كل المعلومات عن المستشفى العسكري الي بالرياض

[العاااالي مستواها]

السلام عليكم ورحمة الله وبركاته


انا شفت بنات كثير يسألون عن المستشفى العسكري في الرياض وعن خدماته في الولاده والمراجعه منشان هذي الاستفسارات حبيت افيدكل من تبي تراجع في المستشفى العسكري
************************
1-سوي تعريف من مكان شغل زوجك اذا تابع للقوات المسلحه0
2-بعدين صوري كل من بطاقة الاحوال للزوج ودفترالعائله وبطاقة زوجك العسكريه مع الاصول طبعا0
3-روحي قسم التسجيل مبنى 113مقابل الطواري الي على خريص-سويتي الملف روحي لمركز الاسره والمجتمع في حي الوزارات سويلك موعد0
4-المواعيد في المستشفى من الساعه 8حتى 11 قبل الظهر0
5-هذا رقم التلفون للحجزالمواعيد 014758000-تحويله رقم 1-اطلبي الوقت الي تبين0
6-بعدين تراجعين لين التاسع في الوزارات بعدين يحولونك لمبنى 109 حق الولاده هذا للي ماعندها ظغط او سكر0
7-المواعيد كل شهر لين الثامن وبعدين كل اسبوعين والتاسع كل اسبوع لين الولاده0
8-السونار يسونه مره وحده في نهاية الخامس بداية السادس0
9-التحاليل مره وحده في بداية المراجعات يسوون تحليل عام0
10-تحليل السكر بداية السادس تصومين من الساعه 9 مساءً0وتحضرين السابعه صباحاً0
وياخذون برواز دم وبعدين تشربين الجلوكوز وبعد ساعه برواز آخر وبعد ساعه ثانيه برواز آخر0
11-تحليل البول كل موعد تحليل قبل دخولك على الدكتوره0
12-اذا جاك الطلق وكان موعد الولاده حان ادخلي قسم الطواري في مبنى 109 تحت راح يكشفون عليك اذا ولاده بيطلعونك على طول فوق قسم الولاده0
13-بعد الولاده يطلعونك فوق للغرفه0
14-العنايه ممتازه بالام والبيبي فيه طاقم قابلات سعوديات مررره طيبين وحنونات عليك0
15-البيبي يرضعونه بعد الولاده على طول اذا طلعتي فوق يروشونه عندك ويلبسونه من عندهم اذا الام ما عندها ملابس0
16-القابله تطلع معك فوق وتدخل ومعك الحمام لين تتشطفين وتلبسين وبعدين تتاكد من حرارتك وظغطك وتودعك وتروح لشغلها مره ثانيه0
***********************
ربي يسرلكل حامل ويسهل عليها يارب العباد اامميين

اتمنى من كل قلبي ان هذا الموضوع يكون مفيد للجميع

[**سماسم**]

مشكوره يالغاليه على المعلومات ..
ربي يعطيج العافيه
,,

[العاااالي مستواها]

الله يسلم قلبك ياسمسومه ,,,,,

[شموسه]

جزاج الله خير ياعمري

[العاااالي مستواها]

تسلمين شموسه ما سويت شي

[العاااالي مستواها]

ربي يعطيكم الصحه والعاافيه

[طفـ روح ـله]

ماشاء الله معلومات كاملة
الله يجعلها في موازين حسناتك

[حِلمْ الأُمـوُمَـهـْ]

حسبي الله عليهم ونعم الوكيل ,,

الله يحآآآآآآآآسبهم ولآيرحمهم مثل مآآآآعذبووني عندي إجهآآض في الشهر الرآبع ولي أسبوع

رآيحة جآية عليه ومعي نزيف ويقولون بكل بسآآآآطة مآآفي سرير وهذآ وأنآ تآبعه لهآ المستشفى

وفي الأخيير رحت طوآآرئ اليمآآمة وكآآآن عندي نزيييف شديييييد ركبولي أربع مغذيآآآت

وعلى طوووول غرفة العمليآآآآت وأنآ بين الحيآآآة والموووت وبس أتشهد ,,

الله يعوضني خييير يآآآآآرب والحمدلله على قضآئة وقدرة ,,

[صعب تحقيقه]

يعطيك العآفيه بس حبيت اسالك عن آبرة الظهر يعطون للولاده الثآنيه لآنهم شآوروني بولادتي الاولى ورفضت كنت خآيفه منهآ بس شفتت المووووت والحين ابي اخذها ان شآء الله بالولده الثآنيه وسمعت انهم م يعطوون وحبيت اسآلك يعطوون للولده الثآنيه

[demoshka]

يعطيك العافية حبيبتي