حياة الـــــــزوج مع زوجتــــــــه من جد مسكين الزوج

[أميرة الأميرات]

Subject: حياة الـــــــزوج مع زوجتــــــــه من جد مسكين الزوج

الزوووووووواج

تشيرالساعة إلى 6:30 صباحاً

تودع زوجها وهو طالع للعمل وتقول له بالسلامة ياحبيبي

الساعة 11صباحاً

تتصل عليه في العمل وتقول له حبـيت اسمع صوتك بس ياعمري

الساعة 3 العصر

تستقبله وهي متشيكة وتبوسهوهو داخل للبيت وتقولله

"الغدا جاهز يا حياتي ..تحب أحطه لك الحين" ؟

الساعة 5 العصر

تصحيه من النوم ببوسة وتقول له اعمل لك شاي يا حبي؟

الساعة 6 المغرب

تسبل عيونها وتقول بكل خجل يا ريت يا حبـيبي .. يعني لوما عليك كلافه .. يعني إذا تقدر توديني شوي لبيت أهليإذا كنت تقدر يا عمري وقبلما ينطق بكلمة: " إذا ماتقدر خلاص مو لازم ".. وطبعاً يضيع هو في نظرة من عيونها ويوديها لاهلها ولو انهم ساكنين في المحمدية وهو ساكن في شقق الاسكان الجنوبي.

الساعة 8 بالليل

تتصل على الجوال وتقول: "اشتقت لك يا عمري .. يا ريتتمرني ونروح للبـيت".. وطبعاً هو عارف وش بيجيهفي البيت فيطمرويقول للشباب آسف والله يا شباب راسي مصدع ولازم امشي

الساعة 10 بالليل

تجلس في حضنه وتقول: "الله.. يا حبي تتذكر ؟..

تتذكر أيامالخطوبة لما كنت تعمل المستحيل عشان تشوفني وانا أشوفك

الساعة 11 بالليل

الوصول إلى هذه الصفحة غير مسموح

بعد مرور عشر سنوات,, وانا اقول هلايام بعد اقل من سنة واتحدى اي راجل يقول اني غلطان0حريمنا يبيلهم دورات وورش عمل وقليل من ادم يبيلهم)00

الساعة 6:30 صباحاً

هي في سابع نومه

الساعة 11 صباحاً

هي برضه في سابع نومه

الساعة 3 العصر

تستقبله وهي نافشة كشتها وتقول: " شف لي حل مع ولدك علي هذا ..حتى الآن ما حل الواجب .. وسويـر الله ياخذ عمرها إن شا الله شاقه مريولها فيالمدرسة…عطني فلوس لازم أروح اشتري لها واحد غيره … وصويلح يبي علبة هندسه توه يقوللي يوم ان الاختبار صار بكره… وترىموضي تكرفست مع الدرج وهي كانت في المشاية… والظاهر انها تعورت … كله من هالشغالةالله ياخذها….اسمع يا أنا يا هالشغالة في هالبيت…. أبيك اليوم تسفرها ما أبي أشوفهاوابـيك بسرعة تقدم على وحده ثانية …. وما أبيها تصير حلوة….. يا ويلك لو صارت حلوة.. وبعدين شغالتي أبيك تشرط عليها إذا سفرتها ما عاد تشتغل عند احد…. عشان ما تقولأسرار بيتنا للناس اللي تشتغل عندهمما تدري إن أسرار بيتهمكلها عند الجيران من لسانها هاللي وش طوله!

