دردشة حوامل أهل الرياض - دردشة بنات الرياض - تجمع حوامل الرياض

[ندى دوت كم]

ام فهودي حبيبتي ذكرتيني بزوجي قبل سنه كان كذا اول ما يدخل يمسك الريموت ويغير اللي انا اتابعه وع الصامت بس الحين والله العظيم انه يسولف معي ويطنش التلفزيون احيانا والسر .............اولا الدعاء في جوف الليل بتحسين خلقه وان الله يسخره لك فيما يرضيه....................ثانيا اذاجلس على قناته المفضله تكلمي معه فيها وعلقي على اي شي مره جد ومره مزح واسحبيه بالكلام واسئليه عن اي شي في القناه ولا تملين ولا تقولين غير..........والله يوفقك ياقلبي اما بالنسبه لاهله لاتجيبي سيرتهم بالعاطل قدامه وجامليهم.......وتقربي منهم بالهدايا واعزميهم

[عشيري2000]

المشاركة الأصلية كتبت بواسطة ام الأسمر

والله معاك حق كلنا ماهو بس انت لو مافي هذه المشاكل في الحكومي
كنا ماخلينا المتابعه والولاده عندهم بس وش نسوي الله المستعان وماعليك إلا الصبر
انا مااعرف ان الموضع هذا يصير ؟
إذا في امكانيه وتنقبل الأشعه ريحي عمرك وسويها
بس اسألي قبل لا تتوهقي ويروح الموعد وتنتظري من جديد

اتوقع مافيها شيء لان صديقتي راح عليها موعد الاشاعه وقالتلها الدكتوره زينب

حبيب عادي جيبي تقرير عن الاشاعه من خاص يعني ماعندها مشكله

[ام ركوني]

ام الاسمر مشكووووورهـ ياقلبي

الله يهون على كل حامل يارب

[مساهير الشوق]

مساالخير والسرور كيفكم ان شاءالله بخير
يالبى من سأل عني فديتكم والله يابنات انا مااقدر ادخل كثير لان زوجي دايم موجود في البيت وانتوا عارفين المسؤاليه البيت والزوج والاولد والله ودي اشاركم في سوالفكم
الله يهون على كل حامل

[راجيتن الله]

راجيتن الله ..شلونك يالغاليه ... إييه نفسه الرياض غالري ..بس اختصرت عليك الإسم ..لأني عارفه إنك بتعرفيه
الحين تجهيز البيبي مايهم ولد او بنت لأني شفت بربتوزات الوانها محايده
وفيه الوان ولادي مناسبه
اما لما يكبر بالسن فعلاً معاك حق في اهتمام بالبنات اكثر ..ياختي الملابس والدلع حق البنات والحريم

والله شككتيني بنفسي والا فيه سوق بالرياض وانا مااعرفة مستحييل

تدرين ليه مو مهتمين بالعيال لانه خيرته للثوب والغترة والعقال هههههههههه

[راجيتن الله]

المشاركة الأصلية كتبت بواسطة ام ركوني

راجيتن الله ياقلبي انتي معليش توني اشوف ردك يالغلا

وانا ارجع بمستوصف واذا حسيت بشي رحت للمستشفى ...

بنات بسألكم اللي عندها خبره

الحين مدينة الملك فهد الطبيه الولاده فيها بفلوس ولا مجاني سمعت انه لازم واسطه صحيح ...

هلا ام ركوني و حتى انا سمعت انه مستشفى الواسطات والله اعلم

ام جنى :: هلا بك عيوني منوره

[راجيتن الله]

المشاركة الأصلية كتبت بواسطة الدلووعه

ام الاسمر الله يسعد لي قلبك
والله يباارك فيك عقباال ماخلص الثامن واتدخل التااسع
والتجهيز مدري ليه احس بخموول !! بس اني جالسه ارتب واكتب الاشياء الي باخذها
وحددت الاماكن الي بروح لهاا
قلت بروح غرناطه اخذ من واحة الجلابيه جلابيه وقميص استقبال اظن بيكفيني اثنين
وباخذ للنونو الله يقر عيوني بشوفته من محلات الاطفال الي هناك مثل نكس ومذر كير وباخذ منهم سرير وواكايدي واذكر الدور الثاني كله اطفال بمر عليها كلهاا
وبعدين بروح الرياض غاليري بدخل سنتر بوينت الي عندهم وستي ماكس وباخذ لي بجامتين
وباخذ ملابس للنونو
واخر شيء بمر رويال مول بشوف قمصان الرضاعه ومحل العيسائي للاطفال وبشيكي على السراير للنونو وبشوف لي مفرش للسرير,,
بس من وين باخذ الشنطه حقت النونو ؟؟دلووني ابغهاا غاليه وعليهاا الكلام لاني بزور فيهاا بكون بقبالة عيد الاضحى
وباخر شيء باخذ اغراض الصيدليه والعطار
كذا تمام والا ناااقص شيء ياابنات ؟؟

