【ツ】أحلى تجمع لأحلى حوامل التوائم 【ツ】 ‏الجزء الثالث

[الأميرة جوري]

السسسلام عليكم ياحلوووووين

شحااالكم؟ وشحال التوينز؟الله يقومكم بالسلامة وتفرحون بشوفتهم يااارب


اكشن ولادتي

بعد مادشيت الأسبوع السابع والثلاثين بدت تجيني الالام تروح وترد بسسس ماتزيد
ورحت السوق اشتري اغراض واتمشى ولما رجعت البيت الساعة تسعة ونص بالليل
شربت عصير برتقال مع زيت الخروع علشششان اريد افتــك وأولد والساعة 12 حسيت بألام قوية تروح وطول لين ترجع ورحت المستشفى وكشفت علي من تحت وشافته مسكر ولا واحد سانتي مفتوح بس عندي اوجاع وقالت لازم تنويم بالمستشفى قات ليها اذا الرحم مو مفتوح خلاص برد البيت واذا زادت الالام برجع لكم قالت خلي زوجك يوقع ع مسئوليته وريلي حاول معي بس انا مارضيت انام بالمستشفى وقع ريلي ورجعنا ع البيت الساعة 3 الا ربع وزوجي نام وانا ماقدرت انام احس الالام تزيد لين الساعة 7 الصبح وقعدت ريلي من النوم علشان يوديني المستشفى ريلي مامصدق يقول يمكن نروح هناك ويقولون ماشي ولادة وانا اقول له لا هذي المرة غير الالام وايد قوية وكل شوي تزيد مايدري اني انا شاربه زيت الخروع ورحنا المستشفى وراحت عندي اختي علشان انا كنت شويه خايفة وطول الطريق والالام تزيدوصلنا المستشفى الساعة 9 وعلى طول دخلوني غرفة الولادة وحطوا لي تخطيط قلب للجنين وكشفت الدكتورة من تحت شافت مفتوح 6 سانتي
ولالام تزيد بسسس كل ماانا اتألم ادعي ربي انه يسهل ع كل وحدة فيكم وحملها ولادتها ويفرحها بشوفت بيبياتها ويرزق ام سولي وام منصور ويارب فرج همي وكل محرومة بتوأم سلمين معافين
والساعة عشر فحصت مرة ثانيه وشافته8 سانتي والساعة11 شافته نفس الشي فقالت خليني اساعدج دخلت ايدها بغت تموتني وبالقوة فتحت كيس الماي وبعد كم دقيقة قالت لي يالله شدي علشان يطلع البيبي وطلع البيبي الاول صغيرة مرة وزنها 2 كيلو و400 غرام وبعد ربع ساعه طلعت الثانيه وزنها 3 كيلو وحجمها أكبر شوي بسسس الحمدالله بدون خياطه بسسس الحين ماأقدرأمشي أحس الحوض متفكك وجسمي متكسر والبنات ذابحيني بالسهر ماشي نوم لما يكون ريلي دوام أختي تساعدني فيهم وتسهر معهم بروح بيت أهلي بسسس ماأقدر أخلي ريلي بروحه علشششان هو موراضي يقول بساعدج بالي أقدر عليه.

عن الاسماء بعدني محتارة بسسس يمكن اسميهم دانة وبانة
شو رايكم بالأسمين؟

[ام منصور]

فدييييييت قلبج حبيبتي والله اتذكرتيني في عز تعبج يعلني مااخلا منج

ربي يخليلج بنوتاتج ويفرح قلبج فيهم ان شاء الله
انا احب اسم دانه ليش ماتسمين الثانيه ريانه فديتهن والله
بوسيهن عني ربي يحفظهن لج

[ام منصور]

اوووووه تخيلت يوم يفتحون الماي
يعوووووور الله ياجرج ان شاء الله

[ام منصور]

ماء الزير حياتي شحالج عساج بخير
وشحال البيبيات ربي يحفظهم ؟

[دانات]

[color="purple"]ياحبيلك احلى توينز الحمدلله الاكشن تبعك ما يخوف الله يطلعك من تالي شره يارب
واسم دانا يجنن اسم حبيبتي بنوتتي ومعاه لانا
ويارب يخليهم لك ويرزقك برهم[/كيف احلى توينز يتشابهون بناتك والا لا color]

[أم آدم]

دموع الشوق الحمد لله على سلامة كتاكيتك وانا بقرأ اتخيلت اليوم اللي اختن فيه اولادي ان شاء الله. وجسمي كله نمّل من التأثر يا رب ييجوا بصحة وسلامة, كم عمرهم هلا لما عملتولهم الختان؟ وكيف وضعهم بعدها؟؟ انا سألت دكتورتي متى أعمله قالتلي إنه إذا كانت صحتهم منيحة ممكن تعملهم هيي على طاولة الولادة يوم عمليتي إن شاء الله بس بفكر بقول ويلهم جيتهم على هالدنيا وكلشي كبير وبيخوف حوليهم وويلهم وجع الختان مساكين من أولها!

رضاك ربي ايش اللي صاير معك بالضبط يعني من ايش بالقولون بتشكي؟

أحلى توينز يا حياتي الحمد لله على سلامتك وسلامتهم...أسماء لطيفة اللي اخترتيها بس ايش يعني بانة؟

[ام منصور]

دانات شحالج عساج بخير
اسم دانات بعد ترا وايد حلو يعني دانه ودانات ......,على كيفي انا :)

[هيونه]

الله وجزاكم خير على السؤال ومارحتوا عن بالي بس أنا سافرت عند اهلي عشان تتحسن نفسيتي وجيت امس لبيتي وطلعت وحده من بناتي ابشركم والثانية ان شاء الله بكرة وعسى ماياجلون خروجها
الف مبروك للكروشات الي ولدوا والحمد لله علىسلامتهم والله لا يحرم كل أنثى من ان تكون ام كتحسين فيها الا بعد ماجربتها
دائم فوضوا أمركم لله وربي مارايح يضيعكم ان شاء الله

[ام منصور]

ام ادم ربي يعطيج العافيه حبيبتي
بالنسبه لموضوعي
الدكتوره من كم شهر تعطيني علاج للحمل وسوت لي كل التحاليل وقالت كل شي طبيعي
ولا صار حمل
وقالت احتمال كبير يكون فيه التصاقات من الكورتاج اللي سويته قبل 10 شهور كنت مسقطه حمل بو اربع اشهر توام
فقالت لازم اسوي منظار عشان اشوف اذا فيه التصاقات بفتحهم وان كان الانبوب وايد مرتفع بتنزله
شو رايج ياقلبي وسامحيني على الاطاله

[ام منصور]

الحمد لله على طلوع بنتج يا هيونه فديتج وعقبال ماتطلع الثانيه من الشر ربي يحفظهن لج ان شاء الله