الساعة 5 العصر

هي تفك هوشه بين سوير واخوها.. ويصحى هو على صوتها وهي تهاوشوتدعيعليهم بجميع الأمراض الخطيرة الحديث منها والقديم: "جعلكم للطاعون…جعلكمللحمى…جعلكم للوادي المتصدع…جعلكمللحمى القلاعية…والأيدز...الخ

الساعة 6 المغرب

هو جالس يشرب الشاي وهي تقول: "نبي نروح لامي بتجيهم بنت خالة جدولد عم أبوي...وبعدين نبي نروح نشتري للبنت مريول...وبعدين بنت عمي والدة ولازمأروح اشتري لها هدية من باتشي و أبي أمر على المشغل..وبعدين حطنا عند أختي من زمان ما شفناهم. وفي هاللحظة فكر هو انه يشتغل ليموزين أحسن له

الساعة 8 بالليل

تتصل بالجوال: "وينك فيه ؟ وبعدين وين بتروح ؟ ومنهو اللي معكهذا ؟ ووش تسوون ؟ ومتى بتجي ؟.. لا ما فيه!!.. الساعة 10 انت بالبيت

الساعة 10 بالليل

جالسين هي وياه عند التلفزيون ..أخيراً هدوء ...والعيال نايمين ...والجو جميل ..وفجأة تطالعه وهي مادة بوزها وتقول: "الحين أمك وش عندها اليوم ماترد يوم اني سلمت ؟ " "هاه ؟ .. والله ما ادري كان قاتلتلها احد من اهلها ا".... "وأختك وش هالحركاتاللي مالها سنع…ليش عازمة الجيران وكل حريم اخوانك إلا أنا ؟؟؟ .. لكن هيـّن واللهلأسوي عزيمة وما أناديها… أصلاً هي ما زارتني في المستشفى يوم اني ولدت وانا فاهمةقصدها..لكن هيـّن ..والله لو تحب السما ماني زايرتها إذا ولدت…وبعدين بنات عمك وشعندهم نافخين عمرهم ؟؟ على ايش أبي افهم؟؟…. على جمالهم الزايد اللهم لك الحمدبس".. تسكت شوي بعدين تقول: "وبعدين أختك نوره يوم انها تقول إن علي ولدي يشبهني مايشبه أبوه وش قصدها هاه؟؟"

ملاحظة : علي هو اشين اخوانه

"أنا فاهمة قصدها، وتراها إذا ما بطلت هالحركات والغمز واللمزتراني أبسمعها كلمتين وأخليها تحترم نفسها….. لا وذاك اليوم تقول أخوي محمد ( الليهو الزوج ) حلو مرة و3 من حريم الجيران قد خطبوه لبناتهم…. من زينك بس ما أدري وشلاقين فيك!؟"
يسكت وما يرد.. تسكت هي ثم تقول: "وبعدين أخوك شاري لحرمته ساعةقيمتها عشرين ألف ريال".. يرد: "طيب وش المشكلة ؟".. هي: "وأنا ليش ما تشتري لي ..والا أنا ما استاهل .. ولو هي يعني أحسن مني؟! … بلاك ما شفتها ...شينه وطبايعهاشينه وحتى طبخ ما تعرف تطبخ!!".. هو: "خلاص اشتري لكساعة".. تعصب هي وتقول: "ايه تسكتني بهالكلام ….والله لانت شاريولا شي".. هو:" وش تبيني أقول يا بنت الحلال ؟".. تقوم وهي تبكي وتقول:" خلاص ماأبي منك شي ! "

الساعة 11 بالليل

هي زعلانه ونايمة مع العيال

وهو يتحسف على اليوم اللي تزوج فيه

[يارب ترزقني بطفل أضمه]

يسلمووو اميرة قلبي عالموضوع هههههههههههههههه
لكن هذا قليل في هذه الايام صارت المراه واعية اكثر ومتفهمة مشكورة قلبي

[أميرة الأميرات]

الله يسلمك يالغلا

منورة صفحتي المتواضعه

[انثى لن تنسى]

الله يعطيك العافية

[أميرة الأميرات]

الله يعفيكي يالغلا

منورة

[جود الاماسي]

هههههههههههههههههههههه
اتوقع بعد الولاده بصير زيها
يسلموووو على النقل المميز

[مودي]

[أميرة الأميرات]

الله يسلمك يا جود منورة يالغلا


مودي منورة يالغلا

[demoshka]

[احساس الغرام]

يسلمو يالغلا بس مع الاسف هذا الواقع