دردشة حوامل أهل الرياض - دردشة بنات الرياض - تجمع حوامل الرياض

[راجيتن الله]

المشاركة الأصلية كتبت بواسطة الغيوض

كنت بحملي الاول اتابع عند خالد الجامعي لحد الثامن بس وقت عرفت ان في الولاده يدخلون طلبه وهونت وولدت بسلمان لان ولادتي جت فجاه وهالمره قررت ان متابعتي بأهلي

طيب وش رايك بسلمان ,,

ووين ناويه تولدين هالمره أن شاء الله

[ام ركوني]

ام الاسمر ,, ام فهود

مشكووورين وجزاكم الله خير

بس انا هذا ثاني حمل لي والاول ولدوني بأول التاسع لان كان معي تسمم حمل الله يبعده عن الجميع ان شاء الله

[راجيتن الله]

ام ركوني قديم الحمل الي صار لك تسمم فيه يعني قبل كم سنه

وش اسباب التسمم

[ام ركوني]

هلا بك حبيبتي راجيتن الله

والله له سنتين والحين خايفه يرجع لي وطلع الجنين وزنه ناقص عن الطبيعي كيلو بس

اسبابه ارتفاع ضغط الدم بالشهور الاخيره ماقمت اتابع الحمل ولما جاء نهاية الثامن جاني استفراغ مو طبيعي ووزني وصل الميه

ولما رحت لهم قامو يهاوشون وقالو على طول تنويم الضغط مرتفع وسبب لك تسمم حمل والجنين دقات قلبه ضعفت بس الحمدلله ربي ستر

[الغيوض]

راجيتن بالله
بصراحه سلمان حسب المناوبين يعني وقت رحت اولد كان فيه سودانيه متعاونه بس لو طفشتيها تعصب والمناوبه الثانيه هنديه سيئه في التعامل ثانيا خياطهم على حسب المناوب يعني فيه وحده تخيط نص كم وفيه وحده تخاف ربها وطيبه في النهايه سلمان حظ وعلى فكره البيبي عندك انتي اهتمي فيه مع ذلك لو ماحصلى قوى الامن بحكم بعيد الشميسي افضل رعايه واهتمام

[الغيوض]

بصراحه هذا ثاني حمل لي وبيني وبينكم حاسه بخوف من الولاده اكثر من ولادتي الاولى فمين صار لها زي وعدت هالمرحله والا لا وتخيلوا من شلت العصب لضرسي من غير بنج والا صرت اخاف اكثر منها من الالم الي جاني وبعدها خلعت ضرسي ببنج مخفف وعشت ايام مريره فمن اذكر تجلس عيوني تدمع مع ذلك تكفير ذنوب انشاء الله بس بجد صايره اوسوس فيها فممكن وحده كذا تخفف علي بتجربتها مع الولاده الثانيه

[ام ميمونة]

سلام بنات اش اخباركم والله طولت عليكم والسبب ظهري الم غير طبيعى الله يسهل لي ولكم دخلت الاسبوع الثانى من التاسع ماولدت اش رياكم اشرب قرفة اواكل عسل او اخليها ع الله موعدي مع الدكتورة بالولادة ع اخر لشهر وانا طفشت والله ودى اولد خلاص تعبت وربي الله يفرجها علي وعلى كل حامل يلرب

[mr00m]

مساء الخيـــر يا حلوين وش اخباركم وش مسوين

والله انا مليت وانا ادور غطاء للرضاعة وحجابات

ياليت الي تعرف تعلمنا وين لاقيها في
الرياض

[أمونه*]

مراحب يابنات ..كيف حالكم ... الغيوض مستشفى سلمان ماحد مدحه
كلهم يقولون انتبهوا لا تروحون الحمد لله إنك سلمتي
لا تخافي من الولاده الثانيه كله عند ربي .. انا تعذبت في ولادتي يلي قبل
كل مااذكرها اخاف بس ارجع اقول انه عند الله فأرتاح شويه
الله يعينك ويعينا ويسهل على الجميع ..آمييين

[أمونه*]

ام ركوني .. اول مره اسمع عن موضوع تسمم الحمل
الحمد لله على سلامتك وسلامة البيبي حتى لو جت متأخره
تعرفين رغم الزحمه يلي القاها عند الدكتوره بس اصبر واروح لو مره في الشهر من تخوفي من المشاكل المفاجئه .. الله يكفينا ويكفيكم الشر

ام ميمونه .. هلا ياقلبي حسبت الغيبه إنك ولدتي .. سلامة قلبك الظاهر الم ظهرك شديد حتى لو ارتحتي وتمددتي مايروح الألم .. الله يسهلها عليك
إييه اشربي قرفه كلي تمر ادهني بطنك بزيت زيتون مقري عليه مافيها شي عادي وامشي الله يقويك واكثر من كذه لا
لأن زي ماقلت لأم ركوني الولاده بميعاد ... الله يكتبلك الخير