أم ركووني اظن بلاش بس مدري عن الواسطه ,,
راجيتن الله الله يسعدك على تواجدك ’’
والكل مشكوورين بدون استثناااء

الدلوعه :: تتوقعين القى ارواب حلوه بواحة الجلابية انا مابي جلابيه

ابي روب عادي لازخرفة ولازبرقة الواحد مو ناقص عيون الناس يختك..

وعجبني ترتيبك بروح لغرناطة والرياض غاليري

بس رويال ليش اخترتي تجيبي منه قصمان الرضاعه هل فيه محل معين يستحق العنوة

أم الاسمر :: ليه ياعيوني شريتي الرضاعات واجهزة التعقيم من سنتر بوبينت احس الصيدليات انظف وامن بهالامور.

وبالنسبة لمحل جونيورز الي قفل بسلام موجود بمولات ثانية له افرع

مثلا عندك بالرياض غاليري الدور الثاني , وهو فعلا روعه

[راجيتن الله]

المشاركة الأصلية كتبت بواسطة ام فهوود

مساء الخير يابنات وشلونكم ياكروشات
من زمان مادخلت والله يابنات النفسيه زززززززفت
وزوجي يرفع الضغط اذا جلس مع اهله يستانس واذا
جلس معي لا كني موجوده تلفزززززززززيون وبس
اليوم ماعنده دوام مخليني نايمه ونزل لهم وتركيني
وانا بصراحه بسببه صرت اكرهه اهله لاني اشوفه يستانس
عندهم وعندي لا
ويجبرني انزل لهله وانا مابي لانهم محسسيني غريبه
عنهم مايسولفون على راحتهم وحتى الاغراض اللي يجيبونها
من برا وانا عندهم يخبونها حتى لمن يطلبون من السوبر ماركت مايبوني اشوف عشان ماعرف انهم بيسون حلى بروحون كل شي سر وتبوني انزل عندهم ابدددددددددددااااا

وش تبين بهم فرقاهم عيد يابنت افتكي منهم
وبالنسبة لزوجك خليه يروح حتى تفتكي منه
خليه يتغدى عندهم وترتاحي من هم الطبخ بس تفاهمي معه

على الوقت الي يجلسه يعني مو يسحب عليك مرا بعد انتي لك حق

[راجيتن الله]

الحين جاء دوري اقولكم مشكلتي

موعدي ضااااااايع

ورقة الموعد حقت خالد ضايعه مدري وينها نفضت البيت نفض مالها وجود

شسوي لي شهور انتظر ويوم جاء ضاعت الورقة

اروح بدون ورقة عادي ,, والا فيه طريقة اطلع فيها ورقة ثانية للموعد من يساعدني يابنات ..

تكفوووووووووووووون الي تعرف ترد ,, او صار لها مثلي مع نفس المستشفى

[أمونه*]

مساء الخيرات ... ام ركوني ..حياك ياقلبي

عشيري .. زين مادامك واثقه من الشي ..الله يقويك وبالتوفيق

راجيتن الله ... شكراً إنك لفتي نظري على محل جونيرز لأني ماانتبهت عليه ..عجيب كثير اروح غالري... الله الحمل ضيع حتى البصر

خلاص حقك عليه ماكنت عارفه إن الموضوع تحدي بينك وبين نفسك

المهم انك عرفتي السوق هههههههههه

نفس الشي الرضاعات وجهاز التعقيم في الصيدليه او غير مكان بس اللهم تلقينها احيانا مخفضه
لأن الرضاعات والأجهزه تكون مغلفه وغير مستعمله
وبعض الأسماء زي تشيكو نادر تلقينها بالصيدليات ... تلقينها بالمحلات
زي جونيرز او سنتر بوينت

والله لازم جلابيه زينه وفيها شوية حركه لأن انا بيجي علي بعد ولادتي عيد الفطر
والدلوعه تقول بيجي عليها عيد الأضحى ..

الله يتمم علينا وعليك الحمل بخير وسلامه ويسهل الولاده ... وكله يهون