هل اخبر اهلي ولا اكتم الموضوع بيني وبين زوجي

[زهرة الربيع 82]

السلام عليكم صبايا
انا متزوجة صارلي سنتين....وما صار حمل....لانه المشكلة من زوجي عنده ضعف وتشوهات بالحيوانات المنوية..جربت عملية اطفال انابيب للمرة الاولى وقدر الله انها ما تنجح... عملتها بدون علم اهلي( اقصد امي) بس اضطريت اخبر حماتي لانها كثير تتكلم عن الاطفال وكله على بالها انه المشكلة مني..فخبرتها بس علشان تخفف الضغط علي........
الحين ناوية اعملها للمرة الثانية.......وخاطري اخبر امي علشان تكون جنبي وتدعي لي لاني بحاجة للدعاء بس بنفس الوقت ما اريد يطلع الموضوع لاحد حتى لو امي...لانه بالاول والاخير هالموضوع حساس ويمس خصوصيات زوجي
انصحوني الله يرضى عليكم هل اخبر امي بالموضوع او استمر بالكتمان واخلي الموضوع بس بيني وبين زوجي؟؟

[ودي احمل]

اطلبي من امك الدعاء لك ولزوجك
ولا تخبريها بالموضوع


عشان زوجك الرجال هالمواضيع عندهم حساسيه للغايه

خالص ودي

[اسماء2]

انا من رايي انك تقولي لي امك

[دلعععع]

حبييتي اولا توكلي علي الله طيب
وبعدين امك هذي اكيد زوجك زي ولدها بالعكس خبريها يمكن تدعيلك
وتسهل عليك مهما كان السبب قولي عنده بس ضعف وانشاء الله بتعالج هونيها عند امك هذه احدي ابواب الجنه ودعوه الوالدين
الله يخليها لك وتبشرينا بحملك ياااارب

[أ م ل]

لا تقولي لاحد حتى يثبت حملك على خير

[سولآف]

بالعكس الافضل امك تدري لا مافيه اصدق من دعاء الام

توكلي على الله وخبريها وقولي عندة ضعف بسيط وزي كذا

[ريتاج2009]

إللي يريحك سويه
أنا الشهر إللي طاف سويتها وفشلت مع العلم إنها بيني وبين زوجي ماأحد يدري
وإللي ربك كاتبه بيصير...

[تاج ذهب]

الله يثبتلك حملك هالمرة ومافي مشكلة اذا خبرتي امك حبيبتي

[سآآآرونة]

انا لو مكانك ماراح اقووول ...احس احراااااج له وماراح ارضاها

خلي امك تدعي لك بدون ماتعرف وش السالفه ...

[غصن البان]

ان شاء الله تنجح هالمرة يااااارب
بس انا لو اني محلك بخبرها عاااااادي الكتمان ما ينفع لا بقدم ولا بأخر
اذا بس امك وامه يعرفوا هاااد شيئ عااادي بس كتمي عن الناس الثانين يعنني اذا كنتي واثقة انها امك ما رح تخبر حددا احكيلها والله يوفقك ياااارب..
والله يرزقك ياااااااارب..