دردشة حوامل أهل الرياض - دردشة بنات الرياض - تجمع حوامل الرياض

[foofoo]

مرحبا كروشات كيفكم ؟

انا جديده عليكم وما ادخل كثير لاني تعبانه من الحمل توني دخلت الشهر سابع الله يسهل علينا ياربي ..

حبيبتي ام رشودي مذركير كان الشهر خمسه فيه تخفيضات والحين خلصت بس عندك سنتربوينت الحين عندهم تخفيضات اليوم انا رحت وجهزت وخلصت عندهم اشياء خيال كان ودي اخذ كل المحل تعرفو اول حمل يعني شي جديد علي ...

لا تنسوني من دعاءكم ..
الله يسهل على كل وحده حمل تولد وتقوم بسلامه ياربي...

[ام جنى2009]

مرحبا بنات الرياض كيفكم وكيفك ام الاسمر شو اخبارك
صحيح سينتر بوينت وسيتي ماكس تخفيضات رهيييبة

[راجيتن الله]

بنات متى يسوي مذر كير تخفيضات مرا ثانية

[foofoo]

حبيبتي راجيتن الله والله ما اعرف بس له شهر بس خلصو من تخفيضات يعني اكيد ما في شي قريب اقل شي ثلاث اشهر ...

[foofoo]

ايوا صح نسيت اسالكم كروشات من تعرف محل مفارش نفاس يكون تفصلهم حلو وفخم وش رايكم في محل الشماس يقولو حلو بس انا اشوفه عادي جدااا... وابي شنط مواليد نفس اللي فالنت وين القيهم ...

[راجيتن الله]

فوووووفو

الشماس عرباتهم تهببببببببببل

اما مفارشه مافيه ذاك الزود

وسعرها مبالغ

شوفي فيه محل شفته بغرناطة كشخخخخخخخخة

تحسين انك اميرة وانتي عالسرير

طبعا اسعاره أغلى من الشماس بس يسوى صراحة

طبعا مااعرف اسمه

بس هو بالدور الثاني بغرناطة شفتي اذا جيتي عند التعليم المبكر روحي كنك تبين اكسترا

وبتلقينه على يدك اليسار انا ناسية اسمه

من وين جهزتي ملابس النونو

وايش تنصحيني لاني لسى مابديت

اي محلات اروح ووش اشتري

[أمونه*]

مسائكم سعيد ...شلونكم
الله يسلمك ام جنى الحمد لله انا بخير ..مشكوره على السؤال ياحبيبتي
راجيتن الله ..الله يسعدك هذا من ذوقك كلامك الجميل يدل على اخلاقك
الجميله انا اشوف مذركير ممتاز لتجهيز البيبي من ملابس وخلافه

فوفو ...كلام راجيتن الله صحيح ..المحل يلي تقول عنه حلو مره
انا لما شفته اعجبني يلمع ومفارشه حلوه (بس الأسعار تلمع )

[عشيري2000]

السلام عليكم كروشات

انا توني جديده احب اني ادردش مكم

انا حامل في الطفل الثالثالله يتمم لي ولكم على خير

بواراجع في مستشفى خالدالجامعي عند زينب حيب بس تصدقون لسى مابعد شفتها

موعدي هذ الشهر ان شاء الله

بس اللي مخوفني اني اراجع على حسابي وقالتلي دكتورتي ان النونو صغير والمويه

قليله احس انها اقلقتني من اللي قد صار معها كذا تطمني وعطتني اسبرين

وعلى فكره انا مود ولاتدي في 26/11في احد معي

[foofoo]

مرحبا كروشات كيفكم اليوم؟؟

راجيتن الله بالنسبه تجهيزاتي للبيبي من مذركير مره ملابسهم حلوه انا جهزت بعضها من مذركير الشهر اللي راح والشهر هذا من سنتربوينت وباقي اشياء بسيطه شكلي بروح لستي ماكس بس ما ادري ملابس المواليد عندهم حلو ولا لا ...

اللي قالولها بنت تروح لسنتربونيت عندهم ملابس بنات جنان كان نفسي اخذ منها بس انا قالولي ولد والله اعلم بس اختي بالشهرالتاسع قالولها بنت وعجبني طقم واخذته لبنتها (اضحك عليها اقولها اذا ما جبتي بنت ترجعين الطقم لي الين اجيب بنت هههههه تقولي جيبه معك اذا جيتي بس شكلي ما راح اخذه اخاف تجيب ولد وما ترجعه لي ههههههه وش رايكم اخذ لها ولا اخليه عندي لين تولد ان شاء الله )

وبالنسبه محل المفارش اللي في غرناطه انا سمعت عنه بس خايفه يكون غالي كثير لاني انا مابي اي شي غير مفرش الام وسرير البيبي لان الاشياء الثانيه ما احتاجه وما ابيه يتعدى 1500

[foofoo]

راجيتن الله انا بكريه وما اعرف شي بس دخلت المنتدى وتعلمت اذا تبيني ارسلك الاشياء مهما انا جاهزه حبيبتي ...

حبيبتي عشيري 2000 لا تخافي بالنسبه للمويه اشربي ماء زمزم مره حلو للحامل وان شاء الله راح تدعيلي الله يهون علينا ياربي ...