حبيباتى سيدات ليبيا تفضلو لأعرف ما حالكم

أمل ليبيا · 10-30-2013, 07:46 PM

السلام عليكم
ام فراس ان شاء الله ربي يعينك ع العزومه وفي ميزان حسناتك تعرفي شعوووور حلو لما يعزمك حد في الغربه اني قداش نفرح الفترة الاولى لما يعزمنا حد باش نطلع ونتعرف واكيد العروسه ح تفرح هلبا بزيارتك

هدوشه ضحكتيني بمشاكسات سوما ربي يحفظها اكيد ادير في الي كانت امها ادير فيه زمان صح والا لا اعترفي ههههه
وبالله بنسألك شن كان شعورك اول ماجبتيها ؟انتي وزوجك شن كانت ردة فعلكم؟وهل فعلا تنقص عليك من الم الغربه شويا؟

شموسه غياب ان شاء الله تكوني بخير طمنينا عليك حبيبتي كيف حالك توا ان شاء الله احسن

اثري وسوسو وجنودة كيف حالكم ياحلوات

ام نوزة مبارك الهديه وان شاء الله بطول عمركم وديما يهديلك وان شاء الله موفقه في سفرك صلي استخاره حبيبتي وربي يسهلك الي فيه الخيره ان شاء الله

جي جي هيا امتى بتجي الحلوة كل يوم ندخل نقول اكيد جابت هيا باش تحكيلي بالتفصيل شن صار معاك هههه وضحكتيني بمصطلحات سي سي متع الانقلاب في مصر ههههههه المهم اني ليا فتره منحياته من القاموس بكل لكن فيفي عادي مافيش مشكله

رغودة ان شاء الله ربي يسهلك سفرتك والله حتي اني قبل بنسافر كنت نعاني زيك من نشدة الناس وامتي السفر امتي السفر وفي الي قال مهناش منها دوة السفر غير بلعاني جو

وع فكرة طلعتي جارتي اني من الزاويه بس قاريات معايا هلبا بنات من صبراته في الكليه وماشاء الله عليهم والحق صبراته نحبها هلبا هلبا وخاصة بحرها عشقنا في الصيف الله قداش استاحشته

اوشي اكيد لاهية في الفرح ان شاء الله ربي يسخرلكم الحال ويجي الفرح كيف ماتحبو واحلا

ام ورد كيف حالك وحال الحمل معاك

أمل ليبيا · 10-30-2013, 07:49 PM

اهلين ومرحبتين ام معاد كيف حالك وحال سنافرك ربي يحفظهم احني بخير ولله الحمد

ام معاد · 10-30-2013, 07:50 PM

جنودة مبارك السفرة وربي يحفوك انت وزوجك.امول كيف حالك وربي يسهل عليك كم مازالك في شهرك

ام معاد · 10-30-2013, 07:54 PM

ا
ل
حمد لله امول اهو قعدة بروحي ومركبة بوتيناج ونجري وراء الصغار ههههههههه

أمل ليبيا · 10-30-2013, 07:54 PM

بنات حاق البكرة لازم تعطل ع موعدها؟؟وهل لازم تحسي ببوادر وجع قبل قرب الولادة والا عادي ؟لانه ليا 10 ايام في التاسع وماعنديش اي بوادر للولادة قصدي الوجع الي يقولو زي وجع الدورة ماجانيش بكل!!

عندي بس الالام في الحوض واعلا الفخدين هلبا لين مظايقني في المشي

بالله قولولي تجاربكم وشن هي الحاجات الي جربتوها تسهل الولادة ؟؟
اني عندي مية زمزم بنرقيها ان شاء الله وعاطيتني امي ربي يحفظها عشبة الي تنقعيها في مية لين تنفتح وبعدين تشربيها جابتهالي من الحج من فيكم جربها؟؟

أمل ليبيا · 10-30-2013, 07:56 PM

اقتباس:

المشاركة الأصلية كتبت بواسطة ام معاد

ا
ل
حمد لله امول اهو قعدة بروحي ومركبة بوتيناج ونجري وراء الصغار ههههههههه

هههههه ماشاء الله صار اديري في رياضه ربي يعينك بسلامتهم الصغار عندهم طاقه مش زينا

تسلمي موعدي في نص 11 ان شاء الله وقاعده نطمع بلكي نجيب قبله خخخ

ام معاد · 10-30-2013, 08:04 PM

اه ياريتا يعطوني من طاقتهم شوي

~~sosolibya~~ · 10-30-2013, 08:08 PM

السلام عليكم ورحمة الله وبركاته

كيف حالكم

مساء الورد..

~~sosolibya~~ · 10-30-2013, 08:12 PM

منو موجود خوخة كيف حالك وكيف أم ورد

هدية الخالق · 10-30-2013, 08:27 PM

السلام عليكم كيف حالكم اليوم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM