تجمع كيف تقضين وقتك في المطبخ بشهر رمضان

العاااالي مستواها · 07-15-2011, 06:02 PM

يابنات الي عندها معلومه او قتراح لاتبخل علينا فيها ربي يسعدكم ياعسلات المنتدى

ام سيلا · 07-15-2011, 10:58 PM

رمضان كريم علينا وعليكم

بنسبه لي انا لما كنت في بيت اهلي ما ادخل المطبخ كثير في امي واخواتي
اما هذه السنه شايله هم ما في احد يساعدني زي في بيت اهلي الحين انا متزوجه
كل شي لوحدي اسوي
ان شاء الله احاول استغل الوقت وخلص شغلي بدري وامسك القران اهم شي ماننسى تلاوت القران الكريم ونحاول نختمه اكثر من مره

وان شاء الله استفيد منكم في تقضيت الوقت في المطبخ

العاااالي مستواها · 07-16-2011, 12:38 PM

باقي ايام قليله على شهر الخير

الله يدخله علينا بالرحمه والعفو والعافيه

((ام ليان)) · 07-16-2011, 01:57 PM

اللهم بلغنا رمضان
ادخل المطبخ اسوي الحشوات واخلي الشغاله تحشي وسفرتنا متواضعة
قهوه تمر شوربه سمبوسه سلطة بس كنت اول التعب نفسي في المطبخ وزوجي يقول لاتسوين
كثير بس ابغى شوربه وسمبوسه
اما عن الجمعات ما اجتمع مع اي احد في رمضان وحتى السوق ما انزل في رمضان اجهز اغراضي من الشعبان

كل الحلى · 07-16-2011, 03:31 PM

حرام عليك يالعااالي جبتيها على الجرح

أهيييييييي أهيييييييي

أنا دااااااااااااااجة ماأعرف أطبخ نهااااااائي

اللهم الكبسة والمكرونة وحاجات بسيطة

ماأعرف للمعجنات والسمبوسات

ورمضان اللي فات كنت أتوحم ورحت لأمي جلست عندها كل رمضان
فماطبخت

بس السنة ذي لازم وماني عااااارفة وش أسوي

مرررررررره موترني هالموضوع أحس عندي إختبار نهائي

مغصني بطني يوم قريت ردودكم
ماشاء الله عليكم بسس

العاااالي مستواها · 07-16-2011, 03:42 PM

تابعي معنا وراح تتعلمي شوي شوي

وترى كلنا مر علينا هذا الاختبارخخخخخخخخخ

فديت حبيبي A · 07-16-2011, 04:09 PM

موضوع رائع

هذا راح يكون اول رمضان لي مع زوجي وبعيدة عن اهلي

ولا اعرف ايش اسوي او كيف ارتب وقتي

او ايش اطبخ

متعودة على اهلي وعلى الجمعه عالسفرة

محتارة وخايفه كمان لان راح ادخل الشهر الثامن في رمضان ويارب يسهل علينا صيامة وقيامة وحسن عبادتة

العاااالي مستواها · 07-16-2011, 04:24 PM

اهلين فديت حبيبي كيفك وكيف البيبي

يارووحي خذي كل شيئ شوي شوي

وراح تتعلمين من البنات كل شيئ

ام سهير · 07-17-2011, 03:21 AM

اللهم بلغنا رمضان
وكل عام وانتوا بخير

حبيبة توفي · 07-17-2011, 10:26 AM

الله موضوع مره كشخه

تسلمين يالعالي

ع فكره لطشت كل افكاركم

وان شاء الله ابشوف اللي يناسبني

اما عني قبل زواجي
كان بالبيت حريم ابوي ال2 مسؤولات عن الطبخ
امي مطلقه وانا واختي مالنا دخل بحاجه

بس مع مرور الوقت ماعجبنا طبخهم
مايعرفون يطبخون..

