هل لو صار هالشي بالمنتدى راح تنسحبين؟؟؟

[الحب لك وحدك]

السلام عليكم ورحمة الله وبركاته

كيفكم بنات
عندي موضوع حبيت اطرحه عشان
نتناقش فيه

الحين حنا بعصر السرعه
والتكنولوجيا ماخلت شي مادخلت فيه
لو جينا للمنتدى
وصار بدال الكتابه تسجيل الصوت يعني الكل راح يسمع
وحتى بالردود تسجيل الصوت
مافي شي اسمه كتابه

هل تحسين ان الكتابه افضل
ام تسجيل الصوت


ابي تفاعل وردوووود
يلا خلونا نتناقش

[ميمــو بينــك]

اهلين عوده حميده
ان شاء الله يسعدني اكون اول من يرد
لا مااتوقع الردود الكتابه احسن مليون
مره مدري ليش بس كلش ماني متقبله الفكره
ونشوف من لها راي ثاني انتي
وش رايج ؟؟؟؟؟

[rose]

وعليكم السلام وع قولة اللغة العربية بالاعراب
عدتي والعود احمد
والله لا الكتابة لها متعةةةةةةةةةةة غيييييييييير
احس تاخذي راحتك تجمعي افكارك ترتبيها وتاخذي قرار اما الصوت لا ماعرف انا متفقة تماما مع ميمو

[دلع]

الحب هنا اخيرا شفناك والله وحشتينا من زمان عن الطله الحلوه
حمدلله على السلامه
انا افضل الكتابه لاني اصلا مااحب اسمع شي على الكمبيوتر حتى المقاطع الصوتيه مااحبها حتى اخواني لما اكلمهم عالمسن مااحب احط محادثه صوتيه احب الكتابه..
بس مااستبعد يجي هذا اليوم وينتهي زمن الكتابه زي ماانتهى زمن الكتب وصارت عن طريق النت..

[بيسان]

اتوقع إذا جا هاليوم اللي بالصوت انسحب
لاني اللي حولي مابيرضو يخلوني
وفعلا الكتابة أحسن بكثييييييييييييير من الصوت ياخي ناخذ راحتنا أكثر

[سموة الشوق]

هلا وغلا

حمدا لله على السلامة يالحب

ألف لابأس عليك
طهور يارب

عودا حميدا خيتو الغالية

فرحتي بطلتك اليوم أبد ماتنوصف

الله لايحرمنا من بعض أبد الدهر


موضوع حلو

بس رأيي من رأي الأخوات
أنا لا أحبذ الصوت بالردود

الكتابة أفضل وأحسن
ولو جا ذاك اليوم

نقول السلام على اللغة العربية

سوف تذهب شيئا فشيئا

وسوف يطغى اللهجات وتمحى لغتنا لغة الضاد

تصدقون

الكتابة أفضل تعلم الإملاء أكثر

وتعرفي تميزي بين الوحدة والثانية بإملائها للكلمات

وتقدرين مدى علمها وثقافتها أكثر

وهذا رأيي

وإختلاف الآراء لايفسد للود قضية

وتقبلن مروري..

[جود الاماسي]

لك وحشه يالغلا اختفيتي الحمدالله على السلامه لاعاد تغيبي
رايي من راي البنات لايقل ولا بيزيد الكتابه افضل بكثيرمن المحادثه الصوتيه

[الحب لك وحدك]

مشكورين على ردكم اللطيف
الله يسلمكم طيف ودلع وجود
وانا بعد رايئ من رايكم


بس يمكن فيه احد يفضل الصوت اكثر
مثل الاعمى
ماعن لهم كيبورد خاص بس احس التسجيل لهم اسهل

[غـ روحي ـلا]

حمد لله على سلامتك ‏
في مثل يقول >>>
خالف تعرف


الردود الصوتيه ازين منها اسدح لكم اناشيد بصوتي العذب

[المتفائلة دوماً]

طبعاً الكتابة أفضل ...

تقدرين تقرين الآراء بشكل أسرع ..

تقدري قراءة فكرة أكثر من عضوه بلمح البصر يعني بثواني أما السمع فيكون أبطأ

وبعدين بالكتابة تقدري ترتبي أفكارك وتعرضيها بشكل واضح ومفهوم عكس الصوت ...

تحيااااااتي ،،،