دخيلكون ردو علي راح جنننننننننننن

[أم نهى الجزائرية]

السلام عليكم ورحمة الله وبركاته

حبيباتي أنا أول مرة إشترك في ها المنتدى بصراحة لأنو عجبني كتير و لأنو كتير مفيد
بس بدي منكون تساعدوني رجاءا

أنا دورتي في الأصل مو منتظمة لكني تابعت عند الدكتورة و عطتني دواء خلاها منتظمة و لساتني عم آخدو لحد هلا و أنا نفسي كتير صير حامل إنتظرت الأشهر الماضية بس من غير نتيجة قالتلي الدكتورة إنو عندي ضعف في الإباضة و عطتني

دواء الكلوميد و الأوفستان و طلبت مني إرجع لحتى تراقب الإباضة و فعلا كان في بويضتين بس حجمهون صغير فأعطتني إبر منشطة "2" و ها الشي كان يوم 13 و 14 من الدورة و طلبت إرجع يوم 15 وقالتلي إنو الحمد لله صار حجمهون منيح و أعطتني إبرة تفجير يوم 19 من الدورة قالت إنو الإباضة عندي متأخرة يعني حاوالي يوم 17 أو 18

وكمان مثبت للحمل أخدو يوم 21 من الدورة
و هلا أنا باليوم 27 من الدورة وعم حس بوجع أسفل ظهري و أسفل بطني عا الشمال و حس بألم بصدري و إنو الحلمات صار حجمهون أكتر و صارو كتير حساسين و عندي إمساك و حس بإرهاق شديد وتعب

بصراحة ما قدرت إستنى لحتى كمل 14 يوم من موعد إبرة التفجير و عملت تحليل للحمل لكنو طلع سلبي

و أنا هلا محتارة "يا ترى أنا حامل ولا لاء ؟؟؟؟؟؟؟؟؟؟؟؟؟؟؟؟؟؟؟"

دخيلكون ردو علي لأنو ماعاد فيني ،بعرف إني طولت عليكون كتير بس ماعليشي إتحملوني ها المرة أكيد إنكون مريتو بنفس حاة الحيرة هاي

بس لا طولو علي كتير عم إستنى ردون على أحر من الجمر و مشكورين مسبقا