【ツ】أحلى تجمع لأحلى حوامل التوائم 【ツ】 ‏الجزء الثالث

[هيونه]

أم منصور الله يجزاك خير والله موضوع مهم بصراحة
سارة أنتي طالبتها يعني الخياطة أو الدكتورة هي إلي عملتها لك بدون أذن

[رضاك ربي]

السموحة ام منصور تسلمين عالمعلومات

[الأميرة جوري]

السسسلام علييييكم

شحاااال الجمييييع؟

بناااات اليوم رحت المستشفى لأني نقلت من المستشفى الحكومي الي كنت اراجع فيه
الى مستشفى حكومي ثاني وأول مارحت لهم عطوني ابره الرئه وانا مافيني طلق
قلت لهم انا يمكن اكمل لتاسع ومااولد ولادة مبكرة بسسس الدكتورة قالت لازم وعطتني الابرة وبعد 12 ساعة ابرة ثانيه الله يعيني اكره الابر خييير شر وقالوا مانقدر انخبرج الحين انج بتولدي طبيعي ولا قيصري الا وقت الولادة بسسس انا الرؤوس الاثنين تحت مادري ليش هم الدكاترة كلهم هالشكل يخوفون الواحد والصراحة
من دشيت الشهر الثامن وانا احاتي الولادة مرة خايفة.


بنات من منكم خذت ابره الرئه؟؟؟

[الأميرة جوري]

اليااااه

وينج عسى ماشر>>>> فاقدينج

هيـــــونة, رضاك ربي

شحالكم؟ وشحال التوينز؟

[سآره]

اهلين هيونه..الدكتوره من نفسها خيطتني تجميلي لان ولدي الاول شفطوه وجرحي كان كبير

احلى توينز ..يعني بصراحه دكتورتك ماادري وش تبي معروف ان رئه الطفل تكتمل في الاسبوع 34ليش تعطيك الابره وانت كملتي الاسبوع 34انا ماخذت ابرة الرئه مع اني ولدت في الاسبوع 35و5ايام بداية التاسع
ولادتك ان شاء الله بتكون طبيعي لان اللي راسه تحت البيبي الاول خلاص مايقدر يغير وضعه اما البيبي الثاني احتمال بس حتى لو صار راسه فوق تقدرين تولدين طبيعي مثلي واحد فوق والثاني تحت والحمد لله ولدت طبيعي

بنات ولدي في زكام شديد وسعال وش اعطيه عشان يخف

[الأميرة جوري]

المشاركة الأصلية كتبت بواسطة سآره

احلى توينز ..يعني بصراحه دكتورتك ماادري وش تبي معروف ان رئه الطفل تكتمل في الاسبوع 34ليش تعطيك الابره وانت كملتي الاسبوع 34انا ماخذت ابرة الرئه مع اني ولدت في الاسبوع 35و5ايام بداية التاسع
ولادتك ان شاء الله بتكون طبيعي لان اللي راسه تحت البيبي الاول خلاص مايقدر يغير وضعه اما البيبي الثاني احتمال بس حتى لو صار راسه فوق تقدرين تولدين طبيعي مثلي واحد فوق والثاني تحت والحمد لله ولدت طبيعي

بنات ولدي في زكام شديد وسعال وش اعطيه عشان يخف

الله يعطيييج العافية سآره ويحفظ لج عيالج طمنتيني الله يطمن قلبج ع عيالج ويبارك لج فيهم عن ابره الرئه حتى انا استغربت انا مغيره المستشفى علشان اشوف اهتمام منهم وياحسره طلعوا نفس بعض كلهم بالهوى سوى.

[رضاك ربي]

هلا الغالية احلى تونز حمدلله انا بخير وعافية وربي يطمنك ويقر عينك بولادة سهلة وميسرة

هلا سارونة يالدلوعة شو بعدك تساوين ببيت اهلك ربي يعافيكي و ابنك من كل شر

[ام منووو]

مرحبا كروشات كيفكم
انا اليوم رحت موعدي وبالقوة دخلت على الإستشارية وطلبت منها ابرة الرئة وكتبت لي تنويم السبت عشان اخذها
وبالنسبة للسكر قالوا لاتشدي مرة على الحمية لان سكرك مو مرة لان الحمية الزايدة وقل الاكل ماتخلي التوينز يكبرون كويس

دعواتكم

[ماء زير]

اليوم رحت المستشفى موعدي طلع السكر ولله الحمد طبيعي وقلت للدكتور عن الحكه الي في جسمي قال لازم نسوي لك تحليل وتجين باليل بعد العشاء نشوف نتيجه التحليل عند الطوارى اذا كان تحليلك سليم عطناك علاج يعالجها واذا كان تحليلك عن الكبد فيه شي لازم تنويم وعطاني ابره الرئه وبعد 12 ساعه الجرعه الثانيه وبكرا الصباح الجرعه الثالثه وبكره باليل الجرعه الرابعه وقال في الاشاعه ان واحد من الاجنه عنده الاحشاء وسيعه بس قال كثير مثلهم وبنسويلك اشاعه ثانيه بس اسبوعين او اقل نتاكد بعدين نشوف وسلته عن الالم الي يجيني فوق في بطني قال هذي عضلات البطن عندك ضعيفه وتوسعت بسرعه علشان التوينز وسالته عن متى يكون ما فيه خطر على الاجنه في اي اسبوع قال في الاسبوع 32 ادعولي يا بنات يكون تحليل الكبد يكون سليم واجنتي يكونون في صحه وعافيه

[ام منصور]

الله يسلمكم جميعا يالغاليات

احلا توينز لازم اييج اشوي ويع في الثامن يسمونه منان مثل الطلق ويتيبس البطن يصير يااااابس ويعور
الله يخفف عنج ان شاء الله ويهون الحمل عليكم وتولدين بالسلامه وتشوفين عيالج بصحه وعافيه
الغاليه ماء الزير
ماتشوفين شر وربي يتمم حملج على خير بس ليش عطوج اربع جرعات لابرة الرئه ؟
ان شاء الله يكون البيبي بخير ومافيه شر وربي يتمم حملج وتقر عينج فيهم