تجاربكم بنات مع مستشفى سعد بالخبر(الخياطة بعد الولاده ومع اي دكتوره)

roo7soso · 06-19-2011, 04:15 AM

السلام عليكم بنات
صباح الخير
هذا اول موضوع لي واتمنى منكم انكم تساعدوني
حابه اسال عن تجاربكم مع مستشفي سعد التخصصي بالخبر
من حيث الولاده فيه ومع اي دكتوره وكيف كانت خياطتهم بعد الولاده
وهل طلبتي خياطه تجميليه ولا بس قلتي لهم خياطه زينه وهل لازم من الان
اقول للدكتوره تكتب بالملاحظه اني ابغا خياطه زينه
لاني انا بكريه وبالشهر السابع ومره شايله هم الخياطه اخاف اصير وسيعه بعد الولاده
وحابه تخبروني عن افضل دكتوره تراجعون معاها وكيف ولدتك هي ولا دكتوره
ثانيه واذا كانت ثانيه اذكري اسمها وتجربتك معها
لاني انا حاليا اراجع مع الدكتوره الينا الروسيه هي حليوه وما شفت عليها شي بس الي جربت وولدت معاها كيف كانت الولاده

واسفه بنات علي الاطاله
بس لا تلوموني مررررررررررره خايفه وشايله هم *

roo7soso · 06-19-2011, 02:25 PM

وش دعوا بنات وينكم
معقوله مافيه احد جرب مستشفى سعد

roo7soso · 06-20-2011, 04:54 PM

وينكم بنااااااااااات :(

فرحة الدنيا · 06-20-2011, 05:46 PM

هلا قلبووو ,,
أنا بنت خالتي كانت تراجع طول فترة الحمل في مستوصف
لكن عند الولادة راحت لمستشفى سعد وكانت ولادتها طبيعيه
وعملوا لها خياطه تجميليه بس تقول انها ناسيه أسم الدكتورة ومن ناحية
العناية و الرعاية ما يحتاج تسألين عنايتهم رووعه
أن شاء الله أفدتك

roo7soso · 06-27-2011, 03:59 AM

مشكوره فرحة الدنيا
الله يعافيك

شموخ شمر · 07-14-2011, 07:17 PM

انا اراجع عند دكتور كمال الاتربي ومااعرف بصراحه دكتورات
في عدنان عاشور وكمال الاتربي ومايولودون الا قيصري لانه الولاده الطبيعيه بس القابلات يولودونك وتكون القابله بنفس كفاءه الدكتور
طبعا افكر اغير المستشفى ككل
لانه تنومت عندهم قبل اسبوعين جداااااااااا مااعجبني قسم التنويم الاثاث قديم بعكس المبنى من خارج \\

طبعا مو جديد علي قد تنومت قبل 7 سنوات كان طاقم التمريض بريطانيات وقليل فلبينات بعكس الان هنود وفلبينيات
جدااااااااااا غيرت نظرتي عنهم جدا
الا اللي عمرها ماشافته من اول احتمال يعجبها او تنصدم

اخت حمودي · 07-17-2011, 08:54 PM

ررررررررررررررفع

ام لينا55 · 07-17-2011, 09:18 PM

انا توني ولدت فيه قبل 20 يوم
اراجع عند الدكتورة صبا اردنيه معاملتها روعه دايم مبتسمه وتريحك بالكلام وتشرح لك كل شي بالتفصيل وتعطيك رقم جوالها
بالبدايه كنت عند الينا بس ماتتكلم ولاتفهمني الا لما اسالها ترد على قد السوال
ارتحت كثير مع صبا
اما الولاده مش على كيفك تختارين على حسب الدكتور المناوب في الطوارئ
حاولوا يولدوني طبيعي بس ماقدروا لان الجنين تعب كان معي تسمم حمل ولدوني قيصري
كانت الدكتورة المناوبه هنديه نسيت اسمها بس ممتازه الحمد لله كل شي تمام
اخذت غرفه خاصه حلوة ومريحه جدا
ياخذون الطفل عنك ويخلونك ترتاحين
انا مره ارتحت ولو احمل مره ثانيه مااروح الا لسعد
ان شاء الله اكون افدتك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مستشفى المانع بالخبر او مستشفى اسطون	نور العاشقين	إستفسارات المستشفيات و عيادات نساء وولادة	5	06-16-2011 02:05 AM
مستشفى الولاده بالمساعديه..بنات جده ادخلوا ..	ناديا	إستفسارات حوامل من الشهر السابع إلى الشهر التاسع	4	03-14-2011 07:28 PM
بلييز افضل مستشفى ولده بالخبر؟؟	يكفيني انا اني انا	إستفسارات المستشفيات و عيادات نساء وولادة	8	01-16-2011 12:12 AM
من جربت مستشفى اسطون بالخبر؟؟	براءة ملاك	إستفسارات حوامل من الشهر السابع إلى الشهر التاسع	10	08-30-2010 02:38 AM