دردشة حوامل أهل الرياض - دردشة بنات الرياض - تجمع حوامل الرياض

[أمونه*]

راجيتن الله ..الحين تنتظرين الحلاوه تشيل الجلد الميت ..ليش
انا كل اسبوعين استخدم الأكياس حقت الجسم مع الليمون وادعك جسمي كامل عشان الجلد القديم يروح وجسمك بيصير ناعم وابيض
فلما استخدم فيت مابيروح مفعولها بسرعه بسبب الجلد لأن الجسم نظيف
ونفس الشي الحلاوه مايتغير لونا وبتصير تشيل اكثر

[أمونه*]

احساسي غير ...سندس .. تسلمون ويكثر خيركم على الدعاء الطيب
وعقبالكم يالطيبات يتمملكم على خير وسلامه ويسهل عليكم ولادتكم

مروم .. اخبارنا الحمد لله طيبه ..وانت اخبارك واخبار البيبي طمنينا

[أمونه*]

والحين اسمحولي يصير دوري ولو لمره واحده واسألكم ..وإن شاء الله القى الجواب

انا من بدايه الأسبوع الماضي صرت اشعر بضغط على راسي ماهو صداع
كأن شي ضاغط عليه حتى مقدمة راسي وعيوني احسها بتطلع من مكانها
مع إني من اسبوعين شفت ضغطي عند الدكتوره وقالت تمام نورمل

ماادري وش هو بس مضايقني مرره واول مره يصير معايا ...

[ام ميمونة]

الف سلاااامة عليك حبييبتي ام الاسمر لاتشيلي هم انا مثلك الم في رااااسي والضغط كويس بس حنا نحمل ووونفكر بالولادة كثير وبعد تغير هرمانات الحمل لها دور كبير بس انتى ااااسترخي وووواكثري من الدعاء وربك يسهلها يارب..

[ام فهوود]

هلابك ام الاسمرالحبوبه كيفك وش اخبارك 
لا حبييتي يطلع نفس الشعر اللي قبل مايتغير ولا يصير قاسي وبعدين
انا احب الحلاوه بس عشان الحمل والتعب
ابي موديل للزواج للحوامل بس مابيه بكسرات من قدام ههههههههههه ماحبها
*

[الدلووعه]

السلام عليكم
كيفكم ياابناات
ان شاء الله بخير
الله ياخذ عدوك يام ركوني لك سنه حاامل
هههههههه
طفش الرجال الله يسر امورك ويهون عليك
كيفكم ياابناات كلكم أم ميمونه وام فهوود وسندس وراجيتن الله وعبوطه وانا غير
وووواحساسي غير ياارب مانسيت احد
والله اني متاابعه سوواليفكم
أم الاسمر ان شاء الله ماتشوفين شر يالغاليه اهم شيء بس اطمنتي على الضغط
ماعليك الا العافيه ان شاء الله
والله يهووون عليك ,,

[ام ركوني]

ام الاسمر الله يسلمك من كل شر يالغاليه
والله انا كانت تجيني نفس الاعراض اللي عندك ولما كشفت طلع عندي الضغط مرتفع عندي
وان شاء الله انتي ماعليك شر


الدلوعه والله ذبحني هالرجال كل مارحت اكشف وشافني طالعه قام يهاوشني يقول ليش ماتقولين لهم نوموني ويزعل والله حاله

الواحد من وين يلاقيها

الله يعين ويسهل ولادتنا ونقوم بالسلامه يارب

[mr00m]

صباح الخيــر يا حلوين انا الحمدلله اموري تمام والبيبي تمام

اما الصداع يا ام الأسمر نفس صداع نزول الضغط نفس كلامك

لازم تروحي وتشوفي والف سلامه عليك

[أمونه*]

ام ميمونه .. الدلوعه ..ام ركوني .. مروم .. فديتكم والشر مايجيكم يالغاليات

برأيكم الضغط السبب إن شاء الله الأربعاء إن امكن اروح واشوف الضغط مرتفع او منخفض الله يستر
الله يسعدكم ويكثر خيركم وتقومون بالسلامه ... آمين

ام فهود ... الله يلوم يلي يلومك .. والله لما ابغى اسوي احس مالي قادره
وخصوصا لما يكبر البطن يصير صعب مررره... وبعد مااخلص كأني كنت بحرب من التعب ... هانت ياقلبي تقومين بالسلامه

[ام الامورات]

السلام عليكم .... كيفكم كروشات
انا في الشهر السابع وقالي الدكتور الجنين راسه فووق يعني جالس
وان شاء الله يتعدل ,, بس انا احس اني قلقانه مره اخاف مايتعدل
وتجي الولاده والراس باقي فوق
اعرف وحده كذا وولدوها طبيعي بالمقعده وتعذبت المسكينه
والمشكله انه بنفس المستشفى اللي انا اراجع عندهم العسكري //القوات المسلحه