي جلسوا وزحفوا منوالسادس واكا بيكملون تسع شهور وللحين ما حبوا

شلونكم مع التسنين بناتيطلع لهم كل وحدة ضرسين اماميين من تحت ومجننيني ما يرقدون وكله صياح.. احط لهم جل مسكن الم من الصيدلية على لثتهم مع البندول يرتاحون بس لاحظت زايدة الغازات والاسهال والدكتور يقول ما له علاقة بالتسنين

لا يفوتكم بناتي يحبون ورق العنب!!

[أم الحلوات]

السلام عليكم

امهات اللي جربت السفر مع التوأم تفيدني من خبرتها
لما بناتي يكملوا ثلاث شهور بسافر فيهم بر على جده
بحضر مناسبة زواج باذن الله
وشاااااااااااااايلة هم هالمناسبة
فإيش تنصحوني
خصوصا كل شوي رضعة ؟وتغيير للحفاظ تكرمون؟
هل تعرفوا رضعات للأستخدام الواحد فقط يعني مااحتاج اغسلها احس راح احتاجها في السفر أكثر
وكذلك بخصوص اللبس حتى الآن محتارة ناس كثير يقول لبسيهم قطن ولفيهم بالكوفلة وارتاحي لأنه كذا اريح لهم خصوصا التكييف في القاعات بارد وكذا ادفى لهم
وانا ودي البسهم لبس مرتب خصوصا ان العروسة خالتهم
بس احس بيكون حوسة عليهم وماارح يرتاحون فيه
إيش رأيكم مرة محتارة !!!

وبخصوص النوم وين انومهم في الشقة !!
صعبه اخذ سريرهم رغم انه اللي يتسفط من سنتر بوينت
بس بياخذ مساحة كبيرة في السيارة
اخذه وإلا انومهم على الأرض ونام جنبهم !!
الله يعيني ويعينكم الأطفال سالفتهم سالفة

[أم الحلوات]

على فكرة عربيتهم بتكون معي عشان يوم العرس
أيش رأيكم اصير استخدمها لهم وقت النوم ايضا !!!