صرنا ندخل انا واختي ونساعد

بس انا واختي من العصر نجي

وهم ال2 من ال9 للمغرب بالمطبخ
ولألف ويلاه ينحط الاكل يأذن والناس تفطر
وحنا للحين نتخانق
بس حنا سفره وحده مو 2

وكانت الاشياء الضروريه فيها
يعني اليوميه
الشوربه السمبوسه والفطاير والحلا والهقهوه والعصير
وكل يوم لنا زياده بها

ام بعد زواجي...جربت رمضانين وهذا الثالث ان شاء الله

الاول:كنت لسه عروس وماصار لي غير شهر متزوجه
انا واختي
وكنت اتوحم وانا مدري

3 ايام كان زوجي يداوم فيها ابقى ببيت اهل زوجي
مع اخته وامه اخته اكبر مني بسنه
وامه تسوي كل شي واذا تبي شي تنادينا
وحنا بس علينا تجهيز السفره والعصير
ونشيل الحوسه بعد الاكل ونرتب المطبخ
واختي كانت قبل الاذان تجي مع زوجها
ويجيبون معاهم اي شي
حلا او اكل .. اللي تسويه عادي
وال3 ايام اللي يجي بها زوجي
كنت اقوم العصر وادخل اسوي حاجه
اكل حلا براحتي
ومن خلص اجهز نفسي واروح لبيتهم

وهذا طبعا مادام غير 15 يوم
والباقي كان وحامي مره صعب كنت تعبانه
وعلى طول نايمه ومنسحه
واروح عندهم ابلشهم فيني وارجع

ورمضان اللي راح كنت حامل الشهر 5 وكملت السادس بنصه
بس كنت مره متنفخه وغصب اتحرك

كان الاتفاق انه انا واختي كل وحده تسوي اكله
وحلا وتجيبها وقبل الاذان نجي ونكمل معاهم

يعني نفس الاول تقريبا
بس هذا ملزومه تسويين هذاك دلع كيفك سويتي ولا لا

وكانت سفره وحده

بها شوبة عدس لان الكل يحبها
وتمر بجميع انواعه
واحد يبي مع جوزهند
والثاني مع بسكويت
وغيرهم مع سمح

وحوووسه
كل الاشكال ع السفره

و لبن وحليب وعصير تانج وفيمتو لازم تكون مثلجه ومنديه

وسمبوسه بلحمه وسمبوسه بجبنه
ومرات بخضار وبطاطا

اما الفطاير كانت شي متعب لاننا ماشاء الله كثااااار مره

يعني...امممممم
اصبروا ابي اعد كم وارجع لكم
.
.
.
.
.
.
.
.
.
.
.
.
.
.
.
.
تقريبا 20 شخص
وهذا من عدا الشباب اللي يسهرون بعد الفطور
ولازم لهم فطاير وحلا وعصير
ينقنقونه مع المسلسلات

فكنا نسوي التالي

ترى حلوه الطريقه

كانت امه لزوجي تسوي عجينه صغار مره
نفس الهمبرجر والصامولي

طويل ودائري

ونرش عليه سمسم وندهنهم وندخلهم الفرن

بس تبرد نفكها ونحشيها ع كيفنا

بس كان منضرهم جذاب

مثلا:
ندهنها بلبنه ونحشي معاها شريحة مرتديلا
وشرائح خيار وخس
او لبنه وشرايح زيتون ورشة نعنع

او ندهن طبقة جبنه وطبقة مايو نيز
ونحشيها نقانق
بعد مانكون مقطعينها دوائر وحامسينها مع التتبيله اللي تحبيها
نصف بداخلها 4 دوائر نقانق
وخيار ونص شريحة بندوره وخس

او ندهن جبنه ومايونيز ونحط شرايح بيض مسلوق
مع بندوره وخيار وخس

الحلو فيها ان الخضار لما تصفينها بوسطها
تكون باينه مثل الهمبرجر
تطلع مره جذابه

وانتم ابدعوا بالحشوات

ورمضان هالسنه اتوقع نفس الشي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور لتنظيم المطبخ لكل جزء في المطبخ	عزيزة النفس	المـنـتـدى الـعـام	12	05-29-2012 01:08 PM
تجمع الحمل لشهر رمضان	ابتسامتي سر سعادتي	منتدى علاج العقم و تأخر الحمل	563	08-31-2011 06:41 AM
@@كل ماتحتاجه السيدهـ الحامل في رمضان أسئله وأجوبه وفتاوي وأحكام للحوامل في رمضان@@	Mقمة البرااااائهM	المنتدى الاسلامي العام	8	08-03-2011 05:43 AM
مراتك......ولا.. ....شغلك	اقصوصه	المـنـتـدى الـعـام	8	11-20-2010 07:10 PM
@@ الى صاحبة المطبخ في رمضان @@	Mقمة البرااااائهM	قسم التغذية	2	08-01-2010 08:38 PM