دردشة حوامل أهل جدة - دردشة بنات جدة - تجمع حوامل مدينة جدة

[r4m]

اهلين بنات
الطبي الدولي فيلو تامين بوبا ترااا بس اتاكدي من فئة التامين يا اختي + اسالي التامين نفسهم

يابنات
من فين اشتريتو السرر او ناويين عليها ؟
اقصد السرر الخشب اللي تمشي الطفل الين كم سنه : )
كنت ابغي من سنتربوينت بس قالولي البنات تلاقي برة بنص السعر ونفسها تقريبا

اناادور سرير ابيض وخشب متين ماليزي او شي قوي
الله يسعدكم اللي تعرف تدلني او كل وحدخ تقول من فين وبكم اخدت : ) باقيلي شهر لازم اجيبلي الان وماجبته

[احلى كرميلا]

والله ماعرف لكن اكيييييييد مليانه جدة وممكن تعملي تفصيل ومايكلف

الله يرزقنا جميعا الحمل السليم المعافاه ياارب

[ام عبدالله 86]

انا يمكن اشتري من سنتر بوينت لكن مو الخشبي
عندهم كل شيء وكل الالوان تقريبا الحقي التخفيضات دحين

[أم ح ــنونـہ]

انا اشتريت سرير البيبي
من برافو في اللي في حي الصفا
صراحه مره روعه وسعره يجنن
وفي عندهم نفس اللي في سنتر بوينت
بس الفرق في السعر :)
في سنتر بوينت السرير بـ 700 ريال
وفي برافو بـ 300 ريال بس
شفتوا الفرق صراحه احسهم نصابيين

[ود الروح]

بنات كيفكم
انا برضو بكريه الله يسهل علينا يااارب ويكمل حملنا على خير
بما اني جديده على المنتدى حابه اسأل كيف اعمل شريط شور الحمل للنونو في التوقيع
اتمنى احد يرد
وتسلموو حبايبي

[ام رتيل]

هلا بنات كيفكم ؟؟
حبيت اسالكم تعرفوا دكتوره شاطرررره تولد في هاله بن لادن لان الدكتوره اللي في المستشفى راح تاخذ اجاااازه ؟؟؟وكمان مين تعرف عيادة الدكتوره تيسير الكومي ؟؟؟
حبيبتي ود انا ما اعرف له كثير بس اكيد سوسو بتعلمك لانها هي علمتني الله يعطيها العافيه

[ام عبدالله 86]

سوسو ممكن عنوان المحل في اي شارع من حي الصفا بالضبط ؟؟

[ام عبدالله 86]

ام رتيل ماعندي علم والله

[أم ح ــنونـہ]

في حي الصفا مكان سوق طيبه اللي صار دحين شبرا
وجنبه محلات كتير زي هدايا سنتر واوول شوز وعالم سوني وبنده
قدامه بالضبط مستشفى المغربي للعيون
ان شاء الله اكون افدتك يا قلبي

[rooraa]

سلام كروشات جده
كيفكم ايش اخباركم
انا من كروشات المدينه
بس عندي طلب يريت تساعدوني
يااااااااااااااارب الي تساعدني ربي يرزقها اسهل ولاده في الدنيا ويحفظلها اطفالها ويصلحم
عندي فرح فجده وابغا ادور وحد تلبس زبون لبنات صغار
امانه الي تعرف لا تبخل عليا ولها احلى دعوه في ظهر الغيب