【ツ】أحلى تجمع لأحلى حوامل التوائم 【ツ】 ‏الجزء الثالث

[قطرة ندى*]

والله وحامي متعبني شوي دوخة وغثيان وترجيع
واحيانا احس بآلام في جسمي كأني مضروبة وماأقدر أنام
والدكتورة قالت لي لساتني بالثاني مع ان شريطي مدخلني الثالث

[عذااري]

الله يعينك
تصدقين ماجاني وحام قوي
استغربت لما قريت ان البنات وحمهم دبل الحمل العادي
انا بكر حتى اني شكيت اني حامل بتؤام
هههههههههههههههههههه

[رضاك ربي]

مهاااااااااااااااااااااا مبارك ويتربون بعزكم ويجعلهم قرة عين لكم

هلا ندوش غريبة للحين ما حسيت فيهم يتحركون عالسونار يلعبون سيرك ههههههه بس ما اعرف قالتلي انتظري اسبوعين بتحسي لو كنت نايمة هههه هلا وغلا عذاري

[رضاك ربي]

عذاري حتى انا محسيت بوحام يمكن لان القولون كان عامل فيني عمايله يمكن مرة او مرتين حسيت بلوعة بس كمان كانت من اعراض القولون مادريت بحالي الا ومخلصة الثالث بس كانو صعبين هالاشهر لاني ماقدرت اخذ مسكن القولون ولا علاجه ربي يشفي كل مريض

[قطرة ندى*]

عذاري الوحام يختلف من وحدة لوحدة ومن حمل لحمل ثاني
انا اكثر حمل تعبت في وحامه كان البكر يمكن لأني كنت صغيرة
رضاك أحيانا الجنين مايتحرك الا بالخامس ان شاء الله يتحركون
وتحسين فيهم ويخلونك ملعب كرة قدم موسيرك هههههههههه

[عذااري]

ايه معاك حق الوحام يختلف من وحده للثانيه
ومن جد الاشهر الثلانه الاولى اصعب شي
المهم ان الحين احس بحركه
والرفس مادري هو رفس ولا غازات ههههههههههههه
ما ميزت بصراحه الله اعلم
وشي ثاني عندي افرازات تجي بعض الايام شفافه لزجه
مادري هي طبيعيه او لا

[عذااري]

ايه رضاك ربي
الحركه تحسينها اذا كنتي نايمه على ظهرك اكثر شي

[دانات]

مها الف الف مليون مبروك يتربون بعزكم ودلالكم والحمدلله على سلامتك وسلامة الكتاكيت الله يحفظهم ننتظر الاكشن
الياة نورتي والله يا حلوة الله لا يحرمنا من هالطلة
الفراشة الجميلة طمنتيني الله يطمنك يارب انا كمان ان شاء الله باخذ غرفة خاصة عشان المرافق والراحة
هيونة والوان الحياة انتو معي بنفس الصف صح ما تحسون السابع ثقل زايد حبتين يارب لك الحمد والشكر

[الأميرة جوري]

السسلام عليكم

شحااااااااال الجمييييع؟

عشمانة , مهااااا

مبروووووووك والحمدالله ع السلامة ويتربون بعزكم.

الياه

أنا الحمدالله بخييير مراجعتي كانت يوم الخميس والدكتورة سوت لي سونار وشافت الرؤوس تحت وخبرتها اني اريد اولد طبيعي واريد نقل لمستشفى ثاني وقالت ع الموعد الجاي بعد اسبوعين بتكتب لي تقريرالنقل.
وأنتي شحالج؟ وشحال البيبي وعن قشر القهوة حصلته عندكم بالعين
(فى منطقه اليحر ) المحل اسمه المنتجات اليمنبه /عدال مطبخ رماح /وكمان عدال محل ذهب اسمه الرميزان وحدة من البنات الي بالمنتدى دلتني ع المكان وبخبر زوجي ياخذلي منه.


بااااقي البنات :شحااالكم وشحال التوينز والثقل.

[اول غرام]

هيونه
هههههههههههههه اجل خايفه ..
لاتخافين ..
مدام معاك القمر مالك ومال النجوم
(القمر)= عمتك خخخخخخخ
يعني انتي اجلسي مع العيال وهي مع شغل البيت
ونظرا لانك بكر .. بيكون اخف شوي
من وجود اطفال سابقي العهد .. الله يكون بالعون ..
المراجعات .. اول شي ندش نسلم على الدكتوره
واذا فيه اي مشاكل نقولها واذا مافيه ننسدح على السرير عشان تتطمن عيالنا خخخخ

وش اخبارك مع العمه .. بدت تفهم ولا لك عليها ..؟

رضاك ربي
امين يارب الله يتقبل منك دعواتك ولك مثلها
وش مسويه مع الثقل والكرشه
بالنسبه لي التربيه اهون بكثييير من الكرشه
على اني ماانام الا سويعات بس انام وبطني خاليه وعلى اي جهه اقدر ارتاح ..

الياه
اهلين وسهلين نورتينا ياضي العين
انا بخير ولله الحمد ..
بس مايمديني اشتاق لهم الله يحفظهم ههههههههه
اول ماينامون نومه سنعه تلاقيني نايمه معهم..
شكلهم هم الي يشتاقون مب انا خخخخ
الله يسهل عليك ولادتك وتولدين طبيعي غصبن عن عين هالدختوره..سبحان اللي يغير ولايتغير ..ماتدرين وش يصير ..

ندوووش
اي اربعين ..ياحسرتي
ماسويت شي ابد ..
حايسه بالنت ادور صبغات حلوه
ابو الشباب متوحم على الللون الاشقر
ويبي حنا خفيف ..
وانا مالي خلق على اي شي ..حتى الاكل والشرب مايمرون الا بمراره.. الله يعين
انتي وش مسويه مع التعب..؟
انا الي اعرفه انك حساويه بس ساكنه هنا حولنا ولا بالحسا؟

بنكي بنكي
كلام ام القمرين سليم ..
انا ولدي مثل ولدك .. اخليهم بحضنه شوي
او يناغيهم ويسولف معهم واحيان اعطيه الرضاعه يرضعهم شوي واشيلهم عنه
وتخف غيرته منهم وماياذيهم ..والله يعينا عليهم يارب

عذاري
مو شرط يكون الوحم دبل ..
انا وحمي كان عادي ..بس تعبت بسبب الصيام ..والصوم يتعب الحامل بشكل عام .. ومن ودعنا رمضان ودعت الوحم
ونسيت اني حامل لولا الثقل بس ..
يعني تطمني وانبسطي اذا صار وحامك خفيف ..انا اشوف ناس حالتهم يرثى لها وهم حوامل بواحد .. الله يعينهم يارب
والافرازات اذا مامعها حكه ولا ريحه ولالون غريب
اصفر اخضر بتكون افرازات حمل عاديه

مهاوي
الف الف مبرووووووووك ياعمري
ويتربون بعزك العروسه والعريس كولولولوليش
عقبال ماتفرحين فيهم يارب ..
شرايك تكتبين الاكشن وتروحين تقرين الي فاتك على الراحه << احلفي خخخخخخخ

دانات
اخبارك وش مسويه ..؟
الثقل يبدا من السابع .. ووسعي صدرك تراك ماشفتي شي

الفراشه الجميله
الله يعينك يارب ..
انتي تركوا عيالك الاثنين عندك ..؟