【ツ】أحلى تجمع لأحلى حوامل التوائم 【ツ】 ‏الجزء الثالث

[*يارب فرجك*]

مساء الخير خواتي
دمعه القمر حبيبتي الربط يسونه للي يخافون عليهم من الاجهاض وبما انتي حملك غالي فالاولى يسولك ربط اما ان الربط يعور لايعور ولاشي هي اول يوم بعد العمليه تحسين بشد وبعدين عادي الوضع
والله ييسر لك امورك يارب ويتمم لك حملك

[دانات]

الياة والله نفقدك بجدول وبدونه ما تعرفين غلاتك عندنا لو تقرين مشاركاتي كثير نسال عنك
الوان ياعمري انتي في الثامن ولا تزعلين حاسة بشعورك
هيونة يالله نتسابق والشاطرة اللي تةلد اول التاسع خخخخخ
ماء. زير الشد والله متعبني من نص السابع وكل ماله يزيد لا تقلقين اذا ما فيه اي افرازات تبقي في السليم
دمعة القمر فيه معنا ثنتين مسوين ربط وماشيه امورهم تمام انتي توكلي على ربك ثم اسمعي كلام الدكتور
رضاك ربي يا حبيلك دايم تردين على الموجودين احسك حنونة وقلبك على الجميع الله يتمم لك بخير

[الياه]

بنات طمنوني الله يطمنكم قلوبكم

اليوم المسا سرت عند دكتورتي في الخاص
وسبحان الله تغيرت أوضاع الأجنة
وكلهم روسهم تحت بس في مشكلة
الثاني راسه عند رقبة الأول
يعني مافي مجال للطبيعي والأفضل قيصري
والله خايفة عليهم من وضعهم
ووكلت امري لربي ، الله يكتب لي اللي فيه الخير

والشي الثاني أوزانهم مثل آخر زيارة لي من 4 اسابيع
ما تغيرت
وسألتها هالشي طبيعي قالت عادي
بس قلبي مب مطمن ما أدري ليش
أخاف انهم ما يتغذون عدل من المشيمة

وقالت توقعي الولادة في أي لحظة
وأبدأ أمشي
وسألتها عادي اشرب زيت خروع، لأنها نصحتني في قبل
قالت لي لا؟؟؟؟
يمكن يفتح كيس الماي
حتى ما طاعت تشوف النفس عندي مفتوحه ولا لآ؟؟؟

طمنوني عادي وزنهم ما يتغير خلال 4 اسابيع؟؟؟؟؟

أدعـــــولي

الله يحفظكم ويتمم لكم على خير ويفرحكم بشوفة عيالكم

[الياه]

دانات

تسلمين الغالية ، وكلكم ما تغيبون عن بالي
الله يسهل عليج وتربين في أول التاسع

يارب فرجك

طمنيني عليج شو الثقل وياج في التاسع؟؟
وبديتي تمشين؟؟ الله يسر أمرج


دمعة قمر

توكلي على الله وسوي العملية ، وأن شاءالله ماعليج شر
كل اللي في التجمع وسوو ربط ما شكو منه الحمدلله
وحياج بيني في التجمع الحلو

ألوان الحياة

راحت عليج ، على قولة هيونه، الجدول عن كل سبت
وامس كنتي في آخر يوم من السابع
أفا عليج لا تشيلين في خاطرج
الأسبوع الياي بتنورينه مع حوامل الثامن

مـــاء الزير

تسلمين حبوبه، وعساج ماتفقدين غالي
ما تشوفين شر، سيري عند دكتورتج واطمني وطمنينا
معاج

[فوفو الاموره]

بناااااااات والله انا ميته خوووف تجيني الالام ورحت من شوي المستشفى فاتح بس 2 سانتي وطلعوني
ياربي والللله جسمي احسه متكسر من الثقل
ومن شهر ماشفت اوزانهم خفت من كلام الياه خايفه انه اوزانهم ثابته وهم ماشيكوا الوزن ابدا
ياليتهم يقررون لي قيصري بس مو رااضين
طلقي حييل بارد مايحمي الا بفك المويه او طلق صناعي

[فوفو الاموره]

الياه ماتوقع انه عادي اوزانهم من اسبوع ماتغيرت اكيد انه المشيمه ماتغذيهم
غيري الدكتوره وشوفي ايش تقول

[*يارب فرجك*]

الياة ياقلبي لاتخافين ووكلي امرك لله
المفروض ان الوزن يزيد لكن يمكن انك مجهدة نفسك مع الشغل وماتتغذين زين والدكتورة تعرف اذا كانت المشيمه تمد الاجنه بالغذاء ولا لا من خلال جهاز السونار اما الولادة انتي استخيري ربك وربي بيكتبلك الصالح وين
الله يحفظك ويحفظ اجنتك

[الياه]

فوفو الأمورة
الله يسهل عليج ويهون طلقج، دكتورتي تقول بسبب
ضغط الاجنة ما تحسين بالطلق
تحسين بشد في بطنج وظهرج أكثر شي، او اذا تبطل الماي
أو في حالة نزول دم، أنا ماحس بألم الطلق
مثل ما احس بالشد بين فترة وفترة
ومثلج ما ربيت في عيالي الا يوم أخلص التاسع


وخوفتيني على اوزانهم ترى هاللي شاغل بالي
معقولة 4 اسابيع وما تغيرت اوزانهم
بس الحمدلله احس بحركتهم
عندي موعد في المستشفى الحكومي يوم الخميس
بس شو يصبرني لذاك اليوم :(

يالله ياكريم تكتب لنا الخير وين ما يكون
وتفرحنا بشوفتهم سليمين معافين ما يشكون من زيادة أو نقصان، برحمتك يا ارحم الأرحمين

[الياه]

يارب فرجك
الله يجازيج خير حبيبتي ، والله يمكن لأني وايد تعبت عمري
في الشغل، وخايفة ايي اليوم اللي اندم فيه على هالشي
حتى وزني نزل عن قبل
لين الحين من حملت زايدة بس 5 كيلو
ماعرف دكتورة احسن منها
في وحدة ثانية واجهزتها مطورة
بس مشكلتها تخوفج على ابسط الأمور
وأخاف اسير لها وتخوفني أكثر

[دانات]

الياة حبيبتي ياريت بكرا تروحين دكتورة شاطرة عندكم ماتعتمدين على كلام وحدة واذا مستشفاكم الحكومي كويس روحيلهم افضل من الخاص بالتوام وطمنينا الله يطمنك
فوفو اذا وصلتي حدك خلي الدكتورة تسويلك تحريض ولادة اذا مقررين لك طبيعي بس اطمني قبل على. الاوزان