ديوانية البحرين - دردشة حوامل البحرين - البحرينيات

[ام السادة]

هلا والله خيه ام حسين بسم الله عليش ماتشوفين شر والله يفرحش بشوفة حسوني الوردة لا تخافين خلف جبدي وتوكلي على الله

[ام احلى قمر]

حيا الله أم السادة انشااااااء سويتين جاي؟
شخبارش ويش مسويا ويا الجهال بديتين و زنوب ؟
ام حسين الحمدالله اتطمنتين على حسون و اهم شي ترتاحين ولا تجهدين واتحملي بروووووحش وتوكلي على الله وأهل البيت ومابخيبووووونش انشاءءءءءء الله

[ام السادة]

هلا والله ام احلى قمر اي الجاي مستوي من زمان حياش عيوني

بديت وياها بس جنون ما ادرو ليها الا فصخت تبي تدخل الحمام عزش الله حتى لو توي طالعتنها

[ام احلى قمر]

ام السادة صبي لي جاي وبرووووح أسوي بخووور

اني بعد جنون حسون توي مطلعتنا الا جاي لي عقب شوي مسونها في ثيابه الكبيرة خخخخخخخ

[ام السادة]

ههههههههههههههههههههههههههههههههههههه تفضلي الجاي واهوو جيبي البخور ويش خنانته

ياعلي اني كل دقيقه ادخلها جان بس تتعود ولا تهدهاا

ما ادري ويش اخبار ام خليل ويه المسعد ولدها ما ادري ويش سوى ليها من اكشنات خخخخخخخ

[الفتاة الذهبية]

طعمت بنتي وللحين
نايمه بس تقعد شوي وتنام
طفلو
لا تبوقين رجل بنتي يلا
حنون
اجوفش وافقتين ع زنوبه
ليكون بتزوجين ولدش ثنتين
بنتي وزنوب
شعب شحوالكم

[ام احلى قمر]

اتفضلي البخوووور
اييي مادري ويش اخبار ام خليل ويا ولدها ؟؟

اتفضلي ريحة كيكة مسوتنها الحين ساخنة

[انوار الحب]

هلا والله بنات ديرتي والله سوالفكم حلوووة

المهم اني جديدة معاكم وهذه اول مشاركة قلت خلني اشارك معاكم

اني الى الحين مو حامل ب هي متاخرة علي واتوقع فيه احتمال اني حامل

وطبعا اني قبل حملت مرتين واسقطت لكن الحمد لله على كل حال

وصار لي سنتين من اسقطت اخر واحد موعدي يوم الخميس مع الدكتورة

كيران وانشاء الله تقول لي حامل لاني سويت فح بول ودم من قبل اكثر من

اسبوع وماكان فيه حمل

ادعو لي يابنات انشاء الله اكون حامل واعوض زوجي بره وافرحه بهالخبر



اسفه اني طولت عليكم بس قلت خلني اقول اللي في قلبي

اما الكتاكيت اللي تطعموا اليوم مايشوفون شروالله يساعدكم ياامهاتهم

[شمس الصباح]

حدث في مثل هذا الشهر اذكر العام الماضي كنت حامل بملاك في الشهر الثاني وكانت اجمل هديه لزوجي في عيد ميلادة

ام السادة وام احلى قمر شخباركم

اني رحت قلت بريح الا الحلوه قاعده ورجعت اقول ام السادة شفتيني على الشاي بروح اسوي لي كوبة شاي وبرجع مع المينو

[ام احلى قمر]

هلا بيش فتوتة ماتشوف شر لولو خيو لين قعدت الحين نشطيها لتمرض لش سبحيها مثلا خلها تتنشط