تجمع امهات التوام حياكم

[عذب]

صباح الخير على الأمهات الحلوات

شخباركم ياحلوين وشخبار كتاكيتكم؟
والله الصراحه حطمتوني على النوم أنا أقول كلها أيام ويتعدل نومهم بس شكله مافي أمل

سافري يازود وروحي وين ماتبين غيري جو أنا ودي لو يوم أبتعد عن بناتي وأرتاح بس زوجي مو راضي كأن التعب عليه

[بروفكشن]

شخبارك عذووووبه. وشخبار كتاكيتك

[عذب]

هلا بيك بروفكشن

أنا الحمدلله بخير وكتاكيتي بخير الله يهديهم أن شاءالله

أنت شخبارك وشخبار كتاكيتك؟ وكم صار أعمارهم؟وشمسويه معاهم؟وأختهم شمسويه؟
تحقيق صحفي

[زود الغلا]

بروفكشن انا بعد بناتي يرجعوني بس مو طول اليوم ..الله يحفظهم ويحمي عيالنا .

[بروفكشن]

اي الحمد لله دخلوا السادس الله يحفظهم

مستانسه عليهم اختهم

[عذب]

كيفك يازود وكيف الكتاكيت؟

الله يحفظهم لك يابروفكشن
زين أن شالله دوم
أنا ولدي يحبهم وفي نفس الوقت كل يضربهم تعبت معاه

[فوفو الاموره]

مرحبا حبابيبي
حابه اسالكم كم سوال
حليب رونالاك ايش رايكم فيه هل هو افضل من فبي ميلك ؟
المشد متى اقدر البسه (المشدالاندونيسي) انا الحين لي 18 يوم من ولدت

[سآره]

صباح الخير امهات التوينز اخباركم ان شاء الله بخير وكتاكيتكم دووم طبيبن وبصحه يارب

في مشاركه كتبتها بس ماادري وين اختفت

المهم ياحلوات انا محتاره في الاجازه اسافر او لا

عندي الخيارات

لندن والنمسا بدون شغاله لان ممنوع الشغالات

او لبنان مع الشغاله ومالي خلق اروح لبنان اموووت في لندن

ولا اقعد في البيت واحترم نفسي

لاتقولون سافري وخلي العيال لان زوجي رافض هالفكره جملة وتفصيلا

اي وبعد شنو طعمت عيالي تطعيمه مو اساسيه وهي ضد النزله المعويه اللي تجي لبعض الاطفال من الشهر السلدس وهي جرعتين عطيتهم وحده الحين ووحده بداية السادس لاني مارضعت عيالي مساكين مناعتهم قليله ياقلبي عليهم

فوفو الاموره...انت وش نوع ولادتك ؟؟اذا قيصري ابتعدي عن المشد لاينفتح جرحك

اذا طبيعي المفروض بديتي من زمان انا بديت من 8يوم وبعد كنت متاخره تربطينه بشويش وكل يوم تزيدين من قوة الربط

وبالنسبه للحليب انا استخدم نوفالاك وزود بعد وغروم وفي بعد وحده بس نسيتها انا خذت بنصيحة زود الغلا الله يخلي لها عيالها ويبلغهم فيها كل خير مااعرف غير هالحليب

بعد بسالكم عن الحليب رقم 2 يستخدم من بداية الشهر السادس ولا بعد مايخلصون الشهر السادس؟؟؟

[زود الغلا]

شلونكم يا حلوات ؟؟
عذب الحلوات مجننيني الحني وكاة يبوني اشيلهم ياعمري الظاهر لازم انقص نصين .
فوفو الامورة ...ما اعرف الحليب اللي ذاكرتة ماقد جربتة بس عندك نوفولاك ممتاز .
ومن بدية السادس انا استخدمت نان2 ممتاز بس ريحتة ياااااااالله ماتنطاق .
سويرة ...الله يسلمك على الدعوة الحلوة ولك بالمثل ياربي ..مادام السفرة لابد عيالك اجل انصحك روحي لندن بس لا تروحين دول واجد ومعاك عيالك خليها لندن بروحها وانت عيالك صغار يعني على طول بالدراجة وتعاوني انت وابوهم عليهم بس الله يعينك راح يصيرون طول النهار نايمين من الدراجة مدوختهم وفالليل وقت نومتك راح يصحصحون ويتفرغون لك بس شتسوين انت يا ذكية !!!قطيهم على ابوهم ونامي وقوليلة تحمل مو انت تبيهم معانا يالله اكلها يا شاطر :).. وعلى فكرة لا تحاتين عيالك اذا تعبوا وانتم في لندن مستشفياتهم ممتازة والله يكتب لكم الخير وصلي الاستخارة .

[بروفكشن]

سلامممممو عليكم شخباركم ياحلوييييين. شخبارك زود وساروووونه