تجمع لحوامل شهر جمادى الأولى 1433

[H&H]

ياليت تفيدوني كيف اسوي شريط الحمل
اذا كتبت تاريخ اخر دورة يطلع الحساب خطأ
والا اسجل التاريخ اللي ادخل فيه شهر جديد من الحمل

[همسات قلبي]

تكتبي موعد الولاده بس

[H&H]

ما اعرف تاريخ الولادة بس الدكتورة قالتلي
كل 10 ميلادي اكمل شهر
يعني في 4/10 ميلادي اخلص التاسع
هوا هذا التاريخ اللي تقصديه

[..ام بدر..]

مرحبااا ياحلوات...الله حمستوني عالتجهيزات وان شاء الله يوافق زوجي انو اجهز لانه مايحب نزلت السوق خخخخ

h&hانتي مو دورتك معاي على ما أظن؟؟؟اكتبي التاريخ وبحسب لك ولو حابه اسويلك الشريط سويت لك

[H&H]

مرحبا ام بدر
لما اكتب في الموقع تاريخ اخر دورة غلط حساب الشريط
يطلب مني موعد الولادة
انا دورتي هجري 8 شعبان كل 22 ادخل شهر جديد
وميلادي 4/10 أخلص التاسع ==> اسجل هذا التاريخ

[أم رزاان]

صباح الخير حبايبي :)

حبيبتي اعطيني موعد آخر دوورة وأنا اسوية لك

وتبغية وردي ولا ازرق ولا ملوون ؟

[H&H]

همسات قلبي
أم بدر
أم رزان
الله يجزاكم حبيباتي كل خير والله احرجتوني بكرمكم
انا كتبت تاريخ آخر دورة ميلادي وهجري
لون الشريط ملون 

[أم رزاان]

هلا حبيبة قلبي

لا اكتبي موعد ولادتك

آخر دووورة مايزبط معك !!

خذي التاريخ من هنا

http://www.hwaml.com/7sab.htm

[H&H]

تسلميلي ياغالية
ابجرب اسوي الشريط
ولك كل الشكر

[أم رزاان]

سروووءة .. رحت للموعد ياقلبي

وقالت كل شيء كويس بس السكر مرتفع شوووي

بس اللي مطمنا حجم البيبي كويس ومناسب جداً لعمرة حتى باليووم

وقالت ماتحتاجي علاج فقط حمية بسيطة وتمشي الامووور

وطبعاً زي ماكنت متوقعة قالت إحتمال بتصير عندك ولادة مبكرة

نتيجة تمزق بسيط في عنق الرحم .. بسبب آخر ولادة عندي

لأنو كان الطلق قووووووي مرررة والرحم مقفل فحصل تمزق بسيط !

درج نهائياً ابتعدي عنة .. رااااحة تاااامة .. مشي ماااافي

أقل شيء لتخلصي السابع .. وربنا بيسهلها ويعديها على خير